16-Jun-2022

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ) / ନୂତନ ମନ୍ତ୍ରୀମଣ୍ଡଳ ସମ୍ପ୍ରସାରଣ ପରେ ଗତ   ୧୩ ତାରିଖ  ଅପରାହ୍ନରେ ନବୀନ ସରକାରଙ୍କ ବିଶ୍ଵସ୍ଥ, ଅଭିଜ୍ଞ ତଥା ରାଜ୍ୟର ଜଙ୍ଗଲ, ପଞ୍ଚାୟତରାଜ, ପାନୀୟଜଳ ଓ ସୂଚନା ଲୋକ ସମ୍ପର୍କ ବିଭାଗ ର ବରିଷ୍ଠ  ମନ୍ତ୍ରୀ ପ୍ରଦୀପ କୁମାର ଅମାତ ଙ୍କୁ ଜିଲ୍ଲାର ଆଡେଣିଗଡ଼, ମାଧବପୂର, ଚାରିଛକ, ପୁରୁଣା କଟକ, ବୀରନରସିଂହ ପୁର, ବାମଣ୍ଡା, ସରସରା, ବୌଦ୍ଧ  ପୌର ପରିଷଦ ଓ ସହର ବାସୀ ଙ୍କ ପକ୍ଷରୁ ଭବ୍ୟ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରାଯାଇଥିବା ବେଳେ  ଗତ କାଲି  ବୌଦ୍ଧ ମହାନଦୀ ଛକ, ମୁରଶୁଣ୍ଡି, ବ୍ଲକ ଛକ, ବୁ୍ରୋକଟା, ତେଲିବନ୍ଧ, ଜୁନ୍ହା ପଙ୍କ, ସାହାଜ ପାଲ, ବେହିରା, ଅଇଁଲା ପାଲି, ବାଉଁସୁଣୀ,  କୁରମୁଣ୍ଡା, ମନମୁଣ୍ଡା ବଙ୍ଗଳା ଠାରୁ ବୁଦ୍ଧ ଛକ ଯାଏ ପ୍ରତି ଛକ ରେ, ଦମାମୁଣ୍ଡା, ଖଟ ଖଟିଆ, ପଲସାଗୋରା, ଋଣ୍ଡିମହୁଲ, କଣ୍ଟାମାଳ ସରପଞ୍ଚ ସଂଘ, ବ୍ଲକ କର୍ମଚାରୀ, ଓ ଓଡିଶା କେନ୍ଦୁ ପତ୍ର କର୍ମଚାରୀ ସଂଘ, ପକ୍ଷରୁ  ମନ୍ତ୍ରୀଙ୍କୁ  ଫୁଲତୋଡ଼ା, ଉପ ଢୌକନ  ଦେଇ ସ୍ୱାଗତ ସମ୍ବର୍ଦ୍ଧନା କରାଯାଇଥିବା ବେଳେ ଯୁବ ନେତା ଶ୍ରୀକାନ୍ତ ମିଶ୍ରଙ୍କ ନେତୃତ୍ୱରେ  ବାଉଁସୁଣୀ ଓ ଓଡିଶା କେନ୍ଦୁପତ୍ର କର୍ମଚାରୀ ସଂଘ ଓ ମନମୁଣ୍ଡା  ବଙ୍ଗଳା ଠାରେ ଓଡିଶା ସାମ୍ବାଦିକ ସଂଗଠନ ଓ ବିଭିନ୍ନ ସଂଗଠନ ପକ୍ଷରୁ, ବରିଷ୍ଠ ନେତା ବାଳ ମୁକୁନ୍ଦ ମେହେର ଙ୍କ ନେତୃତ୍ୱ ରେ କୁରମୁଣ୍ଡା ଗ୍ରାମବାସୀଙ୍କ ପକ୍ଷରୁ ସରପଞ୍ଚଙ୍କ ନେତୃତ୍ୱ ମନମୁଣ୍ଡା ପଂଚାୟତ ପକ୍ଷରୁ,  ଜ଼ିଲ୍ଲା ପରିଷଦ ଉପାଧ୍ୟକ୍ଷ ଶଙ୍କର୍ଷଣ ପ୍ରଧାନ ଙ୍କ ନେତୃତ୍ୱ ରେ  ମନମୁଣ୍ଡାରେ ଓଡିଶା କେନ୍ଦୁପତ୍ର କର୍ମଚାରୀ ସଂଘ ଓ  ବିଜେଡିର ବରିଷ୍ଠ ନେତା ଅଶୋକ ସାହୁ  ଓ  କଣ୍ଟାମାଳ ବିଧାୟକ ମହୀଧର ରଣାଙ୍କ ନେତୃତ୍ୱରେ  କଣ୍ଟାମାଳ ବ୍ଲକର ବିଭିନ୍ନ ଜାଗାରେ ଭବ୍ୟ ସ୍ୱାଗତ ସମ୍ବର୍ଦ୍ଧନା କରାଯାଇ ବିଭିନ୍ନ ସଂଗଠନ ପକ୍ଷରୁ ମନ୍ତ୍ରୀ

ଶ୍ରୀ ଅମାତଙ୍କୁ ମୁଖ୍ୟମନ୍ତ୍ରୀଙ୍କ ଉଦ୍ଧେଶ୍ୟରେ  ଅନେକ ଦାବୀପତ୍ର ପ୍ରଦାନ କରାଯିବା ପରେ ଓଡିଶା ସାମ୍ବାଦିକ ସଂଘ ସୁବର୍ଣ୍ଣପୁର ଶାଖା  କର୍ମକର୍ତ୍ତାଙ୍କ ସହିତ ମନମୁଣ୍ଡା ପୂର୍ତ୍ତ ବିଭାଗ ଡାକ ବଙ୍ଗଳା ଠାରେ ଆଲୋଚନା  ବେଳେ ମୁଖ୍ୟତଃ କାର୍ଯ୍ୟରତ ସାମ୍ବାଦିକଙ୍କ ଗୋପବନ୍ଧୁ ସ୍ୱାସ୍ଥ୍ୟ ବୀମା ରାଶିକୁ ବୃଦ୍ଧି କରିବା ଓ ସାମ୍ବାଦିକ ସୁରକ୍ଷା ଆଇନ ଉପରେ ମନ୍ତ୍ରୀଙ୍କ ସହିତ ସୁବର୍ଣ୍ଣପୁର ଓ ବୌଦ୍ଧ ଜ଼ିଲ୍ଲାର ବିଭିନ୍ନ ଗଣମାଧ୍ୟମ ପ୍ରତିନିଧି ଆଲୋଚନା କରିଥିଲେ l  ଆଜି ଗୁରୁବାର ବୌଦ୍ଧ ଜ଼ିଲ୍ଲା ସାମ୍ବାଦିକ ସଂଘ ଓ ଉତ୍କଳ ସାମ୍ବାଦିକ ସଂଘ  ପକ୍ଷରୁ ମଧ୍ୟ ମନ୍ତ୍ରୀ ଶ୍ରୀ ଅମାତଙ୍କୁ ସ୍ୱାଗତ କରାଯାଇ  ସାମ୍ବାଦିକ ଙ୍କ ବିଭିନ୍ନ ସମସ୍ୟା ଉପରେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ଯରେ  ଏକ ସ୍ମାରକ ପତ୍ର ପ୍ରଦାନ କରାଯାଇଛି l ପରେ ବୌଦ୍ଧ ପଞ୍ଚାୟତ ସମିତି ଓ ଚାରିଶମ୍ଭୁ ଠାରେ ମଧ୍ୟ ମନ୍ତ୍ରୀଙ୍କୁ ଭବ୍ୟ ସମ୍ବର୍ଦ୍ଧନା ଦିଆଯାଇଛି l