26-May-2022

ବଲାଙ୍ଗିର/ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ପାଟଣାଗଡ଼ ବ୍ଲକ ସାଲେପାଲି ଗ୍ରାମ ପଞ୍ଚାୟତ ଅନ୍ତର୍ଗତ ତୁର୍ଲାମାଲ ଗାଁ ର ଦାଦନ ଶ୍ରମିକ ଶ୍ରୀ କୈଳାଶ ଭୁଏ ନିଜ  ସ୍ତ୍ରୀ ପ୍ରେମ ଭୁଏ  ,ଦୁଇଟି ଝିଅ ଓ ଗୋଟିଏ ପୁଅକୁ ନେଇ ମିଶି ସର୍ଦାର ଶେଷଦେବ ଦୀପ (ତୁର୍ଲାମାଲ )ଓ କଣ୍ଟାବାଞ୍ଜି ର ପପୁ ଖାନ ଙ୍କ ଜରିଆରେ ଇଟା ଗଢ଼ିବା ପାଇଁ ସୁଦୂର ତେଲେଙ୍ଗାନା ର ଟୁକୁଗୁଡା ଯାଇ ଇଟା ଭାଟିରେ କାମ କରୁଥିଲେ । ଏବଂ ସଗୋଟିଏ ଝିଅ କୁ ଘରେ ଛାଡ଼ିଦେଇ ଯାଇଥିଲେ । ଧମକ ଚମକ ଦେଇ ଅଧିକ କାମ କରେଇ ସେମାନଙ୍କୁ ଠିକ ସମୟରେ  ଠିକ ଭାବରେ ଖାଇବା ପିଇବା ଦେଉନଥିବା ବେଳେ ଇଟା ଭାଟିରେ ସବୁବେଳେ ନିର୍ଯାତନା ଦେଉଥିଲେ । ନିର୍ଯାତନା ଅସହ୍ୟ ହେବାରୁ କିଛି ଦିନ ଠିକ ଭାବରେ ଖାଉନଥିଲେ କୈଳାଶ । ଗତକାଲି ଦେହ ଅସୁସ୍ଥ ହେବାରୁ ଭାଟି ମାଲିକ ହସ୍ପିଟାଲରେ ଭର୍ତ୍ତି କରିବା ବଦଳରେ କେବଳ କେତେଟା ଆଔଷ ଆଣିଦେଲେ । ରାତିରେ ଦେହ ପୁଣି ଆହୁରି ଅସୁସ୍ଥ ହେବାରୁ ସ୍ଥାନୀୟ ଏକ ହସ୍ପିଟାଲରେ ଭର୍ତ୍ତି କରିଥିଲେ ସେଠାରେ ଚିକିତ୍ସିତ ହେଉଥିବା ସମୟରେ ଡାକ୍ତର ମୃତ ଘୋଷଣା କଲେ । ଯଦି ଇଟା ଭାଟି ମାଲିକ ଠିକ ଭାବରେ କୈଳାଶ ଚିକିତ୍ସା କରିଥିଲେ ଅକାଳ ରେ ଗୋଟିଏ ଜୀବନ ଯାଇ ଏକ ବହୁ କୁଟୁମ୍ବୀ ପରିବାରକୁ ସର୍ବସ୍ୱନ୍ତ ହେବାକୁ ପଡିନଥାନ୍ତା । ପରିବାର ଏକମାତ୍ର ରୋଜଗାରକ୍ଷମ ବ୍ୟକ୍ତି । ତାଙ୍କର ଅକାଳ ମୃତ୍ୟୁ ପରେ ଏତେ ବଡ଼ ପରିବାର କେମିତି ପ୍ରତିପୋଷଣ କରିବେ ଚିନ୍ତାର ବିଷୟ । ଯେତେବେଳେ କୈଳାସ କୁ ଡାକ୍ତର ମୃତ ଘୋଷଣା କଲେ ସେତେବେଲୁ ଶବ ପାଖକୁ ପରିବାର ର କାହାକୁ ଦେଖିବାକୁ ମଧ୍ୟ ସୁଯୋଗ ଦେଲେନି  ଓ ନିଜ ଇଛା ମୁତାବକ ଶବ ବ୍ୟବଚ୍ଛେଦ କରିଥିଲେ ବୋଲି ମୃତକଙ୍କ ସମ୍ପର୍କୀୟ କହିଛନ୍ତି । ପ୍ରଥମେ ଶବ ଘରକୁ ନେଇଯିବା ପାଇଁ ଭାଟି ମାଲିକ ପ୍ରତିଶ୍ରୁତି ଦେଇଥିଲେ କିନ୍ତୁ ପରେ ଯେତେବେଳେ ଶବ ବ୍ୟବଚ୍ଛେଦ ହେଲା ସେତେବେଲୁ ଆଉ ଶବ ପାଖକୁ ଯିବାକୁ ଦେଲେ ନାହିଁ । ଧମକ ଚମକ ଦେଇ ନିଜ କବଜାରେ ରଖିଦେଲେ ପୁରା ପରିବାର କୁ । ପରିବାର ଲୋକେ ଯେତେ ହାରି ଗୁହାରୀ କଲେ ମଧ୍ୟ ସର୍ଦାର ଶୁଣିଲାନି କି ମାଲିକ ମଧ୍ୟ କିଛି ଶୁଣିଲାନି । ଗାଳି ଝଗଡ଼ା ମାଡ଼ ପିଟ କରି ଜୋରାଜବରଦସ୍ତ ଶବକୁ ସେଠାରେ ହିଁ ପୋଡ଼ିଦେଲେ । ଏହାକୁ ବଲାଙ୍ଗିର ଜିଲ୍ଲା ପ୍ରଶାସନ ସ୍ବତନ୍ତ୍ର ଦୃଷ୍ଟି ଆକର୍ଷଣ କରି ସର୍ଦ୍ଦାର ଓ ଇଟାଭାଟି ମାଲିକଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅଞ୍ଚଳବାସୀ ଦାବି କରିଛନ୍ତି।