02-May-2022

ପଦ୍ମପୁର:(ନିରଞ୍ଜନ ତ୍ରିପାଠୀ)-ପାଇକମାଳ ସରକାରୀ ଉଚ୍ଚ ବିଦ୍ୟାଳୟର ହୀରକ ଜୟନ୍ତୀ ପାଳନ ଅବସରରେ ଏକ ପ୍ରସ୍ତୁତି ବୈଠକ କମିଟି ର ସଭାପତି ଅନିଲ କୁମାର କାଲିଆ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି ।ଏ ବୈଠକ ରେ ଆଗାମୀ ଡ଼ିସେମ୍ବର ମାସରେ ତିନି ଦିନ ବ୍ୟାପି ହୀରକ ଜୟନ୍ତୀ କୁ ମହାସମାରୋହରେ ପାଳନ କରାଯିବା ସକାଶେ ଚୂଡାନ୍ତ ନିଷ୍ପତି ନିଆଯାଇଛି । କାର୍ଯ୍ୟକ୍ରମ କୁ ସମସ୍ତ ପୁରାତନ ଛାତ୍ର

ଛାତ୍ରୀ ମାନଙ୍କୁ ନିମନ୍ତ୍ରଣ କରିବା ପାଇଁ‌ ଯୋଜନା କରାଯାଇଛି ।ଏହି ବୈଠକରେ ସର୍ବଶ୍ରୀ ବିନୋଦ କୁମାର କାଲିଆ,ଡୋଲାମଣି ମାହାର,ଶରତ ଚନ୍ଦ୍ର ବଡ଼ପଣ୍ଡା,ଟାଇଲ ଚନ୍ଦ୍ର ଭୋଇ, ପ୍ରଫୁଲ୍ଲ କୁମାର ପାଣିଗ୍ରାହୀ, ସୁବାଷ ଚନ୍ଦ୍ର ସାହୁ, ଡଃ ଚୈତନ୍ୟ ସାହୁ, ଲୋହିତ କୁମାର ବାରିକ,କୁସୁମ କୁମାର ରାଓ,ସଚିନ ଅଗ୍ରୱାଲ, ନିମାଇଁ ଚରଣ ସ୍ବାଇଁ,ଗିରିଶ ଚନ୍ଦ୍ର ନାଏକ, ରାଜୀବ ସାହୁ, ସତ୍ୟନାରାୟଣ ଯୋଶୀ, ସଞ୍ଜୟ ସାହୁ ପ୍ରମୁଖ ଯୋଗଦାନ କରି ନିଜ ନିଜ ସୁଚିନ୍ତିତ ମତାମତ ପ୍ରଦାନ କରିଥିଲେ । କାର୍ଯ୍ୟକ୍ରମ ସମ୍ପର୍କରେ ଅବଗତ କରିବାପାଇଁ ପ୍ରଚାର ଓ ପ୍ରସାର ମାଧ୍ୟମରେ ପ୍ରତ୍ୟେକ ବ୍ୟାଚ ର ଛାତ୍ର ଛାତ୍ରୀ ଙ୍କ ତାଲିକା ପ୍ରସ୍ତୁତ କରାଯାଇଛି । ପ୍ରତ୍ୟେକ ଗ୍ରାମକୁ ଯାଇ ସମ୍ପର୍କ ସ୍ଥାପନ କରାଯିବାକୁ ସଦସ୍ୟ ମାନେ ମତବ୍ୟକ୍ତ କରିଥିଲେ । ପରିଶେଷରେ ଶିକ୍ଷକ ତ୍ରିଲୋଚନ ନାଏକ ଧନ୍ୟବାଦ ଅର୍ପଣ କରିଥିଲେ