22-Dec-2022

ବରଗଡ:-ଆଜି ସ୍ଥାନୀୟ ରାଜାଜୀ ଟାଉନହଲ ଠାରେ ରାଜବୋଡାସମ୍ବର ବ୍ଳକ ପ୍ରଶାସନ ତରଫରୁ ମୁଖ୍ୟମନ୍ତ୍ରୀ କଳାକାର ସହାୟତା  ଯୋଜନା ନିମନ୍ତେ କଳାକାର ଚୟନ-୨୦୨୨ ଉତ୍ସବ ଉଦଘାଟିତ ହୋଇଯାଇଅଛି ।ପଦ୍ମପୁର ବ୍ଳକ ଗୋଷ୍ଠୀ ଉନ୍ନୟନ ଅଧିକାରୀ ବିଶ୍ଵନାଥ ସାହୁ , ବ୍ଳକ ସାମାଜିକ ସୁରକ୍ଷା ଅଧିକାରୀ ରଜନୀ କାନ୍ତ ବହିଦାର ,ମୁଖ୍ୟ କିରାଣୀ ସନ୍ତୋଷ ବେହେରା ବି .କେ . ଏସ . ଏସ . ଉପସଭାପତି ଅଶ୍ୱିନୀ କୁମାର ପଟେଲ, ଅଶୋକ କୁମାର ବହିଦାର ,ସୁରେନ୍ଦ୍ର କୁମାର ସାହୁ ମା ସମଲେଇ ଠାରେ ପୂଜାର୍ଚ୍ଚନା କରିଥିଲେ ।ପଦ୍ମପୁର ବ୍ଳକ ଗୋଷ୍ଠୀ ଉନ୍ନୟନ ଅଧିକାରୀ ବିଶ୍ଵନାଥ ସାହୁ ନଡ଼ିଆ ବାଡେଇ ଉତ୍ସବକୁ ଉଦଘାଟନ କରିଥିଲେ । 

ଏହି ଅବସରରେ ଓଡ଼ିଶା ସଙ୍ଗୀତ ନାଟକ ଏକାଡେ଼ମୀ ପୁରସ୍କାର ପ୍ରାପ୍ତ ନାଟ୍ୟକାର ଅଶୋକ କୁମାର ବହିଦାର ଓ ଯୁବ ପୁରସ୍କାର ପ୍ରାପ୍ତ ଲୋକ ବାଦ୍ୟକାର ଅଶ୍ୱିନୀ ପଟେଲ  , ଯୁବ ପୁରସ୍କାର  ପ୍ରାପ୍ତ  ଲୋକ ନୃତ୍ୟ ଶିଳ୍ପୀ ଜୟନ୍ତୀ ଦୀପକୁ ସ୍ଵତନ୍ତ୍ର ଭାବେ ପୁଷ୍ପ ଗୁଚ୍ଛ ଓ ଉତ୍ତରୀୟ ପ୍ରଦାନ କରି ସମ୍ବର୍ଦ୍ଧନା

କରାଯାଇଥିଲା । ପରେ ସୁଦାମ ମହାନନ୍ଦ ଙ୍କ ସଂଯୋଜନାରେ ୧୩ ଟି ଗ୍ରାମପଞ୍ଚାୟତ ଯଥା - ବରିହାପାଲି , ବରିକେଲ , ଭେଉଁରିଆ , ବୁଡ଼ାମାଲ , ବୁଡ଼େନ , ଚାରପାଲି , ଦହିଗାଁ , ଦହିତା , ଡ଼ଙ୍ଗାଘାଟ , ଜ୍ଞାନ , ଜମଲା , ଯମରତଲା  , କଂସର  ରୁ ଆସିଥିବା ୧୭୦ ଜଣ ଲୋକ  କଳାକାର ମାନଙ୍କୁ  ବିଚାରକ ଭାବେ ଅଶୋକ ବହିଦାର ଓ ସୁରେନ୍ଦ୍ର ସାହୁ ଚୟନ କରିଥିଲେ । ଆସନ୍ତାକାଲି ବାକି ଥିବା ୯ ଟି ପଞ୍ଚାୟତର କଳାକାର ଓ ପଦ୍ମପୁର ବିଜ୍ଞାପିତ ପରିଷଦର କଳାକାର ମାନଙ୍କର ଚୟନ କରାଯିବ ବୋଲି ଜଣାପଡିଛି ।  ଆଜି ସମସ୍ତ କାର୍ଯ୍ୟକ୍ରମ ପରିଚାଳନାରେ ଗୋପବନ୍ଧୁ ଶିକା ଓ ରମେଶ ଗୁର୍ଲା ସହଯୋଗ କରିଥିଲେ ।