29-Oct-2021

ଢେଙ୍କାନାଳ (ତାପସ ଦାସ) :ଆଜି ଧରାପୃଷ୍ଠରୁ ବିଦାୟ ନେଉଛନ୍ତି ମା ଲକ୍ଷ୍ମୀ । ଢେଙ୍କାନାଳ ଲକ୍ଷ୍ମୀପୁଜାର ମଉଡମଣି ବୁଲାଉଥିବା ମିନା ବଜାର ଠାରେ ଆଜି ସକାଳୁ ଢେଙ୍କାନାଳ ଜିଲ୍ଲାପାଳ ସରୋଜ କୁମାର ସେଠୀ ନଡ଼ିଆ ଭାଙ୍ଗି ଭାଷାଣି କୁ ଆରମ୍ଭ କରିଥିଲେ । କୋରନା ନୀତିନିୟମ ଅନୁସାରେ କେବଳ ଘଣ୍ଟ, ଶଙ୍ଖ ରେ ମାଙ୍କୁ ବିଦାୟ ଦିଆଯାଉଛି । ବିଭିନ୍ନ ପୂଜା ବଜାର ର ସଦସ୍ୟ ମାନେ କୋରନା ନୀତିନିୟମ କୁ ମାନି ମାଙ୍କୁ ବିଦାୟ ଦେଉଛନ୍ତି । ଦୀର୍ଘ 10ଦିନ ଧରି ଚାଲିଥିବା ଲକ୍ଷ୍ମୀପୂଜା ର ଆଜି ଭଷାଣି ଉସ୍ଛବ ପାଳିତ ହୋଇଯାଇଛି । ଢେଙ୍କାନାଳର 38ଟି ମଣ୍ଡପରେ ପୂଜା ପାଇ ଆସୁଥିଲେ ମା ଲକ୍ଷ୍ମୀ । ଢେଙ୍କାନାଳର ପୌରପାଳିକା ତରଫରୁ ନିଷ୍ପତି ନିଆଯାଇଥିବା ପୁଷ୍କରିଣୀ ମାନଙ୍କରେ ମାଙ୍କୁ ବିସର୍ଜନ କରିବାର ବ୍ୟବସ୍ଥା କରାଯାଇଥିଲା ଯେଉଁଠି କି ମା ଲକ୍ଷ୍ମୀଙ୍କୁ ବିସର୍ଜନ କରାଯାଇଛି । ମିଳିତ ପୂଜା ବଜାର କମିଟିର ସଦସ୍ୟ, ପୋଲିସ ପ୍ରଶାସନ ଏବଂ ପୂଜା କମିଟିର ସଦସ୍ୟ ମାନଙ୍କର ସହଯୋଗରେ ଏହି ଭଷାଣୀ ଉସ୍ଛବ ସୁରୁଖୁରୁରେ ସମାପ୍ତ ହୋଇଛି ।