02-Apr-2023

ଧର୍ମଗଡ଼  (ଜ୍ୟୋତିରଞ୍ଜନ ବେମାଲ)
  କଳାହାଣ୍ଡି ଜିଲ୍ଲା ଧର୍ମଗଡ ବ୍ଲକ୍ ବେହେରା ଗୋରୁ ବଜାର ପ୍ରାଙ୍ଗଣରେ  ଦଣ୍ଡପାଟ ଯୁବ ସେବା ସଂଗଠନ ର ପ୍ରଥମ ସ୍ଵନକ୍ଷତ୍ର ଉତ୍ସବ  ପାଳିତ ହୋଇଛି । ସଙ୍ଗଠନ ସଭାପତି ଭବେଶ ଗଇନ୍ତା ଙ୍କ ସଭାପତିତ୍ବରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଧର୍ମଗଡ଼ ବ୍ଲକ୍ ଅଧ୍ୟକ୍ଷା ବବିତା ପଟ୍ଟଯୋଷି ସମ୍ମାନୀତ ଅତିଥି ଭାବେ କୋକସରା ଜିଲ୍ଲାପରିଷଦ ସଭ୍ୟ ହେମନ୍ତ ମାଝୀ, ପ୍ରଫେସର ଭୁବନେଶ୍ୱର ବେହେରା ଯୁବ ସଂଗଠନ ପୂର୍ବତନ ସଭାପତି ଚିନ୍ମୟ ବେହେରା ,ସମ୍ପାଦକ ଅବିନାଶ ମୁଣ୍ଡ,ପ୍ରିୟରଞ୍ଜନ ମୁଣ୍ଡ ,ଶିକ୍ଷାବିତ୍ ଭକ୍ତଚରଣ ଭୋଇ, ସୁଚିତ୍ରା ଗୋପାଳ,ପୂର୍ବତନ ବ୍ଲକ୍ ଅଧ୍ୟକ୍ଷ ବଳରାମ ପୁଝାରୀ ,ମୁଖ୍ୟ ବକ୍ତା ଭାବେ ଲଖିରାମ ଅଗ୍ରୱାଲ କଲେଜ ଅଧ୍ୟକ୍ଷ ନିର୍ମଳ ଚନ୍ଦ୍ର ନାୟକ ଯୋଗ ଦେଇ ସଂଗଠନର ସେବା କାର୍ଯ୍ୟକୁ ଭୂରି ଭୂରି ପ୍ରଶଂସା କରିଥିଲେ । ନେହେରୁ ଯୁବ କେନ୍ଦ୍ର କଳାହାଣ୍ଡି ଓ ଭାରତ ସରକାରଙ୍କ ଯୁବ ବ୍ୟାପାର ଓ କ୍ରୀଡ଼ା ମନ୍ତ୍ରଣାଳୟ ଅନୁବନ୍ଧିତ ଏହି ସଙ୍ଗଠନ ଗତବର୍ଷ ଉତ୍କଳ ଦିବସରେ ଜନ୍ମ ଲାଭ କରିଥିଲା । ସଙ୍ଗଠନ ଗୋଟିଏ ବର୍ଷ ଭିତରେ ଅନେକ ଜନସଚେତନତା କାର୍ଯ୍ୟକ୍ରମ ସହ  ଅଞ୍ଚଳର ଗରିବ ଅସହାୟ ମାନଙ୍କୁ ସଦାସର୍ବଦା ସେବା  ଯୋଗାଇ ଆସୁଛି ଏପରିକି ଅଞ୍ଚଳର ବେରୋଜଗାର ଯୁବକ ଯୁବତୀ ମାନଙ୍କୁ ରୋଜଗାର ଯୋଗାଇବା କୁ ସଙ୍ଗଠନ ଅହରହ ପ୍ରଚେଷ୍ଟା ଜାରି ରଖିଛି ବୋଲି ସଙ୍ଗଠନ ସଭାପତି ନିଜ ବକ୍ତବ୍ୟ ରଖିଥିଲେ । କାର୍ଯ୍ୟକ୍ରମକୁ ଖିରସିନ୍ଧୁ ବାଣୁଆ ପରିଚାଳନା କରିଥିବା ବେଳେ ସଙ୍ଗଠନ ସମ୍ପାଦକ ଭୁଜବଳ ନାଏକ ବିବରଣୀ ପ୍ରଦାନ କରିଥିଲେ । କାର୍ଯ୍ୟକ୍ରମରେ ଅଞ୍ଚଳର ଅନେକ ମନ୍ୟଗଣ ବ୍ୟକ୍ତି ଉପସ୍ଥିତ ରହିଥିବାବେଳେ ସଂଗଠନର ଟ୍ରିଲୋକ ନାଥ ସିଂ, ତରେସ ବିଶି, ଭିକାରୀ ଚରଣ ଗୋପାଳ,ସୁଶିଲ ନାଗ, ଖିରଶିନ୍ଧୁ ବାଗ ,ଈଶ୍ୱର ବାଣୁଆ ପ୍ରମୁଖ ସହଯୋଗ କରିଥିଲେ ।