30-Aug-2022

ସୁବର୍ଣ୍ଣପୁର,ସୁବର୍ଣ୍ଣପୁର ଜିଲ୍ଲା ରେ ସମ୍ପୂର୍ଣ୍ଣ ଉତ୍ସାହ ସହିତ କ୍ରୀଡା ସପ୍ତାହ ପାଳିତ ହୋଇଯାଇଛି Iଏହାକୁ ସ୍ମରଣୀୟ କରିବା ପାଇଁ ଶେଷ ଦିନରେ ସୁବର୍ଣ୍ଣପୁର ଜିଲ୍ଲା ବନାମ୍ ସୁନ୍ଦରଗଡ଼ ଜିଲ୍ଲାର ପୁରୁଷ ଏବଂ ମହିଳା ଦଳ ମାନଙ୍କ ମଧ୍ୟରେ ଦୁଇଟି ବନ୍ଧୁତ୍ୱପୂର୍ଣ୍ଣ ହକି ପ୍ରତିଯୋଗିତା ଅନୁଷ୍ଠିତ ହୋଇଥିଲା l ଏଥିରେ ବିଶିଷ୍ଟ ହକି ଖେଳାଳୀ ତଥା ଭାରତୀୟ ଦଳର ପ୍ରାକ୍ତନ କ୍ୟାପଟାନ ପଦ୍ମଶ୍ରୀ ଦିଲ୍ଲୀପ୍ ତିର୍କୀ ମୁଖ୍ୟ ଅତିଥି ଭାବରେ ଯୋଗଦାନ କରି ଖେଳାଳି ମାନଙ୍କୁ ଉତ୍ସାହିତ କରିଥିଲେ l ସୋନପୁର ମହାବିଦ୍ୟାଳୟର ଖେଳ ପଡ଼ିଆରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଅତିଥି ଭାବରେ ଜିଲ୍ଲାପାଳ ଅବୋଲି ସୁନୀଲ ନରୱଣେ, ଜିଲ୍ଲା ଆରକ୍ଷୀ ଅଧୀକ୍ଷକ ଅମରେଶ ପଣ୍ଡା, ଅତିରିକ୍ତ ଜିଲ୍ଲାପାଳ ସୂର୍ଯ୍ୟନାରାୟଣ ଦାଶ, ନିଶି ପୁନମ୍ ମିଞ୍ଜ୍, ଉପଜିଲ୍ଲାପାଳ ସୋନପୁର ଡଃ ଇପ୍ସିତI ପ୍ରିୟଦର୍ଶିନୀ ମିଶ୍ର, ଉପଜିଲ୍ଲାପାଳ ବୀରମହାରାଜପୁର ଅଶୋକ କୁମାର ଭୋଇ, ଜିଲ୍ଲା କ୍ରୀଡା ଅଧିକାରୀ ଅଭିଳାଷ ପୁରୋହିତ ପ୍ରମୂଖ ଯୋଗ ଦେଇଥିଲେ l ଏହି ହକି ମ୍ୟାଚ୍ ରେ ସୁନ୍ଦରଗଡ଼ ପୁରୁଷ ଦଳ 2/ 1 ଗୋଲ ରେ ଏବଂ ସୁନ୍ଦରଗଡ ମହିଳା ଦଳ 3/0 ଗୋଲ୍ ରେ ବିଜୟୀ ହୋଇଥିଲେ l ବିଜୟୀ ଦଳ ମାନଙ୍କୁ ସ୍ଵର୍ଣ୍ଣ ଏବଂ ରନର୍ସଅପ୍ ଦଳ ମାନଙ୍କୁ ରୌପ୍ୟପଦକ ଦିଆଯାଇଥିଲା l ସେହିଭଳି ଗଣମାଧ୍ୟମ ପ୍ରତିନିଧି ଏବଂ ସୋନପୁର ଭେଟେରାନ୍ ମାନଙ୍କୁ ନେଇ  100 ମିଟର ଦୌଡ ପ୍ରତିଯୋଗୀତା ଅନୁଷ୍ଠିତ ହୋଇଥିଲା l ଏଥିରେ ସାମ୍ବାଦିକ ମାନଙ୍କ ମଧ୍ୟରୁ ସଞ୍ଜୟ ସାହୁ ପ୍ରଥମ, ରବୀନ୍ଦ୍ର ହୋତା ଦ୍ଵିତୀୟ ଏବଂ ମାନଭଞ୍ଜନ ପୂଜାରୀ ତୃତୀୟ ସ୍ଥାନ ଅଧିକାର କରିଥିଲେ l ଭେଟେରାନ୍ ଦୌଡ଼ରେ ସଂଜୀବ ନାଏକ ପ୍ରଥମ, ଶିବଦତ୍ତ ଦାଶ ଦ୍ୱିତୀୟ ଓ ଅଭିଳାଷ ପୁରୋହିତ ତୃତୀୟ ସ୍ଥାନ ଅଧିକାର କରିଥିଲେ l ଏହାପରେ କ୍ରୀଡା ସପ୍ତାହ ର ଉଦଯାପନୀ ସମାରୋହର ନୂତନ ଟାଉନ ହଲ ଠାରେ ଅନୁଷ୍ଠିତ ହୋଇଥିଲା I ଜିଲ୍ଲାପାଳ ଅବୋଲି ସୁନୀଲ ନରୱଣେ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଭାରେ ମୁଖ୍ଯ ଅତିଥି ଭାବରେ ପଦ୍ମଶ୍ରୀ ଦିଲ୍ଲୀପ୍ ତିର୍କୀ , ସ୍ଵତନ୍ତ୍ର ଅତିଥି ଭାବରେ  ମାନ୍ୟବର ମନ୍ତ୍ରୀ  ଅର୍ଥ ଓ ସଂସଦୀୟ ବ୍ୟାପାର ନିରଞ୍ଜନ ପୁଜାରୀ , ସମ୍ମାନିତ ଅତିଥିଭାବରେ ଜିଲ୍ଲା ପରିଷଦ ଅଧ୍ୟକ୍ଷା ସୁପାର ଠେଲା, ଜିଲ୍ଲା ଆରକ୍ଷୀ ଅଧୀକ୍ଷକ ଅମରେଶ ପଣ୍ଡା, ଅତିରିକ୍ତ ଜିଲ୍ଲାପାଳ ସୂର୍ଯ୍ୟନାରାୟଣ ଦାଶ, ନିଶି ପୁନମ୍ ମିଞ୍ଜ୍, ସୋନପୁର ପୌରାଧ୍ୟକ୍ଷା ତାମସୀ ତାମସ୍ମିତା ନାଏକ,  ପ୍ରମୂଖ ଯୋଗଦେଇଥିଲେ l  ଏହି ଅବସରରେ ସପ୍ତାହ ବ୍ୟାପୀ କ୍ରୀଡା ପ୍ରତିଯୋଗିତାର କୃତୀ ଖେଳାଳି ମାନଙ୍କୁ ଅତିଥି ମାନେ

ପୁରସ୍କାର ପ୍ରଦାନ କରିଥିଲେ l   ଏହାପରେ ପଦ୍ମଶ୍ରୀ ଦିଲ୍ଲୀପ ତିର୍କୀ ଉପସ୍ଥିତ ଛାତ୍ରଛାତ୍ରୀ ଏବଂ ଖେଳାଳି ମାନଙ୍କ ସହିତ ଏକ ଭାବବିନିମୟ  କାର୍ଯ୍ୟକ୍ରମରେ ଭାଗ ନେଇ ନିଜର ଛାତ୍ର ଏବଂ ଖେଳାଳି ଜୀବନର ସୁମଧୁର ସ୍ମୃତି ଚାରଣ କରିବା ସହିତ ଭଲ ପାଠ ପଢିବା ସହିତ କୌଣସି ଏକ ଖେଳରେ ଉତ୍ତମ ପ୍ରଦର୍ଶନ କରିବା ପାଇଁ ସମସ୍ତଙ୍କୁ ଉତ୍ସାହିତ କରିଥିଲେ l ମନ୍ତ୍ରୀ ଶ୍ରୀଯୁକ୍ତ ପୂଜାରୀ ଭବିଷ୍ୟତରେ ଜିଲ୍ଲାକୁ ଏକ ସ୍ପୋର୍ଟସ୍ ହବ ରେ ପରିଣତ କରିବାକୁ ସମସ୍ତ ପ୍ରୟାସ କରାଯିବ ବୋଲି କହିବା ସହିତ ଜିଲ୍ଲାରେ ସୁନ୍ଦର ଭାବରେ କ୍ରୀଡ଼ା ସପ୍ତାହ ଆୟୋଜନ କରିଥିବାରୁ ସମସ୍ତଙ୍କୁ ଧନ୍ୟବାଦ ଦେଇଥିଲେ I ଜିଲ୍ଲା ମୁଖ୍ୟ ଉନ୍ନୟନ ଅଧିକାରୀ ତଥା କାର୍ଯ୍ୟନିର୍ବାହୀ ଅଧିକାରୀ ଜିଲ୍ଲା ପରିଷଦ ନିହାର ରଞ୍ଜନ କହଁର ମଞ୍ଚ ପରିଚାଳନା କରିଥିବା ବେଳେ  କ୍ରୀଡା ଅଧିକାରୀ ଅଭିଳାଷ ପୁରୋହିତ ଧନ୍ୟବାଦ ଅର୍ପଣ  କରିଥିଲେ ଇ ସମାରୋହରେ ଉପଜିଲ୍ଲାପାଳ ସୋନପୁର ଡଃ ଇପ୍ସିତI ପ୍ରିୟଦର୍ଶିନୀ ମିଶ୍ର, ଉପଜିଲ୍ଲାପାଳ ବୀରମହାରାଜପୁର ଅଶୋକ କୁମାର ଭୋଇ, ଜିଲ୍ଲା ଶିକ୍ଷା ଅଧିକାରୀ ଲକ୍ଷ୍ମଣ ଭୋଇ ଙ୍କ ସହ ଜିଲ୍ଳା ସ୍ତରୀୟ ଅଧିକାରୀ ପ୍ରମୁଖ ଯୋଗଦାନ କରିଥିଲେ l