26-Aug-2022

ବଲାଙ୍ଗିର (ପ୍ରେରଣା ଖବର) ଏକ ମିଶନ ମୁଡ୍‌ରେ ବୃକ୍ଷରୋପଣ କରାଯାଉଛି । ସମଗ୍ର ବଲାଙ୍ଗୀର ସହରରେ ୫ହଜାର ବୃକ୍ଷରୋପଣ କରାଯିବ । ସହରର ଉନ୍ନତିକରଣ ପାଇଁ ଯେଉଁ ଗଛ ସବୁ କଟାଯାଇଥିଲା, ତାହାକୁ ଭରଣା କରିବା ପାଇଁ ଏହି ବୃକ୍ଷରୋପଣ କରାଯାଇଛି । ଆଜି ବଲାଙ୍ଗୀର ମୁନିସିପାଲିଟି ଓ ବଲାଙ୍ଗୀର ବନ ବିଭାଗର ମିଳିତ ସହଯୋଗରେ ଆୟୋଜିତ ବୃକ୍ଷରୋପଣ କାର୍ଯ୍ୟକ୍ରମରେ ଏପରି କିଛି ସୂଚନା ଦେଇଛନ୍ତି ବଲାଙ୍ଗୀର ଜିଲ୍ଲାପାଳ ଚଂଚଳ ରାଣା ଓ ବଲାଙ୍ଗୀର ଡିଏଫ୍‌ଓ ନିତିଶ କୁମାର । ଆଜି  ଏହି ଦୁଇ ବିଭାଗର ମିଳିତ ଅନୁକୂଲ୍ୟରେ ସ୍ଥାନୀୟ କୋଶଳ କଳାମଣ୍ଡଳ ପଡିଆ ରେ ଏକ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟ ଅତିଥି ଭାବରେ ବଲାଙ୍ଗୀର ଜିଲ୍ଲାପାଳ ଚଂଚଳ ରାଣା ଓ ସମ୍ମାନିତ ଅତିଥି ଭାବରେ ବଲାଙ୍ଗୀର ଡିଏଫ୍‌ଓ ନିତିଶ କୁମାର ଓ ବଲାଙ୍ଗୀର ପୌରାଧ୍ୟକ୍ଷା ଲିକା ସାହୁ ଯୋଗ ଦେଇ ଜଙ୍ଗଲ ସୁରକ୍ଷା ପରିବେଶ ସୁରକ୍ଷା ଉପରେ ନିଜର ବକ୍ତବ୍ୟ ପ୍ରଦାନ କରିଥିଲେ । ବଲାଙ୍ଗୀର ସହରକୁ ସବୁଜ ସୁନ୍ଦର ଭାବେ ଗଢ଼ି ତୋଳିବା ପାଇଁ   ପ୍ରଶାସନିକ ପଦକ୍ଷେପ ସହ ଜନସହଭାଗିତା ଉପରେ ଅତିଥି ମାନେ ଗୁରୁତ୍ୱ ଦେଇଥିଲେ । ଏହି କାର୍ଯ୍ୟକ୍ରମରେ ବହୁ ଜିଲ୍ଲସ୍ତରୀୟ ଅଧିକାରୀ, ସ୍ୱେଚ୍ଛାସେବୀ, ସାମ୍ବାଦିକ ଓ ପରିବେଶପ୍ରେମୀ ମାନେ ଯୋଗ ଦେଇଥିଲେ ।