09-Aug-2021

ବୌଦ୍ଧ (ପ୍ରେରଣା ଖବର) : ବୌଦ୍ଧ ଜିଲ୍ଲା ସାମ୍ବାଦିକ ସଂଘର ପୂର୍ବତନ ସଦସ୍ୟ ବରିଷ୍ଠ ସାମ୍ବାଦିକ ତଥା ସାପ୍ତାହିକ ପ୍ରେରଣା ର ବୌଦ୍ଧ ଜିଲ୍ଲା ପ୍ରତିନିଧି ମନୋରଞ୍ଜନ ମିଶ୍ର ଆଉ ନାହାନ୍ତି । ଆଜି ସନ୍ଧ୍ୟାରେ ହୋଟେଲ ଭବାନୀ ପ୍ଲାଜା ସମ୍ମୁଖରେ ଛାତିରେ ଯନ୍ତ୍ରଣା ଅନୁଭବ କରିବା ପରେ  ତାଙ୍କୁ ତୁରନ୍ତ ବୌଦ୍ଧ ମେଡ଼ିକାଲ କୁ ନିଆଯାଇଥିଲା । ହୃଦଘାତ ରେ ତାଙ୍କର ମୃତ୍ୟୁ ହୋଇସାରିଥିବା ଡାକ୍ତର ସ୍ପଷ୍ଟ କରିଛନ୍ତି । ମୃତ୍ୟୁ ବେଳକୁ ତାଙ୍କୁ 74 ବର୍ଷ ହେଉଥିଲା lଶ୍ରୀ ମିଶ୍ର ଜଣେ ମିଷ୍ଟଭାଷୀ, ନିଷ୍ଠାବାନ ଓ ମେଳାପୀ ମଣିଷ ଭାବେ ସମଗ୍ର ବୌଦ୍ଧ ଜିଲ୍ଲା ରେ ଏକ ପରିଚିତ ନାମ ଥିଲେ l ଦୀର୍ଘ 30 ବର୍ଷ ଧରି ନିର୍ଭୀକତାର ସହିତ ଦୈନିକ ପ୍ରଜାତନ୍ତ୍ର  ପାଇଁ ସେ କାମ କରି ଆସିଥିଲେ ପ୍ରଜାତନ୍ତ୍ର ଖବରକାଗଜରୁ ନିଜର ସାମ୍ବାଦିକତା ବୃତ୍ତି ଆରମ୍ଭ କରି ମୃତ୍ୟୁ ପର୍ଯ୍ୟନ୍ତ ସେ  ସାପ୍ତାହିକ ପ୍ରେରଣା ପାଇଁ କାମ କରିଥିଲେ l ବୌଦ୍ଧ ଜିଲ୍ଲାରେ ପ୍ରେରଣାର ପ୍ରଚାର ପ୍ରସାର ଦିଗରେ ସ୍ୱର୍ଗତ ମିଶ୍ରଙ୍କ ଏକ ବଡ ଅବଦାନ ଥିଲା l ପ୍ରେରଣାର ସେ ଏକ ଶୁଭ ଚିନ୍ତକ ଥିଲେ  l ଶ୍ରୀ ମିଶ୍ରଙ୍କ ବିୟୋଗରେ ବୌଦ୍ଧ ସହରରେ ଶୋକର ଛାୟା ଖେଳିଯାଇଛି l ବୌଦ୍ଧ ଜିଲ୍ଲା ସାମ୍ବାଦିକ ସଂଘ ପକ୍ଷରୁ ଶ୍ରୀ ମିଶ୍ର ଙ୍କ ବିୟୋଗରେ ଗଭୀର ଶୋକ ପ୍ରକାଶ କରାଯାଇଛି l

ଏହି ମହାନ ଆତ୍ମାଙ୍କ ସତଗତି ପାଇଁ ଭଗବାନଙ୍କ ଠାରେ ପ୍ରାର୍ଥନା କରାଯିବା ସହ ପ୍ରେରଣା ପରିବାର ତରଫରୁ ସ୍ଵର୍ଗତ ମନୋରଞ୍ଜନ ମିଶ୍ର ଙ୍କୁ ଅଶ୍ରୁଳ ଶ୍ରଦ୍ଧାଞ୍ଜଳି ଜ୍ଞାପନ କରାଯାଉଛି l