26-Mar-2023

ବିନିକା(ହିମାଂଶୁ ଶେଖର ପୁଟେଲ): କଳାହାଣ୍ଡି କପ ହେଉ ଅବା ରାଜ୍ୟସ୍ତରରେ ଯେ କୌଣସି କ୍ରିକେଟ ମ୍ୟାଚ ଆୟୋଜନ ହୁଏ ସେଥିରେ ଜିଲ୍ଲା ସ୍ତରରୁ ଖେଳାଳୀ ଚୟନ କରାଯାଇ ସୁବର୍ଣ୍ଣପୁର ଜିଲ୍ଲା ତରଫରୁ ପ୍ରତିନିଧିତ୍ଵ କରିଥାନ୍ତି ।ହେଲେ ସୋନପୁର ଜିଲ୍ଲା କ୍ରିକେଟ ସଂଘ ପକ୍ଷପାତିତା ନୀତି ଅବଲମ୍ବନ କରି ନିଜ ଖେଳାଳୀ ମାନଙ୍କୁ ଅଗ୍ରାଧିକାର ଦେଇ ଆସୁଥିବାରୁ ସବୁକ୍ଷେତ୍ରରେ ପାରଦର୍ଶିତା ଲାଭ କରିଥିବା ଖେଳାଳୀ ମାନେ ଖେଳରୁ ବଞ୍ଚିତ ହେଉଛନ୍ତି ।ତେଣୁ ଏହାର ସମାଧାନ ନ ହେବା ପର୍ଯ୍ୟନ୍ତ ଜିଲ୍ଲାସ୍ତରରୁ ଖେଳ ପାଇଁ ଯାହା ବି ସୂଚନା ଆସିବ ତାହାକୁ ପ୍ରତ୍ୟାଖ୍ୟାନ କରାଯିବ ବୋଲି ଆଜି ସନ୍ଧ୍ୟାରେ ସ୍ଥାନୀୟ ସ୍ପୋର୍ଟସ କ୍ଲବ ଠାରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ କ୍ଲବର ସଭାପତି ସୋମନାଥ ମିଶ୍ର ପ୍ରକାଶ କରିଛନ୍ତି । ଶ୍ରୀ ମିଶ୍ର ଆହୁରି କହିଥିଲେ ଯେ ଚଳିତ ୨୦୨୩ବର୍ଷରେ ଓସିଏ ଭିଜନ କ୍ରିକେଟ ଟୁର୍ଣ୍ଣାମେଣ୍ଟରେ ବିନିକା ସ୍ପୋର୍ଟସ କ୍ଲବ ଚମ୍ପିୟାନ ହେଇଥିଲା ।ଏହି କ୍ଲବର ବ୍ୟାଟ୍ସମ୍ୟାନ ଆକାଶ ବନଛୋର(୧୦), ପିଣ୍ଟୁ ଦୀପ(୧୪),ବାବୁଲୁ ରାଉତ(୨୦), ୱିକେଟ କିପର ଆଶୁତୋଷ ଦାସ(୧),ବୋଲର ରଂଜନ ବେହେରା(୨),ପ୍ରତାପ ସାହୁ(୫),ଜିତେନ୍ଦ୍ରିୟ ବେରିହା (୯) ଆଦି ଖେଳାଳୀ ମାନେ ଉଚ୍ଚ କୋଟିର ଖେଳ ପ୍ରଦର୍ଶନ କରି ଭଳ ରେଙ୍କିଂ ରଖିବାରେ ସଫଳ ହୋଇଥିଲେ ହେଁ ସଦ୍ୟ ସମାପ୍ତ ହୋଇଥିବା କଳାହାଣ୍ଡି କପ କ୍ରିକେଟ ମ୍ୟାଚରେ ଏହି ଖେଳାଳୀଙ୍କୁ ସ୍ଥାନ ମିଳିନଥିବାରୁ  ଡିସିଏର ମନୋପୋଳି ଶାସନକୁ ନେଇ ସେ ଦୃଢ ନିନ୍ଦା କରିଥିଲେ ।ସେହିପରି ଗତ ୨୦୨୨ବର୍ଷରେ   ମଧ୍ୟ ବିଏସସି ରନର ଅପ ହୋଇଥିଲ। ସେହି ସମୟରେ ମଧ୍ୟ ରାଜ୍ୟ ସ୍ତରରେ ଆୟୋଜିତ ମ୍ୟାଚରେ ବିଏସସି ଖେଳାଳୀ ସୁଯୋଗ ପାଇ ନଥିଲେ ।ସେହିପରି ଡିସିଏ ବାରମ୍ବାର ସୂଚନା ଦେବାରେ ଅବହେଳା ଯୋଗୁଁ ଅଣ୍ଡର-୧୫,୧୭,୧୯ ମ୍ୟାଚ ରୁ ମଧ୍ୟ ଖେଳାଳି ବଞ୍ଚିତ ହୋଇ

ଆସୁଛନ୍ତି ।ସ୍ପୋର୍ଟସ ବାବଦରେ ଆସୁଥିବା ଖେଳ ସାମଗ୍ରୀ ମଧ୍ୟ ଡିସିଏ ତରଫରୁ ମିଳୁନାହିଁ । ଅନ୍ୟ ପକ୍ଷରେ କଟକ ବାରବାଟୀ ଷ୍ଟାଡିୟମରେ ଅନୁଷ୍ଟିତ ଆନ୍ତର୍ଜାତୀୟ ସ୍ତରରେ ହେଉଥିବା ମ୍ୟାଚ ଗୁଡିକରେ ଆସୁଥିବା ଫ୍ରି ଟିକେଟ ମଧ୍ୟ ଡିସିଏ ଦେବାରେ ଅବହେଳା କରୁଥିବାରୁ ଏହି କ୍ଳବର ଖେଳାଳୀ ମାନେ ଜାତୀୟ ସ୍ତରର ଖେଳାଳିଙ୍କ ପ୍ରଦର୍ଶନ  ଦେଖିବାରୁ ନିରାଶ ହେଉଛନ୍ତି  ।ତେଣୁ ଉପରୋକ୍ତ ସମସ୍ତ ବିଷୟ ଯଦି ଆଗାମୀ ଦିନରେ ସମାଧାନ ନହୁଏ ତେବେ ଓସିଏ ତରଫରୁ ସୋନପୁର ଡିସିଏ କୁ ଦିଆଯାଉଥିବା ସ୍ପୋର୍ଟସ କାର୍ଯ୍ୟକ୍ରମକୁ ବିନିକା ସ୍ପୋର୍ଟସ କ୍ଲବ ସମ୍ପୁର୍ଣ୍ଣ ମାତ୍ରାରେ ବର୍ଜନ କରିବ ବୋଲି ସଭାପତି ଶ୍ରୀ ମିଶ୍ର ସାମ୍ବାଦିକ ସମ୍ମିଳନୀରେ ପ୍ରକାଶ କରିବା ସହିତ ଏହି ଶିର୍ଷକାତର ପ୍ରସଙ୍ଗ ଉପରେ ମାନ୍ୟବର ମୁଖ୍ୟମନ୍ତ୍ରୀ,ମାନ୍ୟବର କ୍ରୀଡା ଯୁବ ବ୍ୟାପାର ମନ୍ତ୍ରୀ,ବିସିସିଆଇ/ଓସିଏ ସଦସ୍ୟ ହରି ନାରାୟଣ ପୁଝାରୀ,ସୁବର୍ଣ୍ଣପୁର ଜିଲ୍ଲାପାଳ,ଜିଲ୍ଲା ସ୍ପୋର୍ଟସ ଅଧିକାରୀଙ୍କ ନିକଟକୁ ଅଭିଯୋଗ ପତ୍ର ପଠାଇ ଦିଆଯାଇଛି ବୋଲି କହିଥିଲେ ।ଅନୁଷ୍ଟିତ ଏହି ସାମ୍ବାଦିକ ସମ୍ମିଳନୀରେ କ୍ଲବର ସମ୍ପାଦକ ମନୋଜ ଦାସ,ଉପ ସଭାପତି ବୁଲୁ ଦଣ୍ଡିଆ,ଅଧିନାୟକ ପ୍ରତାପ ସାହୁ,ଉପ ଅଧିନାୟକ ଆଶୁତୋଷ ଦାସ ଉପସ୍ଥିତ ରହି କ୍ରିକେଟ ଚୟନରେ ହେଉଥିବା ପାତରଅନ୍ତର ନୀତି ବାବଦରେ କହିଥିଲେ ।ଏହି ସାମ୍ବାଦିକ ସମ୍ମିଳନୀରେ କ୍ଳବର ସମସ୍ତ ଖେଳାଳୀ ଓ ଗଣମାଧ୍ୟମ ପ୍ରତିନିଧି ଉପସ୍ଥିତ ଥିଲେ ।