31-Mar-2023

ସମ୍ବଲପୁର. (ସଂଜୀବ ପାଣିଗ୍ରାହୀ)
 ମାନେଶ୍ବର ସମ୍ବଲପୁରର ଅଗ୍ରଣୀ ସ୍ବେଚ୍ଛାସେବୀ ଅନୁଷ୍ଠାନ ସେବା ପକ୍ଷରୁ ହାଟପଡାରେ ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା | ସୂଚନା ଅନୁସାରେ ମାନେଶ୍ବର ହାଟପଡାର ମିନକେତନ ଗର୍ଡିଆ ଓ ମଂଜୁରୀ ଗର୍ଡିଆଙ୍କ ୧୪ ବର୍ଷିୟା ଝିଅ ଉତ୍ତରପ୍ରଦେଶର ଲକ୍ଷ୍ନୌରେ ଅନୁଷ୍ଠିତ ହୋଇଥିବା ଜାତୀୟ ପାରା ବ୍ଯାଟମିଣ୍ଟନ ଚମ୍ପିୟାନସିପରେ ରୌପ୍ଯପଦକ ହାସଲ କରିଛନ୍ତି | ଫଳରେ ଆଜି ସେବା ପକ୍ଷରୁ ହାଟପଡାରେ ସ୍ବତନ୍ତ୍ର ସମ୍ବର୍ଦ୍ଧନା ସଭା କାର୍ଯ୍ଯକ୍ରମ କରାଯାଇଥିଲା | ରାଣୀ ଜଣେ ଭିନ୍ନକ୍ଷମ ହୋଇଥିବାବେଳେ ଜାତୀୟ ସ୍ତରରେ ହାଟପଡା ତଥା ସମ୍ବଲପୁରର ନାଁକୁ ପରିଚିତ କରାଇଥିବା ଅତିଥିମାନେ ମତବ୍ଯକ୍ତ କରିଥିଲେ | ମଂଜିତ ମେହେର ଓ ଅଭିଷେକ ବିଶ୍ବାଲଙ୍କ ପ୍ରତକ୍ଷ୍ଯ ତତ୍ତ୍ବାବଧାନରେ ରାଣୀ ଏହି ସଫଳତା ପାଇଥିବା ରାଣୀଙ୍କ ବାପା ମାଁ କୋହଭରା କଣ୍ଠରେ କହିଛନ୍ତି |   ସେବା ପକ୍ଷରୁ ଅନୁଷ୍ଠିତ କାର୍ଯ୍ଯକ୍ରମରେ ସେବାର ବରିଷ୍ଠ ସଦସ୍ଯ ପ୍ରମୋଦ ସେଟ୍ ସଭାପତିତ୍ବ କରିଥିବାବେଳେ ଉପଦେଷ୍ଟା ଗୌରୀଶଙ୍କର ମିଶ୍ର, ସେବାର ଅଧ୍ଯକ୍ଷ ଅମର ତାଣ୍ଡିଆ, ସେବାର ସଦସ୍ଯ ତଥା ଜିଲ୍ଲା ଯୁବ ବିଜେଡି ସଭାପତି ଲକ୍ଷ୍ମୀ ପ୍ରସାଦ ମହାପାତ୍ର ଗୁଣ ମଣି ବିଶ୍ୱାଳ ପୂର୍ବ ତନ ସରପଞ୍ଚ ଆର୍ତ ତ୍ରାଣ ବାଗ ଅରବିନ୍ଦ ପାଣିଗ୍ରାହୀ ଆନନ୍ଦ ମେହେର ଜିତୁ ରାୟ ନରେଶ ସୁନାର ଜିତେନ୍ଦ୍ରର ଛୁରିଆ ପ୍ରମୁଖ ଉପସ୍ଥିତ ଥିଲେ |