20-Dec-2022

ଲୋଇସିଂହା, (ବିନୋଦ କୁମାର ଦୀପ) ଦୀର୍ଘ  ୨୯ ଦିନ ହେଲାଣି ଆନ୍ଦୋଳନରେ ବସିଛନ୍ତି ଅଲ୍ ଓଡିଶା ଅଙ୍ଗନୱାଡ଼ି ସଂଘ l ହେଲେ ସରକାର କୌଣସି ପଦକ୍ଷେପ ନେଉନାହାନ୍ତି l ଦୀର୍ଘ ୨୯ ଦିନ ବିତିଯାଇଥିଲେ ହେଁ ସରକାର ତାଙ୍କର ଗୁହାରି ଶୁଣୁ ନାହାନ୍ତି, ହଜାର ହଜାର ସଂଖ୍ୟାରେ ଅଙ୍ଗନୱାଡ଼ି କର୍ମୀ ଭୁବନେଶ୍ୱର ରାଜରାସ୍ତାରେ ଶୀତ କାକର ସହି ପଡ଼ିରହିଛନ୍ତି l ଆଉ କେତେକ କର୍ମୀ ନିଜ ନିଜ ବ୍ଲକ୍ ଅଫିସ୍ ରେ ଥିବା ଶିଶୁ ବିକାଶ ପ୍ରକଳ୍ପ ଅଧିକାରୀଙ୍କ କାର୍ଯ୍ୟାଳୟରେ ଧାରଣାରେ ବସିଛନ୍ତି l ସେହିପରି ଆଜି ଲୋଇସିଂହା ବ୍ଲକ୍ ର ସମସ୍ତ ଅଙ୍ଗନୱାଡ଼ି କର୍ମୀ ମାନେ ମଧ୍ୟ ନିଜର ଦାବି ପୁରଣ ପାଇଁ ବ୍ଲକ୍ କାର୍ଯ୍ୟାଳୟ ଆଗରେ ଧାରଣାରେ ବସିଛନ୍ତି l ସେମାନେ କହିଛନ୍ତି ଯେ ଦାବିପୂରଣ ନହେବା ପର୍ଯ୍ୟନ୍ତ ଏମିତି ଧାରଣାରେ ବସିବା ସହ ଆନ୍ଦୋଳନ ତୀବ୍ରତର ହେବ ବୋଲି ଚେତାବନୀ ଦେଇଛନ୍ତି ଅଙ୍ଗନବାଡି କର୍ମୀମାନ l ଏହି ଧାରଣାରେ ଲୋଇସିଂହା ଅଙ୍ଗନୱାଡ଼ି ସଙ୍ଘ ତରଫରୁ ସମସ୍ତ କର୍ମୀ ସ୍ଥାନୀୟ ବିଧାୟକ ଡକ୍ଟର ମୁକେଶ କୁମାର ମହାଲିଙ୍ଗଙ୍କୁ ମଧ୍ୟ ଭେଟି ସରକାରଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରିଛନ୍ତି l ବିଧାୟକ ପ୍ରକାଶ କରିଛନ୍ତି ଯେ ଅଙ୍ଗନବାଡି କର୍ମୀ ମାନ ଗ୍ରାସରୁଟ ଲେବେଲରେ ଖଟୁଛନ୍ତି, ଏଣୁ ବିଷୟକୁ ନେଇ ବିଧାନସଭାରେ ପ୍ରସ୍ତାବ ପକାଇବି ବୋଲି ଆଶ୍ୱାସନା ଦେଇଛନ୍ତି l ସେହି ପରିପ୍ରେକ୍ଷୀରେ ଲୋଇସିଂହା ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ ଅଙ୍ଗନବାଡିଙ୍କ ଦାବିକୁ ଜିଲ୍ଲାପାଳ ଓ ଡିଆରଡ଼ିଏ ଥରେ ଉପସ୍ଥାପନା କରିବାକୁ କହିଛନ୍ତି l କିନ୍ତୁ ଲୋଇସିଂହା ସିଡିପିଓ ଅଙ୍ଗନବାଡି ସୁପରଭାଇଜରଙ୍କୁ କହିଛନ୍ତି ଏହା ଯେ ଭିସି ମାଧ୍ୟମରେ ମିଟିଙ୍ଗ ଚାଲିଥିଲା ଓ ଆମକୁ କମିଶନର ଅର୍ଡର ଦେଇଛନ୍ତି ଯେ ସମସ୍ତେ ନିଜ କେନ୍ଦ୍ରକୁ ଯାଇ ଯୋଗଦାନ କରନ୍ତୁ ବର୍ତ୍ତମାନ ୬ମାସ ପର୍ଯ୍ୟନ୍ତ ସରକାର ତୁମର କିଛି

ଶୁଣିବେ ନାହିଁ l ନହେଲେ ସରକାର ବିକଳ୍ପ ବ୍ୟବସ୍ଥା କରିବେ ବୋଲି ଚେତାବନୀ ଦେଇଛନ୍ତି l ଉପସ୍ଥିତ ଲୋଇସିଂହା ସଭାପତି ଯାଜ୍ଞସେନୀ କୁମ୍ଭାର, ସମ୍ପାଦକ ଚଞ୍ଚଳl ମହାଲିଙ୍ଗଙ୍କ ସମେତ ସେକ୍ରେଟାରୀ ଲୋଇସିଂହା ସେକ୍ଟର ରୋଜାଲିନ ସ୍ୱାଇଁ, ପୁଷ୍ପକ କୁମାରୀ କନ୍ଧେର, ଜାନକୀ ପଟେଲ, ଉର୍ମିଳା ସାହୁ, ନିରୁପମା ସାହୁ, ମଞ୍ଜୁଲତା ନାୟକ, ପ୍ରେମାଞ୍ଜଳୀ ନନ୍ଦ, ସୁନିତା ପଣ୍ଡା, ପଲ୍ଲବୀ ମିଶ୍ର ସହ ସମସ୍ତ ଅଙ୍ଗନବାଡି କର୍ମୀ ଓ ସହାୟିକା ମାନ ଉପସ୍ଥିତ ଥିଲେ l