22-Dec-2022

(ସଂଜୀବ ପାଣିଗ୍ରାହୀ)
 ଝାଡେଶ୍ୱରୀ ମହାବିଦ୍ୟାଳୟରେ ମହାବିଦ୍ୟାଲୟର ଜାତୀୟ ସେବା ଯୋଜନା ୟୁନିଟ, ୟୁଥ ରେଡ୍‌କ୍ରସ ୟୁନିଟ,ହୋପ୍‌-ସ୍କୋପ ଡ୍ରାଇଭିଂ ସ୍କୁଲ,ସମ୍ବଲପୁରର ମିଳିତ ଉଦ୍ୟମରେ ସଡକ ସୁରକ୍ଷା ନିୟମାବଳୀ ସମ୍ବନ୍ଧିତ ଏକ କର୍ମଶାଳା ଆୟୋଜିତ ହୋଇ ଯାଇଛି। ମହାବିଦ୍ୟାଳୟ ଯୁକ୍ତ ଦୁଇ ସ୍ରୋତର ଅଧ୍ୟକ୍ଷ ଅଶୋକ କୁମାର ପୁରୋହିତଙ୍କ ସଭାପତିତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ଉପସ୍ଥିତ ସମସ୍ତ ଛାତ୍ରଛାତ୍ରୀ,ଅତିଥି,ପ୍ରଶିକ୍ଷକ ତଥା ମହାବିଦ୍ୟାଳୟର ଶିକ୍ଷକ ଅଣଶିକ୍ଷକ କର୍ମଚାରୀଙ୍କୁ ସଭାପତି ସଡକ ସୁରକ୍ଷା ନିୟମକୁ ନେଇ ଶପଥପାଠ କରାଇଥିଲେ।  ସମ୍ବଲପୁର ଆଂଚଳିକ ପରିବହନ କାର୍ଯ୍ୟାଳୟର ଜୁନିୟର ଏମ୍‌.ଭି.ଆଇ ଧର୍ମେନ୍ଦ୍ର କୁମାର ପ୍ରଧାନ ମୁଖ୍ୟ ପ୍ରଶିକ୍ଷକ ଭାବରେ ଯୋଗଦେଇ ସଡକ ସୁରକ୍ଷା ଉପରେ ବ୍ୟାପକ ଆଲୋଚନା ପୂର୍ବକ ମହାବିଦ୍ୟାଳୟର ଛାତ୍ରଛାତ୍ରୀଙ୍କୁ ପ୍ରଶିକ୍ଷଣ ଦେଇଥିଲେ। ହୋପ-ସ୍କୋପ ଡ୍ରାଇଭିଂ ସ୍କୁଲ ପକ୍ଷରୁ ଉକ୍ତ ଅନୁଷ୍ଠାନର ନିର୍ଦ୍ଦେଶକ ମନୋରଞ୍ଜନ ପ୍ରଧାନଙ୍କ ପରିଚାଳନାରେ ବିଦ୍ୟାର୍ଥୀମାନଙ୍କୁ ହେଲମେଟ୍‌,ସିଟ୍‌ ବେଲ୍ଟ ବ୍ୟବହାର ଓ ଡ୍ରାଇଭିଂ ଲାଇସେନ୍ସ ସମ୍ବନ୍ଧିତ ନିୟମାବଳୀ ସମ୍ପର୍କରେ ସଚେତନ କରାଯାଇଥିଲା। ଏହି କାର୍ଯ୍ୟକ୍ରମରେ ମହାବିଦ୍ୟାଳୟ ପକ୍ଷରୁ ଜାତୀୟ ସେବା ଯୋଜନାର କାର୍ଯ୍ୟକ୍ରମ ଅଧିକାରୀ ସ୍ମାରକୀ ମାହାରଙ୍କ ସମେତ ରବିନ୍ଦ୍ର ନାରାୟଣ ଠାକୁର,ସତ୍ୟନାରାୟଣ ଦାଶ,ସଞୟ କୁମାର ସାହୁ,ପଣ୍ଡିତ ବ୍ୟାସଦେବ ପଣ୍ଡା,ଶୁଶ୍ରିତ ଷଢଙ୍ଗୀ,ପ୍ରମୋଦ ଦେହେରି,ଦିଲୀପ କୁମାର ଗୁରୁ ତଥା  ଡ୍ରାଇଭିଂ ସ୍କୁଲ ପକ୍ଷରୁ ମନୋରଞ୍ଜନ ବେହେରା,ତ୍ରିଲୋଚନ ସାହୁ,ଅର୍ଚ୍ଚନା ବେହେରା,ସୁଶ୍ରୀ ସଙ୍ଗୀତା ସ୍ୱାଇଁ ଏବଂ ଆର. ଟି. ଓ ସମ୍ବଲପୁର ତରଫରୁ ଶିଶିର କୁମାର ନାୟକ,ରିନା ସୋରେନ ପ୍ରମୁଖ ଯୋଗଦେଇ କାର୍ଯ୍ଯକ୍ରମରେ ସହଯୋଗ କରିଥିଲେ।ଶେଷରେ ମହାବିଦ୍ୟାଳୟ ଯୁକ୍ତ ତିନ ସ୍ରୋତର ଅଧ୍ୟକ୍ଷ ଅନିଲ ପ୍ରଧାନ ଧନ୍ୟବାଦ ଅର୍ପଣ କରିଥିଲେ।