30-Mar-2023

ସୁବର୍ଣ୍ଣପୁର  (ମନୋରଞ୍ଜନ ତ୍ରିପାଠୀ)
 ଅନଭିଜ୍ଞ ନାବାଳକ ଗାଡ଼ି ଚାଳକଙ୍କ ବେପରୁଆ ଗାଡ଼ି ଚାଳନା ଯୋଗୁଁ ବାରମ୍ବାର ସହରରେ ଦୁର୍ଘଟଣା ବୃଦ୍ଧି ପାଉଥିବା ଯୋଗୁଁ ଅନେକ ଖବର ପ୍ରକାଶିତ ହେବାପରେ ଏବେ ଜିଲ୍ଲା ପରିବହନ ବିଭାଗ ଏକ୍ସନ ମୁଡକୁଆସି ଯାଞ୍ଚ ପ୍ରକ୍ରିୟା କୁ ତ୍ୱରାନ୍ୱିତ କରିଥିବା ପରିପ୍ରେକ୍ଷୀରେ ଆଜି  ସୁବର୍ଣ୍ଣପୁର ଆଞ୍ଚଳିକ ପରିବହନ କାର୍ଯ୍ୟାଳୟ ତରଫରୁ ସହରରେ ବିନା ଡ୍ରାଇଭିଂ ଲାଇସେନ୍ସ ରେ ସ୍କୁଲ ଓ କଲେଜ ପିଲାମାନେ ଗାଡି ଚଲାଉଥିବା ବେଳେ ୩ ଜଣ ନାବାଳକ ଗାଡି ଚାଳକଙ୍କ ଠାରୁ ସେମାନଙ୍କ ଅଭିଭାବକଙ୍କ  ଉପସ୍ଥିତି ରେ ପ୍ରତ୍ୟକଙ୍କ ଠାରୁ ୨୫୦୦୦/- ଟଙ୍କା ଲେଖାଏଁ ଜୋରିମାନା ଆଦାୟ କରାଯାଇ ଭବିଷ୍ୟତରେ ଏଭଳି କାର୍ଯ୍ୟ  ନକରିବା ପାଇଁ ସମସ୍ତଙ୍କୁ ନିର୍ଦେଶ ଦିଆଯାଇଛି ।
ତତ୍ପରେ ସେମାନଙ୍କୁ ୨୫ ବର୍ଷ ହେବା ପର୍ଯ୍ୟନ୍ତ ଡ୍ରାଇଭିଂ ଲାଇସେନ୍ସ ପ୍ରାପ୍ତ ପାଇଁ ଅନୁମତି ରବ୍ଦ୍ଦ କରାଯାଇ ଅଭିଭାବକ ମାନଙ୍କୁ ନାବାଳକ ପୁଅଝିଅ ଙ୍କ ହାତରେ ଗାଡି ନଦେବାକୁ ପରାମର୍ଶ ଦିଆଯାଇଛି ଅନ୍ୟଥା ଆଗକୁ ବିଭାଗ ପକ୍ଷରୁ ଆହୁରି କଠୋର ପଦକ୍ଷେପ ଗ୍ରହଣ କରାଯିବାକୁ ତାଗିଦ କରାଯାଇଛି। ଆଜିର ଏହି ପଦକ୍ଷେପକୁ ବୁଦ୍ଧିଜୀବୀ ମହଲରେ ସ୍ୱାଗତ କରାଯାଇଥିବା ବେଳେ ସହରରେ ଦିନସାରା ଖୁବ ଅସାବଧାନତା ସହ ଖୁବସ୍ପିଡ୍ ରେ ଟ୍ରାକ୍ଟର ଚାଳନା ପ୍ରତି ମଧ୍ୟ ଅଙ୍କୁଶ ଲଗାଇବାପାଇଁ ପରିବହନ ତଥା ପୁଲିସ  ବିଭାଗ ଦୃଷ୍ଟି ଦେବାକୁ ଦାବିହୋଇଛି।