30-Mar-2023

ପଦ୍ମପୁର (ପ୍ରେରଣା ଖବର )
 ସରସ୍ୱତୀ ଶିଶୁ ବିଦ୍ୟା ମନ୍ଦିର ପଦ୍ମପୁର ର ଶ୍ରୀରାମ ନବମୀ ଉତ୍ସବ ପାଳିତ ହୋଇଯାଇଛି ।ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ଯୁବରାଜ ପଧାନ ଙ୍କ ଅଧ୍ୟକ୍ଷତାରେ ଗୋପାଳ ଜୀ ମନ୍ଦିର ରୁ ଶ୍ରୀରାମ,ଲକ୍ଷ୍ମଣ,ସୀତା ଓ ହନୁମାନ ଙ୍କ ମୂର୍ତ୍ତି କୁ ଅଣାଯାଇ ଏକ ସୁସଜ୍ଜିତ ରଥରେ ପୂଜାର୍ଚ୍ଚନା କରି ନଗର ଶୋଭାଯାତ୍ରାରେ ବାହାରିଥିଲା ।ମୁଦିରଥ ପଣ୍ଡା ପୂଜକ ଦାୟିତ୍ଵ ତୁଲାଇଥିଲେ । ୧୧ଟି ଦଳ ରାଜା ରାମ,ଲକ୍ଷ୍ମଣ,ସୀତା ଓ ବନବାସୀ ରାମ,ଲକ୍ଷ୍ମଣ, ସୀତା ବେଶଧାରୀ ଭାଇଭଉଣୀ ସୁସଜ୍ଜିତ ଅଟୋରିକ୍ସା ରେ ବସି ଘଣ୍ଟ ବାଦ୍ୟ,ଡିଜେ ଗୀତର ତାଳେ ତାଳେ ଶିଶୁ ଭାଇ ଭଉଣୀ ମାନେ ଚାଲି ଚାଲି ଶୋଭାଯାତ୍ରାରେ ସାମିଲ ହୋଇ  ଶିଶୁ ମନ୍ଦିର ରୁ ବାହାରି ସାଇମନ୍ଦିର,ମେହେରପଡା,ବଡ଼ପଡା,ହନୁମାନପଡା,ଭେଉଁରିଆ ଛକ,ସୂର୍ଯ୍ୟ ନଗର ଦେଇ ଶିଶୁ ମନ୍ଦିର କୁ ଫେରି ଆସିଥିଲା ।ବିଭିନ୍ନ ସ୍ଥାନରେ ଝୋଟି କଳସ ବସାଇ ଦୀପ ଜାଳି ପୂଜିର୍ଚ୍ଚନା କରି ହୁଲହୁଲି ଦେଇ ସ୍ୱାଗତ କରିଥିଲେ ।ସମସ୍ତ ଙ୍କ ସହଯୋଗ ରେ କାର୍ଯ୍ୟକ୍ରମ ଟି ସଫଳ ହୋଇଥିଲା ।