25-Jan-2022

ନୟାଗଡ, (ପ୍ରଦୀପ କୁମାର ପଣ୍ଡା): ରାଜ୍ୟ ନିର୍ବାଚନ କମିଶନ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ରେ ପ୍ରାର୍ଥୀ ହେବାପାଇଁ ବିଭିନ୍ନ ନିୟମ ପ୍ରଣୟନ କରିଛନ୍ତି | ନିର୍ଦେଶନାମା ଅନୁଯାୟୀ ସେବା ସମବାୟ ସମିତି ରୁ ଋଣ ଖିଲାପକାରୀ ବ୍ୟକ୍ତି ଲଢ଼ି ପାରିବେନି ନିର୍ବାଚନ | ସୂଚାନକ୍ରମେ ନୟାଗଡ଼ ଜିଲ୍ଲା ଖଣ୍ଡପଡା ବ୍ଳକ ଖଳିସାହି ଗ୍ରାମ ପଞ୍ଚାୟତ ରେ ସରପଞ୍ଚ ପ୍ରାର୍ଥୀ ଫକୀର ମୋହନ ଦାଶ ଖଳିସାହି ସେବାସମବାୟ ସମିତି ରୁ ଋଣ ନେଇ ପରିଶୋଧ କରୁନାହାନ୍ତି | ସୁଧମୂଳ ସହ ଏକଲକ୍ଷ ଛୟାଳୀଶ ହଜାର ତିନିଶହ ଅନେଶ୍ୱତ ଟଙ୍କା ସେ ଦେଉନଥିବା ରୁ ଉକ୍ତ

ସମବାୟ ସମିତି ସମ୍ପାଦିକା ଜ୍ୟୋତିର୍ମୟୀ ସୁବୁଦ୍ଧି ପ୍ରକାଶ କରିଛନ୍ତି | ବାରମ୍ବାର ନୋଟିସ କରାଯିବା ସତ୍ୱେ ଫକୀର ଏହାକୁ ଏଡାଇ ଚାଲିଛନ୍ତି | ଏବିଷୟରେ ତାଙ୍କ ପ୍ରତିଦ୍ବନ୍ଦୀ ପ୍ରାର୍ଥୀ ରମେଶ ଚନ୍ଦ୍ର ବେହେରା ଖଳିସାହି ପଞ୍ଚାୟତ ନିର୍ବାଚନ ଅଧିକାରୀ, ଖଣ୍ଡପଡା ବ୍ଳକ ନିର୍ବାଚନ ଅଧିକାରିଣୀ, ନୟାଗଡ଼ ଜିଲ୍ଲାପାଳ, ରାଜ୍ୟ ନିର୍ବାଚନ କମିଶନ ଙ୍କ ପାଖରେ ଲିଖିତ ଅଭିଯୋଗ କରି ମଧ୍ୟ ଫଳାଫଳ ଶୂନ୍ୟ ବୋଲି ଗଣମାଧ୍ୟମ ପ୍ରତିନିଧି ଙ୍କ ପାଖରେ ନିଜର ପ୍ରତିକ୍ରିୟା ରଖିଛନ୍ତି | ଏହା ଦ୍ୱାରା ରାଜ୍ୟ ନିର୍ବାଚନ କମିଶନ ଙ୍କ ନିୟମାବଳୀ କୁ ଉଲଂଘନ କରାଯାଇଥିବା ଅଭିଯୋଗ ମଧ୍ୟ ଆଣିଛନ୍ତି | ତେବେ ଉଚ୍ଚପଦସ୍ଥ ଅଧିକାରୀ ଉକ୍ତ ଘଟଣା ର ସଠିକ ତଦନ୍ତ କରି ଯୁଦ୍ଧକାଳୀନ ଭିତ୍ତି ରେ ଦୃଢ଼ କାର୍ଯ୍ୟାନୁଷ୍ଠାନ ନେବା ପାଇଁ ସାଧାରଣରେ ଅଭିଯୋଗ ହୋଇଛି |