26-May-2022

ବରଗଡ:-ଆଜି ପୂର୍ବାହ୍ନରେ ବରଗଡ ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଜିଲ୍ଲା ସ୍ୱାସ୍ଥ୍ୟ ବିଭାଗର ଆନୁକୂଲ୍ୟରେ ଏକ ବୈଠକ ଅନୁଷ୍ଠିତ ହୋଇଯାଇଛି । ବରଗଡ ଜିଲ୍ଲାପାଳ ଶ୍ରୀମତୀ ମୋନିଷା ବାନାର୍ଜୀଙ୍କ ସଭାପତିତ୍ବରେ ଅନୁଷ୍ଠିତ ଏହି ବୈଠକରେ ନୋଡାଲ ଅଫିସର ବସନ୍ତ କୁମାର ବାରିକ ଅଧ୍ୟକ୍ଷତା କରିଥିଲେ । ବୈଠକରେ ବରଗଡ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଶ୍ରୀମାନ ସାଧୁ ଚରଣ ଦାଶ ସମସ୍ତ ଅନୁବନ୍ଧିତ ଘରୋଇ ନର୍ସିଂହୋମ ର ମୁଖ୍ୟ ପରିଚାଳକ,ଡିପିଏମଓ ଶ୍ରୀଯୁକ୍ତ ରାମକୁମାର ଗୁପ୍ତା,ଏଡିଏମଓ  ବିଭୂତି ଭୂଷଣ ମେହେର ଉପସ୍ଥିତ ଥିଲେ । ଶ୍ରୀଯୁକ୍ତ ସଞ୍ଜିବ କୁମାର ପଟେଲ ଜିଲ୍ଲା କୋଡିନେଟର ଉପସ୍ଥିତ ସମସ୍ତ ଅଧିକାରୀ ମାନଙ୍କୁ ସ୍ୱାଗତ କରିଥିଲେ । ଜିଲ୍ଲାର ସମସ୍ତ ଅନୁବନ୍ଧିତ ଘରୋଇ ହସ୍ପିଟାଲର କର୍ତ୍ତୃପକ୍ଷ ସମସ୍ତ ବିପିଏଲ ହିତାଧିକାରୀ ମାନଙ୍କୁ ମାଗଣା ରେ ସ୍ୱାସ୍ଥ୍ୟ ସେବା ଯୋଗାଇ ଦେବା ସମ୍ପର୍କରେ ଜିଲ୍ଲାପାଳ ମହୋଦୟାଙ୍କୁ ପ୍ରତିଶ୍ରୁତି ପ୍ରଦାନ କରିଥିଲେ । ହିତାଧିକାରୀଙ୍କୁ ଘରୋଇ ଚିକିତ୍ସାଳୟରେ ମାଗଣା ରେ ଚିକିତ୍ସା ସୁବିଧା ପାଇ ପାରୁଛନ୍ତି କି ନାହିଁ ସେ ସମ୍ପର୍କରେ ସ୍ୱାସ୍ଥ୍ୟ ମିତ୍ର ମାନେ ପଚାରି ବୁଝିବେ ଓ ଉପଯୁକ୍ତ ଚିକିତ୍ସା ସୁବିଧା ପାଉନଥିଲେ ସହଯୋଗ କରିବେ । ସମସ୍ତ ଘରୋଇ ଚିକିତ୍ସାଳୟର ଭିତର ଓ ବାହାରେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ର ସୂଚନା ପ୍ରଦର୍ଶିତ କରାଯିବ । ନୋଡାଲ ଅଫିସର ମାନେ ଅନୁବନ୍ଧିତ ଚିକିତ୍ସାଳୟ କୁ ଗସ୍ତ କରିବା ସମୟରେ,ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ମାଗଣାରେ ସ୍ୱାସ୍ଥ୍ୟ ସେବା ଯୋଗାଇ ଦେବା ଓ ସମସ୍ତ ଖର୍ଚ୍ଚ ପ୍ରଦାନ କରାଯିବା ସମ୍ପର୍କରେ ରୋଗୀମାନେ ପ୍ରକାଶ କରିଥିଲେ । ଶେଷରେ ଏଡିଏମଓ ବିଭୂତି ଭୂଷଣ ମେହେର ଧନ୍ୟବାଦ ଅର୍ପଣ କରିଥିଲେ