15-Feb-2022

ପଦ୍ମପୁର:-ବରଗଡ଼ ଅବକାରୀ ଅଧିକ୍ଷକ ପ୍ରଦୀପ କୁମାର ପଟ୍ଟନାୟକଙ୍କ ନିର୍ଦ୍ଦେଶକ୍ରମେ ପାଇକମାଲ ଅବକାରୀ ବିଭାଗ ଆସନ୍ତା କାଲି ହେବାକୁ ଥିବା ତ୍ରିସ୍ତରୀୟ ପଞ୍ଚାୟତ ନିର୍ବାଚନ ସକାଶେ ଗତ ଦୁଇ ତିନି ହେବ ଅନେକ ସ୍ଥାନରେ ଚଢାଉ କରୁଥିବା ଦେଖାଯାଇଛି । ପଞ୍ଚାୟତ ନିର୍ବାଚନର ଗୋଟିଏ ଦିନ ପୂର୍ବରୁ ବଡ ଧରଣର ରେଡ କରାଯାଇ ବହୁ ପରିମାଣର ମହୁଲି ପୋଚ ନଷ୍ଟ କରିବା ସହ ହାତରନ୍ଦା ମହୁଲି ମଦ ତଥା ରନ୍ଧୁ ମଦ ଜବତ କରିଛି ପାଇକମାଲ ଅବକାରୀ ବିଭାଗ  । ଆଜି ପାଇକମାଲ ଅବକାରୀ ବିଭାଗ ବିଲାସପୁର ଗ୍ରାମ ପାଖରେ ଥିବା ପତ୍ରା ଜଙ୍ଗଲରେ ଏକ ବଡ଼ ଧରଣର ରେଡ କରିଥିବା ସୂଚନା ମିଳିଛି । ଜଙ୍ଗଲରୁ ୧୧୫୦ ଲିଟର ମହୁଲି ପୋଚ ନଷ୍ଟ କରିଛି ପାଇକମାଲ ଅବକାରୀ ବିଭାଗ । ଅନୁରୂପ ଭାବେ  ପାଇକମାଲ ବ୍ଳକ ଭୁତମୁଣ୍ଡା ଗ୍ରାମରେ ମଧ୍ୟ ଚଢ଼ାଉ କରିଛି ଅବକାରୀ ବିଭାଗ । ଏ ନେଇ ପାଇକମାଲ ଅବକାରୀ ବିଭାଗ ତରଫରୁ ଦୁଇ ଗୋଟି ମାମଲା ରୁଜ୍ଜୁ କରାଯାଉଛି । ଆଗାମୀ ଦିନରେ ମଧ୍ୟ ବେଆଇନ ମଦ ପ୍ରସ୍ତୁତି ଉପରେ ଚଢ଼ାଉ ଜାରି ରହିବ ବୋଲି ପାଇକମାଲ ଅବକାରୀ ଓଆଇସି ରାଜକୁମାର ବେହେରା ସୂଚନା ଦେଇଛନ୍ତି । ନିର୍ବାଚନ ଆଗରୁ ଏହି ବଡ଼ ଧରଣର ରେଡ କରିଥିବାରୁ ଅବକାରୀ ବିଭାଗ, ପାଇକମାଲ ର ଓଆଇସି ରାଜକୁମାର ବେହେରାଙ୍କୁ ଅଞ୍ଚଳର ଜନସାଧାରଣ ବହୁ ମାତ୍ରାରେ ପ୍ରଶଂସା କରୁଥିବା ଦେଖାଯାଉଛି ।