26-May-2022

 ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ) :ଦୀର୍ଘ  ୨୦ /୨୫ ବର୍ଷ ପୂର୍ବରୁ ସ୍ଥାନୀୟ ନେତା ଓ ରାଜ୍ୟ  ର ବଡ଼ ବଡ଼ ଟାଣୁଆ ନେତା ମାନଙ୍କ ବଡ଼ ବଡ଼ ଭାଷଣ ଓ ମିଥ୍ୟା ପ୍ରତିଶୁତି ଦେଇ ଆସିଥିବା ବେଳେ ମନ୍ଦିରମାଳିନୀ ଐତିହାସିକ ସଂସ୍କୃତି,ପରମ୍ପରା ସମ୍ପନ୍ନ ପ୍ରାଚୀନ ଓ ପବିତ୍ର ଦେବା ଦେବୀ ପୀଠ ସୁବର୍ଣ୍ଣପୁର ର  ବିକାଶ ପାଇଁ ଏବେ ଜିଲ୍ଲା ପ୍ରଶାସନ ସତରେ ଅଣ୍ଟା ଭିଡ଼ିଥିବା ଜଣା ପଡିଛି । ଜିଲ୍ଲା ପାଳ ନିଜେ ଟୁଇଟ ମାଧ୍ୟମରେ ଜନସାଧାରଣଙ୍କୁ ଏ ନେଇ ଆହ୍ୱାନ ଦେଇଛନ୍ତି l ପର୍ଯ୍ୟଟନ ର ବିକାଶ ଲାଗି ଆଜି ସଚେତନ ନାଗରିକ ମଞ୍ଚ ତରଫରୁ  ଲିଖିତ ଆକାରରେ ବିଭିନ୍ନ ପ୍ରସ୍ତାବ ଜିଲ୍ଳାପାଳ ଅବୋଲି ସୁନିଲ ନରୱଣେଙ୍କୁ ସାକ୍ଷାତ କରି  ପ୍ରଦାନ କରିଥିଲେ ।
ଆଜିର ଏହି କାର୍ଯ୍ୟକ୍ରମରେ ସଚେତନ  ନାଗରିକ ମଞ୍ଚପକ୍ଷରୁ ସିତାଂଶୁଶେଖରମିଶ୍ର ଗୁଣନିଧି ମେହେରଙ୍କ ସମେତ ପ୍ରକାଶ

ଚନ୍ଦ୍ର ସାହୁ, ପ୍ରଦୀପ ପୁରୋହିତ, ଦୁଃଖିରାମ ନାୟକ, ବିନୋଦ ମେହେର, ମହେଶ ପୂଜାହାରୀ,ବାଙ୍କାନିଧି ରାୟଗୁରୁ, ନିରଞ୍ଜନତ୍ରିପାଠୀ, ସହଦେବ ପାତ୍ର, ସୂର୍ଯ୍ୟ ନାରାୟଣ ଦାସ, ନବଘନ ଷlଣ୍ଢ, ପଞ୍ଚାନନ ବାରିକ ପ୍ରମୁଖ ଉପସ୍ଥିତ ଥିଲେ। ପ୍ରକାଶ ଥାଉ କି ଯେ ନୂତନ ଜ଼ିଲ୍ଲାପାଳ ଶ୍ରୀମତୀ ନରୱଣେ ଯୋଗ ଦେବା ପରେ ଅବହେଳିତ ହୋଇ ପଡ଼ିଥିବା ସୁବର୍ଣ୍ଣପୁର ସହରର ଇଷ୍ଠ ଦେବ ଶ୍ରୀ ସୁବର୍ଣ୍ଣମେରୁ ଶୈବ ପୀଠ ର ବିକାଶ ,ଓ ତେଲ ବ୍ରିଜ ରକ୍ଷଣା ବେକ୍ଷଣ  ପ୍ରମୁଖ ଦାବୀ  ନେଇ ସ୍ୱଚ୍ଛ ଭାରତ ସଂଗଠନ ପକ୍ଷରୁ ଏକ ଦାବୀ ପତ୍ର ପ୍ରଦାନ କରାଯାଇଥିଲା l