29-Mar-2023

ବଲାଙ୍ଗିର (ବିନୋଦ ଦୀପ ): ମିଳିଥିବା ସୂଚନା ଅନୁସାରେ ଗତ କିଛି ଦିନ ତଳେ ଦେଓଗାଁ ବନ ବିଭାଗର କାର୍ଯ୍ୟରତ ଫରେଷ୍ଟ ଗାର୍ଡ ଆରତୀ ପ୍ରଧାନ ଗୋଟିଏ ଇଟାଭାଟି ମାଲିକ ଠାରୁ ୪୫୦୦ ଟଙ୍କା ଫୋନ-ପେ ମାଧ୍ୟମରେ ନେଇଥିଲେ ଏବଂ ରସିଦ ୩ଟି ଭାଗରେ ଦେଇଥିଲେ l ଫଳରେ ଦେଓଗାଁ ବ୍ଲକ ପ୍ରତିନିଧି ସାମ୍ବାଦିକ ସଞ୍ଜୟ ମିଶ୍ର ଏହା ବିଷୟରେ ତଦନ୍ତ କରିସାରିଲା ପରେ ନ୍ୟୁଜ ପ୍ରସାରଣ କରିଥିଲେ l ଫଳରେ ସମ୍ପୃକ୍ତ ଆରତୀ ପ୍ରଧାନ ନିଜର ଚାକିରୀ ବଞ୍ଚାଇବା ଡରରେ ଇଟାଭାଟି ମାଲିକଙ୍କ ଦ୍ୱାରା ସାମ୍ବାଦିକଙ୍କୁ ଫୋନ ମାଧ୍ୟମରେ ହତ୍ୟା ଧମକ ଦେଇଥିଲେ ଓ ଲାଞ୍ଚ ମାଗୁଥିଲା ବୋଲି ମିଥ୍ୟା ଅଭିଯୋଗ କରି ଥାନାରେ ଏତଲା କରିଥିଲେ l

ଏହି ଧମକକୁ ଭୟ କରି ସାମ୍ବାଦିକ ବନ୍ଧୁ ଦେଓଗାଁ ଥାନା ଅଧିକାରୀଙ୍କୁ ଲିଖିତ ଭାବେ ଅଭିଯୋଗ କରିଥିଲେ l କିନ୍ତୁ ଥାନାଧିକାରୀ ଧମକ ଦେଇଥିବା ଲୋକଙ୍କୁ ଗିରଫ କରିନଥିଲେ l ଏକ ତରଫା ଭାବରେ ସାମ୍ବାଦିକଙ୍କୁ ଲାଞ୍ଚ ନେବା ଦୋଷରେ

ଗତକାଲି ଗିରଫ କରି କୋର୍ଟ ଚାଲାଣ କରି ଜେଲକୁ ପଠାଇ ଦେଇଛନ୍ତି l
ଫଳରେ ଆଜି ୱେବ ମିଡ଼ିଆ ସାମ୍ବାଦିକ ସଂଘ  ଓ ଓଡିଶା ଜର୍ଣ୍ଣାଲିଷ୍ ଏସୋସିଏସନ ର  ମିଳିତ ଆନୁକୁଲ୍ୟରେ ଜିଲ୍ଲାପାଳ, ଅରାକ୍ଷୀ ଅଧିକ୍ଷକ ଓ ବନ ବିଭାଗର ମୁଖ୍ୟଙ୍କୁ ଲିଖିତ ଭାବରେ ଜଣାଇଛନ୍ତି  l ଘଟଣାର ଉଚିତ ତଦନ୍ତ କରି ସମ୍ପୃକ୍ତ ସାମ୍ବାଦିକ ବନ୍ଧୁଙ୍କୁ ନ୍ୟାୟ ଦିଆଯାଉ ଏବଂ ଇଟାଭାଟି ମାଲିକ ଓ ଫରେଷ୍ଟ ଗାର୍ଡଙ୍କୁ ଦଣ୍ଡ ଦିଆଯାଉ ବୋଲି ୱେବ୍ ମିଡିଆ ସାମ୍ବାଦିକ ସଂଘ ଜଣାଇଥିଲେ l