09-Aug-2021

ବିନିକା (ହିମାଂଶୁ ଶେଖର ପୁଟେଲ) :ଆଜି ବିଶ୍ୱ ଆଦିବାସୀ ଦିବସ ଅବସରରେ ବିନିକା ଆଦିବାସୀ କଲ୍ୟାଣ ସଂଘ ତରଫରୁ ଚରଦା ପଞ୍ଚାୟତ ଅଧିନସ୍ଥ କୋଳପଡା ଠାରେ ବ୍ଲକ ସଭାପତି ବିରଞ୍ଚି ନାରାୟଣ କୁଁଅରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି l ଏଥିରେ ମୁଖ୍ୟ ଅତିଥି ଭାବେ ସୁବାସ ଭୋଇ,ସମ୍ମାନିତ ଅତିଥି ଭାବେ ବୈଦ୍ୟନାଥ ଭୁଏ, ସୋମନାଥ ଭୁଏ,ଦୈତାରି ଭୁଏ,ପାଣ୍ଡବ ଭୁଏ,ଯଜ୍ଞେଶ୍ଵର ନlଏକ,ବୁଧୁ ଧାରୁଆ ପ୍ରମୁଖ ଯୋଗଦେଇ ବିଶ୍ଵ ଆଦିବାସୀ ଦିବସର ମହତ୍ତ୍ୱ ଉପରେ ଆଲୋକପାତ କରିଥିଲେ l ଵୈଠକରେ ଆଦିବାସୀ ମାନଙ୍କ ସମସ୍ୟା ଯଥା-ବିନିକା ଅଞ୍ଚଳରେ ଜଙ୍ଗଲ ଜମିରେ ବସବାସ କରୁଥିବା ଆଦିବାସୀ ମାନଙ୍କୁ ସ୍ଥାୟୀ ପଟ୍ଟା,ଆଦିବାସୀ ପୁଅ,ଝିଅଙ୍କ ଖେଳକୁଦ ପାଇଁ ଖେଳପଡିଆ ନିର୍ମାଣ,ନକଲି ଆଦିବାସୀଙ୍କୁ ବହିସ୍କାର କରି ପ୍ରକୃତ ଅଧିବାସୀଙ୍କୁ ଚିହ୍ନଟ ପାଇଁ ସରକାରୀ ସୁବିଧା ଯୋଗାଇଦେବା,ରାଜ୍ୟରେ ଅତିଶିଘ୍ର ଜନଜାତି କମିଶନ ଗଠନ ଆଦି ଦାବି ଉପରେ ସରକାରଙ୍କ ଦୃଷ୍ଟି ଆକର୍ଷଣ କରାଯିବ ବୋଲି ନିଷ୍ପତି ନିଆଯାଇଥିଲା l ଅନୁଷ୍ଟିତ ଏହି ସଭାରେ ଆଖପାଖ ଗ୍ରାମର ବହୁ ଆଦିବାସୀ ଯୋଗଦେଇଥିଲେ l