24-Apr-2023

ସମ୍ବଲପୁର, (ସଂଜୀବ ପାଣିଗ୍ରାହୀ)
 ସମ୍ବଲପୁର ବିଶ୍ୱ ପ୍ରସିଦ୍ଧ ସର୍ବପୁରାତନ ନନ୍ଦପଡା ଶୀତଳଷଷ୍ଠୀ ଯାତ୍ରା କମିଟି ପକ୍ଷରୁ ରବିବାର ପୂର୍ବାହ୍ନରେ ଏକ ପ୍ରାକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି I ସ୍ଥାନୀୟ ନନ୍ଦପଡା ସ୍ଥିତ ଶ୍ରୀ ଶ୍ରୀ ବାଲୁଙ୍କେଶ୍ୱର ମନ୍ଦିର ପ୍ରାଙ୍ଗଣରେ ଆୟୋଜିତ ଏହି ବୈଠକରେ ଚଳିତ ବର୍ଷର ଯାତ୍ରା ଆୟୋଜନ ନିମନ୍ତେ ନୂତନ କମିଟି ଗଠିତ ହୋଇଯାଇଛି । ସର୍ବସମ୍ମତି କ୍ରମେ ସଭାପତି ରୂପେ ପ୍ରଶାନ୍ତ ବରାଇ, ମୁଖ୍ୟ ସଂଯୋଜକ ଗୋଲକ ବିହାରୀ ମିଶ୍ର, ସମ୍ପାଦକ ଆଶିଷ ବାବୁ ଓ ସହ ସମ୍ପାଦକ ଜିତେନ୍ଦ୍ର ନନ୍ଦ ଓ ଭବାନୀ ଶଙ୍କର ମିଶ୍ର, କୋଷାଧ୍ୟକ୍ଷ ଭୂବନ ମୋହନ ମିଶ୍ର, ସହ କୋଷାଧ୍ୟକ୍ଷ ରୂପେ ପ୍ରଶାନ୍ତ ଦାଶ ଏବଂ ଗଣମାଧ୍ୟମ ସଂଯୋଜକ ବିରାଜ କୁମାର ମିଶ୍ର ଓ ସୁଶ୍ରିତ ମିଶ୍ରଙ୍କୁ ନିଯୁକ୍ତ କରାଯାଇଛି । ଉପଦେଷ୍ଟା ମଣ୍ଡଳୀରେ ଅମୂଲ୍ୟ ମିଶ୍ର, ପ୍ରଫୁଲ୍ଲ ହୋତା, ଫଣି ଭୂଷଣ ମିଶ୍ର, ମହେନ୍ଦ୍ର ମିଶ୍ର, ଚକ୍ରଧର ମିଶ୍ର, ବେଣଧର ଦାଶ ଓ ଶଶାଙ୍କ ଶେଖର ନନ୍ଦ ଙ୍କୁ ମନୋନୀତ କରାଯାଇଛି । ଚଳିତ ବର୍ଷ ନନ୍ଦପଡା ଶୀତଳଷଷ୍ଠୀ ଯାତ୍ରାକୁ ପୂର୍ବ ବର୍ଷ ଗୁଡିକ ଭଳି ଭବ୍ୟ ଓ ଆଡମ୍ବରରେ ପାଳନ କରିବାକୁ ସମସ୍ତଙ୍କର ମତାମତ ସହିତ ନିଷ୍ପତ୍ତି ନିଆଯାଇଥିବା ଗଣମାଧ୍ୟମ ସଂଯୋଜକ ବିରାଜ କୁମାର ମିଶ୍ର ସୂଚନା ଦେଇଛନ୍ତି I