21-Dec-2022

ସୁବର୍ଣ୍ଣପୁର - ଆଜି ସକାଳ  ୧୦  ଘଟିକା ସମୟରେ  ଶ୍ରୀଯୁକ୍ତ ଅମରେଶ ପଣ୍ଡା ଆରକ୍ଷୀ ଅଧିକ୍ଷକ, ସୁବର୍ଣ୍ଣପୂର ସୋନପୁର ରୁ ବିନିକା  ଗସ୍ତ ରେ ଯାଉଥିବା ସମୟରେ ଉର୍ଲେ ଛକ ନିକଟରେ ଘାଟକଇଁତରା ଗ୍ରାମ ର ସନତ ଶତପଥି (୩୫) ତାଙ୍କ ସ୍ତ୍ରୀ ରୀନା ଶତପଥି ଓ ୩ ବର୍ଷ ର ଝିଅ ବାଇକ୍ ରୁ ପଡି ହମ୍ପସ ପାଖରେ  ରକ୍ତ ଜୁଡୁ ବୁଡ଼ ଅବସ୍ଥା ରେ ରହି ଥିଲେ  l ଏହି ଦୁର୍ଘଟଣା ଓ ପରିବାର ର ଅସହାୟ ଦୃଶ୍ୟ ଦେଖି  ଆରକ୍ଷୀ ଅଧି‌‌କ୍ଷକ ଶ୍ରୀ ପଣ୍ଡା ନିଜ ଅଫିସ ଗାଡ଼ିରେ ବିନିକା ହସ୍ପିଟାଲ କୁ ସେମାନଙ୍କୁ ଆଣି ଡାକ୍ତରଖାନାରେ ଚିକିତ୍ସିତ କରାଇଥିଲେ l ଓ ନିଜ କୁ ଏକ ଦାଇତ୍ୱ ବାନ ପୋଲିସ  ପ୍ରଶାସନିକ ଅଧିକାରୀ ଭାବେ ଉଦାହରଣ ସାଜିଛନ୍ତି l  ରାସ୍ତା ଘାଟ ରେ ଏଭଳି ଅନେକ ଥର  ବିପଦ ରେ ପଡ଼ିଥିବା ସାଧାରଣ ଲୋକଙ୍କୁ ସହାୟତା ପ୍ରଦାନ କରି ଶ୍ରୀ ପଣ୍ଡା ନିଜର ମାନବିକତା ଦେଖାଇ  ସମାଜ ପାଇଁ, ଆଗାମୀ ଯୁବ ପିଢୀ ଓ ଜ଼ିଲ୍ଲା ପ୍ରଶାସନ ପାଇଁ ପ୍ରେରଣା  ସାଜିଛନ୍ତି l ଏସପି ଶ୍ରୀ ପଣ୍ଡାଙ୍କ ଏଭଳି ମହତ କାର୍ଯ୍ୟକୁ ସହର ତଥା ଜ଼ିଲ୍ଲା ର ବୁଦ୍ଧିଜୀବୀ ଭୁୟସୀ ପ୍ରଶଂସା କରିଥିବା ବେଳେ ଶ୍ରୀ ପଣ୍ଡା ଜ଼ିଲ୍ଲା ତଥା ରାଜ୍ୟ ପୋଲିସ ର ଗୌରଵ ମଧ୍ୟ ବଢ଼ାଇଛନ୍ତି l ଏତତ୍ ବ୍ୟତିତ ମୋଟର ସାଇକେଲରେ ମହିଳା ଓ ଶିଶୁ ଧରି ଯାତ୍ରା କରୁଥିବା ସମୟରେ ଗାଡି ସ୍ପିଡ଼ ନ ଚଳାଇବାକୁ ଓ ସାବଧାନତା ରକ୍ଷା କରିବା ପାଇଁ ଅନୁରୋଧ କରିଛନ୍ତି l