29-Oct-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ସରକାର କୋଟି କୋଟି ଟଙ୍କା ବିନିଯୋଗ କରି ଖରାଦିନେ ବାଟୋଇ ମାନଙ୍କ ପାଇଁ ଜଳଛତ୍ର ଖୋଳିବାକୁ ବ୍ଳକ ଜରିଆରେ ପଞ୍ଚାୟତ ମାନଙ୍କୁ ଆଦେଶ ଦେଇଛନ୍ତି। କିନ୍ତୁ ବ୍ଳକ ପ୍ରଶାସନ ଏବଂ ପଞ୍ଚାୟତ ଅଧିକାରୀ ମାନଙ୍କ ଦ୍ବାରା କିଛି ନା କିଛି ଆତ୍ମସାତ ହେଉଥିବା ଶୁଣିବାକୁ ମିଳେ। ସୂଚନାଯୋଗ୍ୟ ଯେ ବଲାଙ୍ଗିର ଜିଲ୍ଲା ପାଟଣାଗଡ଼ ବ୍ଳକ ଅନ୍ତର୍ଗତ ଭରତବାହାଲ ପଞ୍ଚାୟତ ରେ ଜଳଛତ୍ର ଦେଇଥିବା ଲୋକ ମାନଙ୍କୁ ଛଅ ମାସ ବିତିଯାଇଥିଲେ ସୁଦ୍ଧା ଆଜି ପର୍ଯ୍ୟନ୍ତ ତାଙ୍କର ପାରିଶ୍ରମିକ ପାଉଣା ମିଳିନଥିବା ଜଣାପଡିଛି। ଉକ୍ତ ପଞ୍ଚାୟତ ର ଦେବାର୍ଚନ ବାଗ ଭରତବାହାଲ, ବେଣୁଧର ନାଏକ, ରତ୍ନା ତ୍ରିପାଠୀ,ଲାଲଚି ବିଶି ଠେଲକୋଛାପର,ସାର୍ଦୁଲ ଭୋଇ ଚମ୍ପାସର, ଫକିର ଜାଲ ମୁନ୍ଦଲସର ଏମାନେ ଚଳିତ ବର୍ଷ ଗ୍ରୀଷ୍ମ କାଳରେ ପାଣିଛତ୍ର ଦେଇ ଲୋକଙ୍କୁ ପାଣି ଯୋଗାଇ ଥିଲେ। ଅପ୍ରେଲ ୧ ରୁ ଜୁନ ୧୫ ପର୍ଯ୍ୟନ୍ତ ଦେଇଥିବା ବେଳେ ଏମାନଙ୍କ ପାରିଶ୍ରମିକ ଟଙ୍କା ଆଜି ପର୍ଯ୍ୟନ୍ତ ପାଇନାହାନ୍ତି। ଅନେକ ଥର ପଞ୍ଚାୟତ ସରପଞ୍ଚ ମମତା ମହାଲିଙ୍ଗ ଓ କାର୍ଯ୍ୟ ନିର୍ବାହୀ ଅଧିକାରୀ ଗୋବିନ୍ଦ ଚନ୍ଦ୍ର ମିଶ୍ର ଜଣାଇଥିଲେ ମଧ୍ୟ ସେମାନେ କର୍ଣ୍ଣପାତ କରୁନାହାନ୍ତି।ଏ ବିଷୟରେ ବ୍ଳକ ପ୍ରଶାସନ ର ଅବଗତ କରାଇଥିଲେ ସୁଦ୍ଧା କୌଣସି ସୁଫଳ ମିଳିନାହିଁ। ସେଥିପାଇଁ ସେମାନେ ପାଟଣାଗଡ଼ ବିଧାୟକ ସରୋଜ କୁମାର ମେହେର ଙ୍କୁ ମଧ୍ୟ ଏକ ଲିଖିତ ଅଭିଯୋଗ ଦେଇଛନ୍ତି। ସାରା ରାଜ୍ୟରେ ପାଣିଛତ୍ର ବିଲ୍ ଦିଆହୋଇଥିବା ବେଳେ ଏହି ପଞ୍ଚାୟତ ଟି କେଉଁ ରାଜ୍ୟରେ ଯାଏ ଓ ଏଠାକାର ଆଇନ ପ୍ରଣୟନ ଅଲଗା କି ବୋଲି ଜନସାଧାରଣରେ ପ୍ରଶ୍ନବାଚୀ ସୃଷ୍ଟି କରୁଛି। ସବୁବେଳେ ଏହି ପଞ୍ଚାୟତ ରେ ଦୁର୍ନୀତି ର ସୀମା ଟପିଯାଉଛି ତାହା ମହାତ୍ମାଗାନ୍ଧୀ କର୍ମ ନିଯୁକ୍ତି ଯୋଜନା ହେଉ କିମ୍ବା ଯେକୌଣସି ଯୋଜନା ହେଉ।ଏହି ପଞ୍ଚାୟତ ପାଟଣାଗଡ଼ ବ୍ଳକ ର ଶେଷ ସୀମା ହୋଇଥିବା ଯୋଗୁଁ ଏଠାକୁ ବ୍ଳକ ପ୍ରଶାସନ ନଜର ପଡୁନି

ବୋଲି ପ୍ରତ୍ୟେକ କାର୍ଯ୍ୟ ରେ ଦୁର୍ନୀତି ହେଉଥିବା ଅଭିଯୋଗ ହେଉଛି। ଏ ବିଷୟରେ ପ୍ରତିକ୍ରିୟା ନେବା ପାଇଁ ଇଓ ମିଶ୍ର ବାବୁ ଙ୍କୁ ଯୋଗାଯୋଗ କରିଥିଲୁ କିନ୍ତୁ ସେ କଲ୍ ଗ୍ରହଣ କଲେନାହିଁ।ସେ ମହାତ୍ମା କାହା କଲ୍ ଗ୍ରହଣ କରନ୍ତି ନାହିଁ କିମ୍ବା ଉପରିସ୍ଥ ଅଧିକାରୀଙ୍କୁ ଭୟ କରନ୍ତି ନାହିଁ ବୋଲି ଶୁଣାଯାଏ।ଏ ବିଷୟରେ ଜିପିଇଓ କାଲସାଏ ବାବୁ ଙ୍କୁୁୁ ପଚାରି ବୁଝିବା ରୁ ସେ କହିଲେ ଯେ ମୁଁ କିଛି ଜାଣିନାହିଁ ବିଡ଼ିଓ ମହାଶୟ ଙ୍କୁ ପଚାର।ଏହା ପ୍ରତି ଜିଲ୍ଲା ପ୍ରଶାସନ ଧ୍ୟାନ ଦେବା ସଙ୍ଗେ ସଙ୍ଗେ ସରପଞ୍ଚ ଏବଂ ଇଓ ପ୍ରତି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅଞ୍ଚଳବାସୀ ଦାବି କରିଛନ୍ତି।