23-Apr-2023

ରୁପ୍ରାରୋଡ (ସଞ୍ଜିବ ଦାସ )
 ପବିତ୍ର ଅକ୍ଷୟ ତୃତୀୟା ପର୍ବ,ଏହି ପର୍ବ  ଚାଷୀ ଭାଇ ମାନଙ୍କ ପାଇଁ ବଡ଼ ପର୍ବ ତଥା ଖୁସିର ପର୍ବ କହିଲେ ଅତ୍ୟୁକ୍ତି ହେବନାହିଁ ,କାରଣ ଏହି ଅକ୍ଷୟ ତୃତୀୟା ଅବସରରେ ଚାଷୀ ଭାଇ ସକାଳୁ ଉଠି ଶୁଦ୍ଧ ସ୍ନାନ କରି ନିଜର ବେଶଭୂଷା ରେ ସଜ୍ଜିତ ହୋଇ ଟୋକେଇରେ ଧାନ, ଅରୁଆ ଚାଉଳ ସହିତ ଫୁଲ ଚନ୍ଦନ, ସିନ୍ଦୁର ରେ ଗୋମାତା ତଥା ବଳଦ ରେ ଯୋଷା  ହଳ ନଙ୍ଗଲକୁ ବିଧିବିଧାନ ରେ ପୂଜା ପାଠ କରି ନିଜର ଜମିରେ ଥିବା ବସୁମାତା ମାଟିକୁ  ନୀତି ଭକ୍ତିରେ ପୁଜା କରିଥାନ୍ତି । ଏବଂ ନିଜର ଜମି ରେ ହଳ ଲଙ୍ଗଳ କରି ଧାନ ବୁଣି ଥାଆନ୍ତି । ଏହି ଦିନ ପ୍ରେତେକ ଘରେ ବସୁମାତା ଙ୍କୁ ପୂଜାଚର୍ନ। କରିବା ସହିତ ଭଗବାନ ଙ୍କ ଠାରେ ମଧ୍ଯ ପୂଜାଚର୍ନା କରାଯାଇଥାଏ । ଅନ୍ୟପଟରେ ଏହି ପବିତ୍ର ଅକ୍ଷୟ ତୃତୀୟା ଦିନ ନର୍ଲା ବ୍ଳକ୍ ଅନ୍ତର୍ଗତ ରାକ୍ସସି ଓ ବାଳିଶୀଙ୍ଗା ପଂଚାୟତ ଠାରେ ଦେଖିବାକୁ ମିଳିଥିଲା ଧରଣୀ ପୀଠରେ ପୋଢବଳୀ ପ୍ରଥା । ଅକ୍ଷୟ ତୃତୀୟା ଅବସରରେ କନ୍ଧ ସମ୍ପ୍ରଦାୟରେ ପୂର୍ବଜ ମାନଙ୍କ ପରମ୍ପରା ଅନୁଯାୟୀ ଚଳି ଆସୁଅଛି ପୋଡ଼ ବଳୀ ପ୍ରଥା, ଉକ୍ତ ପ୍ରଥା ରେ ନିଜର ଇଷ୍ଟ ଦେବୀ ମା ଧରଣୀଙ୍କ ପୀଠରେ ପ୍ରତି ୧୨ ବର୍ଷରେ ଥରେ ପୋଡ଼ବଳୀ ଅର୍ପଣ କରାଯାଇଥାଏ । ଆଜି ପରମ୍ପରା ଅନୁଯାୟୀ ଅକ୍ଷୟ ତୃତୀୟା ଦିନ ୧୨ ବର୍ଷ ପୁରଣ ଅବସରରେ ଧରଣୀ ପୀଠରେ ପୋଡ଼ ବଳି ଦିଆଯାଇଥିଲା । ଏହି ପୂଜାରେ ଅଞ୍ଚଳର ଅନେକ ଶ୍ରଦ୍ଧାଳୁ ଭକ୍ତ ମାନେ ଉପସ୍ଥିତ ଥିଲେ।