26-May-2022

ବଲାଙ୍ଗିର/ପାଟଣାଗଡ଼ (ପୂର୍ଣ୍ଣ ଶଶୀ ଶେଖର ରାଓ )  ବର୍ତ୍ତମାନ ବଲାଙ୍ଗିର ଜିଲ୍ଲା ରେ ନିଶା କାରବାର ଯେତିକି ଅପରାଧିକ କାର୍ଯ୍ୟକଳାପ ସେତିକି ।ଅନ୍ୟ ପଟେ ବେଆଇନ କାରବାର ରେ ମଧ୍ୟ କମ୍ ନୁହେଁ ; ଜିଲ୍ଲା ସାରା ମଦ,କରେକ୍ସ, ଗଞ୍ଜେଇ,ଟେବେଲେଟ, ସଟ୍ଟା, ଜୁଆ,ତାସ, କ୍ରିକେଟ ମ୍ୟାଚ୍ ଲବି ଦିନ କୁ ଦିନ ବୃଦ୍ଧି ପାଉଛି। ଅବକାରୀ ବିଭାଗ ଅନେକ ସମୟରେ ବିଭିନ୍ନ ନିଶା କାରବାର ମାଫିଆ ମାନଙ୍କୁ ଗିରଫ କରୁଥିଲେ ସୁଦ୍ଧା ତାହା ଥମିବାର ନାଁ ନେଉନାହିଁ । ଏଭଳି କି ଲାଇସେନ୍ସ ଧାରୀ ମଦ ଦୋକାନୀ ମାନେ ମଧ୍ୟ ନକଳି ମଦ ତିଆରି ହେଉଥିବା ଦେଖିବାକୁ ମିଳୁଛି ।ଯାହାଫଲରେ ଲୋକେ ଅଳ୍ପ ଦିନରେ ମୃତ୍ୟୁବରଣ କରିବା ସ୍ବଭାବିକ ‌। ସୂଚନାଯୋଗ୍ୟ ଯେ ଅବକାରୀ ଗୋଇନ୍ଦା ବିଭାଗ ସମ୍ବଲପୁର ଓ ପାଟଣାଗଡ଼

ଅବକାରୀ ବିଭାଗର ମିଳିତ ଉଦ୍ୟମରେ ଆଜି ଖପ୍ରାଖୋଲ ଲାଇସେନ୍ସ ଧାରୀ ବିଦେଶୀ ମଦ ଦୋକାନ ଓ ପାଟଣାଗଡ଼ ରାମପୁର ବିଦେଶୀ ମଦ ଦୋକାନକୁ ଚଢ଼ଉ କରି ବିପୁଳ ପରିମାଣରେ ନକଲି ବିଦେଶୀ ମଦ ଜବତ କରିବା ସହ  ରାମବ୍ରତ ସାହୁ ଓ ଗୌତମ ମହନ୍ତ ଦୁଇ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିବା ପାଟଣାଗଡ଼ ଅବକାରୀ ଅଧିକାରୀ ବିଶ୍ବନାଥ ପରିଡ଼ା ସୂଚନା ଦେଇଛନ୍ତି । ଚଢ଼ାଉ ସମୟରେ ସମ୍ବଲପୁର ଅବକାରୀ ଇନ୍ସପେକ୍ଟର ଶଶୀ କାନ୍ତ ଦତ୍ତ,  ଅବକାରୀ ଉପ ଅଧିକ୍ଷକ ବିପ୍ରଚରଣ ମଣ୍ଡଳ ଓ ପାଟଣାଗଡ଼ ଅବକାରୀ ବିଭାଗର ଅଧିକାରୀ ବିଶ୍ୱନାଥ ପରିଡ଼ାଙ୍କ ସହ ପାଟଣାଗଡ଼ ଅବକାରୀ ଷ୍ଟାଫ୍  ମାନେ ଉପସ୍ଥିତ ଥିଲେ।