26-May-2022

ବଲାଙ୍ଗୀର /କଣ୍ଟାବାଞ୍ଜି (ପୂର୍ଣ୍ଣ ଶଶୀ ଶେଖର ରାଓ ) ନିର୍ବାଚନ ସରିଗଲା ନୂତନ ସରପଞ୍ଚ ନିର୍ବାଚିତ ହେଲେ ଅଧା ପନ୍ତରିଆ ଚାର୍ଜ ଦିଆଗଲା ଅଫିସ ର ବିଭିନ୍ନ ସାମଗ୍ରୀର ହିସାବକିତାବ ନାହିଁ ‌। ନୂତନ ସରପଞ୍ଚଙ୍କ କଥାର ମାନ୍ୟତା ଦିଆଯାଉ ନଥିବା ପରିପ୍ରେକ୍ଷୀରେ ଏଭଳି ଘଟଣା ଦେଖିବାକୁ ମିଳିଛି ବଲାଙ୍ଗିର ଜିଲ୍ଲା ତୁରେକେଲା ବ୍ଲକ ଅନ୍ତର୍ଗତ ଧାମନଡଙ୍ଗା ଗ୍ରାମପଞ୍ଚାୟତ କାର୍ଯ୍ୟାଳୟରେ l 

ଏଠରେ ବର୍ଷ ବର୍ଷ ଧରି ବନ୍ଦ ରଖାଯାଇ ଥିବା  କୁହୁକ ଆଲମାରୀର ରହସ୍ଯମୟ ଘଟଣା ପଞ୍ଚାୟତବାସୀଙ୍କ ମନରେ ସନ୍ଦେହ ସୃଷ୍ଟି କରିଛି । ଆଲମାରୀରେ ଏଭଳି କ'ଣ ମୂଲ୍ଯବାନ ଜିନିଷ ରଖାଯାଇଛି  ଯେ କୌଣସି 
ଅଧିକାରୀ ଏହାକୁ ଦଶ ବର୍ଷ ହେଲା ଖୋଲିନାହାନ୍ତି । ତିନି ତିନିଟା ସରପଞ୍ଚ ଓ ତିନିଜଣ ପିଇଓ ଙ୍କ କାର୍ଯ୍ୟକାଳ ରେ କୁହୁକ ଆଲମାରୀ ଖୋଲିବାର ସାହାସ କରୁ ନଥିବା କଥା ବର୍ତ୍ତମାନ ର ସରପଞ୍ଚ ଓ ପିଇଓ ଙ୍କ ମୁଣ୍ଡ ବ୍ୟଥା ର କାରଣ ସାଜିଛି। 
ଏତେ ବର୍ଷ ମଧ୍ୟରେ କୌଣସି ବ୍ୟକ୍ତିବିଶେଷ ଏ ଘଟଣାର ଅନୁଧ୍ୟାନ କରିନଥିବା ଲୋକେ ଅଭିଯୋଗ ଆଣିଛନ୍ତି। 
ଏହି ଆଲମାରୀ ଗୁଡିକ ର ଚାବି କିଏ ଓ କାହିଁକି ରଖିଛି ? ବ୍ଳକ ଓ ଜିଲ୍ଲା ପ୍ରଶାସନ ଏହାର ତୁରନ୍ତ ତଦନ୍ତ କରି ଆଲମାରୀ ଗୁଡିକୁ କାର୍ଯ୍ଯକ୍ଷମ କରାଇ ସରକାରୀ କାର୍ଯ୍ୟକଳାପ ର ଅବହେଳା ଓ କାର୍ଯ୍ୟରେ ବାଧାା ଦେଉଥିବା ଦୋଷୀ ବିରୁଦ୍ଧରେ  ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପଞ୍ଚାୟତବାସୀ ଦାବି ଜଣାଇଛନ୍ତି ।