23-Mar-2023

ସମ୍ବଲପୁର,( ସଂଜୀବ ପାଣିଗ୍ରାହୀ)
 ଭାରତର ସ୍ୱାଧୀନତା ପାଇଁ ନିଜ ଜୀବନକୁ ବଳିଦାନ ଦେଇଥିବା ମହାନ ଶହୀଦମାନଙ୍କୁ ଶ୍ରଦ୍ଧାଂଜଳି ଦେବା ପାଇଁ ପ୍ରତିବର୍ଷ 23 ମାର୍ଚ୍ଚରେ ସାରା ଦେଶରେ  ଶହୀଦ ଦିବସ ପାଳନ କରାଯାଏ | ଏହି ଦିନ ତିନି ଜଣ ଭାରତୀୟ ସ୍ୱାଧୀନତା ସଂଗ୍ରାମୀ- ଭଗତ ସିଂହ, ସୁଖଦେବ  ଏବଂ ଶିବରାମ ରାଜଗୁରୁ ଫାଶି ଖୁଣ୍ଟ ରେ ଝୁଲି ଯୁବ ଗୋଷ୍ଠୀ କୁ ଦେଶପାଇଁ ପ୍ରାଣ ବଲି ଦେବାକୁ ପ୍ରେରଣା ଦେଇଥିଲେ। ସାମାଜିକ ସଂଗଠନ ପଶ୍ଚିମାଞ୍ଚଳ ଏକତା ମଂଚ ତରଫରୁ ସମ୍ବଲପୁର ଶହୀଦ ସ୍ତମ୍ଭ ଠାରେ ଦୀପ ଜାଲି ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା। ଏହା ସହ ଦେଶ ପାଇଁ ଏକତା ଏବଂ ସମର୍ପଣ ଭାବନାର ଆବଶ୍ଯକତା ରହିଥିବା ମତ ପ୍ରକାଶ ପାଇଥିଲା। ଶ୍ରଦ୍ଧାଞ୍ଜଳି କାର୍ଯ୍ୟକ୍ରମ ରେ ପଶ୍ଚିମାଞ୍ଚଳ ଏକତା ମଂଚ ତରଫରୁ ଭବାନୀଶ ଭୋଇ, ସୁବୋଧ କୁମାର ଦୋରା, ସୁଦାମ ମେହେର, ସୁରେନ୍ଦ୍ର ବଗର୍ତୀ, ବଲରାମ ଭୋଇ, ସୁରୁବାବୁ ମୁଣ୍ଡା, ମନୋଜ ବନଛୋର, ସୁବାସ ବେହେରା, ପ୍ରଭାସ ଦାସ, ଜୟ ଶ୍ରୀ ପୁରୋହିତ, କାନ୍ତି ମେହେର ପ୍ରମୁଖ ସାମିଲ ହୋଇଥିଲେ।