14-Feb-2022

ସିନ୍ଧେକେଲା(ଅନୀଲ କୁମାର ତ୍ରିପାଠୀ) ମୁକ୍ତ, ଅବାଧ , ଶୃଙ୍ଖଳିତ ମତଦାନ ସକାଶେ ଓ ଶାନ୍ତି ଶୃଙ୍ଖଳା ରକ୍ଷା ପାଇଁ ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଳକ ଅଞ୍ଚଳର ଠେମରା ପଞ୍ଚାୟତ ଓ ସିନ୍ଧେକେଲା ଟାଉନ ରେ ଆଜି ପୋଲିସ ପକ୍ଷରୁ ଫ୍ଲାଗ ମାର୍ଚ୍ଚ କରାଯାଇଛି । ଟିଟିଲାଗଡ ଏସଡିପିଓ ସୁରେନ୍ଦ୍ର ନାଥ ସତପଥି ଓ ସିନ୍ଧେକେଲା ଥାନା ଅଧିକାରୀ ଆଲୋକ ବେହେରାଙ୍କ ତତ୍ତ୍ବାବଧାନ ରେ ଏହି ଫ୍ଲାଗ ମାର୍ଚ୍ଚ  ଅନୁଷ୍ଠିତ ହୋଇଥିଲା। ଏହି ଫ୍ଲାଗ ମାର୍ଚ୍ଚ ରେ ଦୁଇ ପ୍ଲାଟୁନ ଆଇଆରବି ପୋଲିସ ଫୋର୍ସ ଠେମରା , ସିନ୍ଧେକେଲା ରାସ୍ତାରେ ବୁଲି ଲୋକଙ୍କୁ ନିର୍ବାଚନ ସମ୍ବନ୍ଧୀୟ ସଚେତନତା ବାର୍ତ୍ତା ପ୍ରଦାନ କରିଥିଲେ । ସୂଚନା ଯୋଗ୍ୟ ଯେ ଚଳିତ ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ବ୍ଲକର ଅତି ଉତ୍ତେଜନା ପ୍ରବଣ ଅଞ୍ଚଳ ଭାବେ ପରିଗଣିତ ହେଉଥିବା ପଞ୍ଚାୟତ

ମାନଙ୍କରେ ମାର୍ଚ୍ଚ କରାଯାଇ ଲୋକଙ୍କୁ ସଚେତନ କରା ଯାଉଥିବା ଏସଡିପିଓ ଶ୍ରୀ ସତପଥି ସୁଚନା ଦେଇଛନ୍ତି। ପ୍ରକାଶ ଥାଉକି ଅନ୍ୟ ପଞ୍ଚାୟତ ଅପେକ୍ଷା ଠେମରା ପଞ୍ଚାୟତ ରେ ନିର୍ବାଚନ ଆରମ୍ଭ ରୁ ନିର୍ବାଚନ ପ୍ରଚାର ସମୟରେ ଜଣେ ସରପଞ୍ଚ ପ୍ରାର୍ଥୀ ଭୋଟ ପ୍ରଚାର ସମୟରେ ଟଙ୍କା ଦେଉଥିବାର ଭିଡିଓ ଭାଇରାଲ ହେବାପରେ ବଲାଙ୍ଗୀର ଜିଲ୍ଲାପାଳ ଙ୍କ ନିର୍ଦ୍ଦେଶ ମୁତାବକ ସିନ୍ଧେକେଲା ଥାନାରେ ସେହି ପ୍ରାର୍ଥୀଙ୍କ ନାଁ ରେ ଅଭିଯୋଗ ହୋଇଛି। ଏବଂ ଠେମରା ପଞ୍ଚାୟତ ରେ ଅନ୍ୟ

ପଞ୍ଚାୟତ ଅପେକ୍ଷା ନିର୍ବାଚନ ବାତାବରଣ ସରଗରମ ରହିଛି । ସେହି ଭଲି ସିନ୍ଧେକେଲା ଏକ ଛୋଟିଆ ବ୍ୟବସାୟିକ ପେଣ୍ଠ ସ୍ଥଳୀ ତଥା ତିନୋଟି ଜିଲ୍ଲାର ସିମାନ୍ତ ରେ ଅବସ୍ଥିତ ଥିବାରୁ ସିମାନ୍ତବର୍ତ୍ତୀ ଅଞ୍ଚଳବାସୀ ଏହି ଗାଁ ଉପରେ ନିର୍ଭର କରିଥାନ୍ତି ।ତେଣୁ ସିନ୍ଧେକେଲା ସରପଞ୍ଚ ପଦବୀ ଏକ ସମ୍ମାନ ଜନକ ପଦବୀ ଭାବେ ବେଶ ଗୁରୁତ୍ୱପୂର୍ଣ୍ଣ। ତେଣୁ ଏହି ପଞ୍ଚାୟତ ଉପରେ ଏବେ ସମସ୍ତଙ୍କର ନଜର ରହିଛି ।