25-Mar-2023

ବଲାଙ୍ଗୀର(ପ୍ରେରଣା ଖବର ): କବିତା ର ଭାବଜଗତ   ସବୁବେଳେ ପାଠକୀୟତାର ଉର୍ଦ୍ଧ ରେ ଥାଏ ।  କବି ଯାହା ଅନୁଭବ କରେ,ତାହା ଅନ୍ୟମାନେ ଦେଖିପାରନ୍ତି ନାହିଁ। କବି ର ଅନ୍ତର୍ଦୃଷ୍ଟି ଥାଏ ବୋଲି ସବୁ  ପ୍ରକାର  ଭାବଭୂମିରେ  ତାର ସୃଷ୍ଟି ସବୁ ଜୀବନବାଦୀ ହୁଏ ବୋଲି ଆଜି ବଲାଙ୍ଗୀର  ଜିଲ୍ଲା

ସ୍ତରୀୟ ପୁସ୍ତକମେଳା ର ଦ୍ବିତୀୟ ଦିବସରେ ବକ୍ତା ମାନେ ମତ ପ୍ରକାଶ କରିଛନ୍ତି। ପୁସ୍ତକ ମେଳାର ଦ୍ବିତୀୟ ସଂଧ୍ୟାରେ ବଲାଙ୍ଗୀର ଉପ ଜିଲ୍ଲାପାଳ ଶ୍ରୀ କୁମାର ନାଗଭୂଷଣ  ଙ୍କ ସଭାପତିତ୍ବ ରେ ସଭାରେ ବିଶିଷ୍ଟ  ଶିକ୍ଷାବିତ ସନାତନ ଠାକୁର,କେ ଭି କଲେଜ କଣ୍ଟାବାଞ୍ଜି ର ଅଧ୍ୟାପକ   ଡକ୍ଟର ସଂଜୟ କୁମାର ମିଶ୍ର  ବରେଣ୍ଯ ଅତିଥି ଭାବରେ ଯୋଗଦେଇ  ପୁସ୍ତକ ପଠନ ଅଭ୍ୟାସ ପାଇଁ  ଲୋକଙ୍କ ଭିତରେ ପୁସ୍ତକ ମେଳାହିଁ ଉତ୍ସାହ ସୃଷ୍ଟି କରିବ ବୋଲି ମତ ଦେଇଥିଲେ। ମଞ୍ଚାସୀନ ଅତିଥିବୃନ୍ଦ ଙ୍କୁ ଜିଲ୍ଲା ସଂସ୍କୃତି ଅଧିକାରୀ ରଶ୍ମୀରଞ୍ଜନ

ମିଶ୍ର  ସମ୍ବର୍ଦ୍ଧିତ କରିଥିଲେ।ସୂଚନା ଓ  ଲୋକସମ୍ପର୍କ ବିଭାଗ ର ଉପ ନିର୍ଦ୍ଦେଶକ  ଶ୍ରୀ ଜୟଦେବ ପାଣିଗ୍ରାହୀ ସ୍ବାଗତ ଭାଷଣ ଦେଇଥିବା ବେଳେ ରତ୍ନମୟ ତ୍ରିପାଠୀ ସଭା ସଂଯୋଜନା କରିଥିଲେ।ଶେଷରେ ପ୍ରଫୁଲ୍ଲ ମହାପାତ୍ର ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।  ପରେ ପରେ ଦିପ୍ତିମାଳା ତ୍ରିପାଠୀଙ୍କ ସଂଯୋଜନା ରେ    ଆଇ ଡିଏମ ପବ୍ଲିକ ସ୍କୁଲର ଛାତ୍ରଛାତ୍ରୀମାନେ ଓ ବି ଏସ ଡେନ୍ସ ଏକାଡେମୀ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ ।