07-Sep-2022

ବଲାଙ୍ଗିର(ପ୍ରେରଣା ଖବର) : ଭାବେ ଗ୍ରାହକ ମାନଙ୍କ ଉପରେ ହେଉଥିବା ଶୋଷଣ ବିରୁଦ୍ଧରେ ସ୍ଵର ଉତ୍ତୋଳନ କରିବା ପାଇଁ ଗ୍ରାହକ ପଞ୍ଚାୟତ ର ସ୍ରୁଷ୍ଟି | ଗ୍ରାହକ ପଞ୍ଚାୟତ ra ମୁଖ୍ୟ କାର୍ଯ୍ୟ ହେଲା ଗ୍ରାହକ ମାନକୁ ଜାଗ୍ରତ କରିବା ତଥା ଶୋଷଣ ବିରୁଦ୍ଧରେ ସଙ୍ଗଠିତ ହୋଇ ନିଜର ଅଧିକାର ବିଷୟରେ ସଚେତନ କରିବା | ଗ୍ରାହକ କିଣୁଥିବା ପଦାର୍ଥ ର ଗୁଣବତ୍ତା

ସହିତ ଉଚିତ୍ ପରିମାଣ ଯେପରି ପାଇବ ତାହା ନିଶ୍ଚିତ କରିବା ଦାୟିତ୍ଵ ହେଲା ଗ୍ରାହକ ପଞ୍ଚାୟତର ବୋଲି ଅଖିଳ ଭାରତୀୟ ଗ୍ରାହକ ପଞ୍ଚାୟତ ର କେନ୍ଦ୍ରୀୟ ସଂଗଠନ ସମ୍ପାଦକ ଦିନକର ଅବନୀସ ଜି ଏଠାରେ ପ୍ରକାଶ କରିଛନ୍ତି | ସ୍ତାନୀୟ ପତିତପାବନ ଏକାଡେମୀ ସ୍ଥିତ ସଭାଗୃହରେ ବଲାଙ୍ଗିର ଅଖିଳ ଭାରତୀୟ ଗ୍ରାହକ ପଞ୍ଚାୟତ ତରଫରୁ 6 ତାରିଖ ସନ୍ଧ୍ୟାରେ ଆୟୋଜିତ ଶୋଷଣ ମୁକ୍ତ ସାମାଜ ଗଠନରେ ଗ୍ରାହକ ପଞ୍ଚାୟତ ଶୀର୍ଷକ ଆଲୋଚନାଚକ୍ର ରେ ମୁଖ୍ୟ ବକ୍ତାଭାବେ ଯୋଗଦେଇ ଗ୍ରାହକ ପଞ୍ଚାୟତ ର କାର୍ଯ୍ୟ ଶୈଳୀ ଓ ଦାୟିତ୍ଵ ଉପରେ ସେ ବିସ୍ତୃତ ଆଲୋଚନା କରିଥିଲେ | ଜିଲ୍ଲା ସଭାପତି ଗୋପବନ୍ଧୁ ସତପଥୀ ଅଧ୍ୟକ୍ଷତାରେ ଆୟୋଜିତ କାର୍ଯ୍ଯକ୍ରମରେ ମୁଖ୍ଯ ଅତିଥିଭାବେ ଟିଟିଲାଗଡ଼ ଡି ଏ ଭି କଲେଜ ପୂର୍ବତନ ଅଧ୍ୟକ୍ଷ ଡ.ଶିବ ପ୍ରସାଦ ବେହେରା ସମାନିତ ଅତିଥିଭାବେ ପଞ୍ଚାୟତ ପ୍ରାନ୍ତ ସଭାପତି ଶଶିଭୂଷଣ ପୁରୋହିତ ବକ୍ତବ୍ୟ ରଖିଥିଲେ | ଶେଷରେ ସଂଗଠନ ର ସାଧାରଣ ସମ୍ପାଦକ ଅଶୋକ କୁମାର ମିଶ୍ର ଧନ୍ଯବାଦ୍ ଅର୍ପଣ କରିଥିଲେ | ପୂର୍ବରୁ

ମଧ୍ଯାହ୍ନ ରେ ସଂସ୍କୃତିକ ଭବନ ଠାରେ ପ୍ରାନ୍ତ ଓ ଜିଲ୍ଲା କାର୍ଯ୍ଯକାରିଣୀ ବୈଠକରେ ଶ୍ରୀ ଅବନିସ ସମୀକ୍ଷା କରିବା ସହିତ ବିସ୍ତାରିତ ରୂପେ କାର୍ଯ୍ୟ ସଂପାଦନ ପାଇଁ ଯୋଜନା ସମ୍ପର୍କରେ ଅବଗତ କରିଥିଲେ | କାର୍ଯ୍ୟକ୍ରମ ରେ ସାଧାରଣ ସମ୍ପାଦକ ମାଣିକ ଲାଲ ବର୍ମା ସଂଗଠନ ସମ୍ପାଦକ ସତ୍ୟନାରାୟଣ ପଟେଲ୍ ଙ୍କ ସମେତ ରାୟଗଡା ବରଗଡ ସୁନ୍ଦରଗଡ଼ ସମେତ ବିଭିନ୍ନ ସ୍ଥାନର କାର୍ଯ୍ୟକାରିଣୀ ସଦସ୍ୟ ସଦସ୍ୟା ଯୋଗାଇଥିଲେ |