08-Aug-2021

ଧର୍ମଗଡ,(ଜ୍ୟୋତିରଞ୍ଜନ ବେମାଲ )
 ପଶ୍ଚିମ ଓଡିଶାରେ ପର୍ବପର୍ବାଣି ର ସ୍ଵତନ୍ତ୍ର ବିଶିଷ୍ଟତା ରହିଛି।ବାର ମାସ ରେ ତେର ପର୍ବ ପାଳନ ହୁଏ।ସେଥିମଧ୍ୟରୁ ନୂଆପଡା, ନବରଙ୍ଗପୁର ପୁର ,କଳାହାଣ୍ଡି ,ବଲାଙ୍ଗୀର ଜିଲ୍ଲା ମାନଙ୍କରେ ଡୁମା ଉଆସ ପର୍ବର ଆଦରତା  ରହିଆସିଛି।ଯାକଜହକ ନ ହେଲେ ବି ବେଶ ଉସ୍ଛାହ ଭାବେ ପାଳନ ହୁଏ।ସାଧାରଣତଃ ଏହି ପର୍ବରେ ନିଜ ପିତୃ ଦେବତା ଙ୍କୁ ପୂଜା କରାଯାଏ।ନିଜ ପାଳିତ ଦେବା ଦେବୀ ଓ ବଂଶୀୟ ଗତ ଦେବତା ଙ୍କ ନିକଟରେ ନାନା ପ୍ରକାର ବଳି,ନଡ଼ିଆ ଧୂପ ଇତ୍ୟାଦି ରେ ପୂଜାକରା ଯାଇଥାଏ।ତେବେ ଏହି ପର୍ବ କୁ ମୂଳଦୁଆ ପର୍ବ ମଧ୍ୟ କୁହାଯାଏ।ବିଶ୍ୱାସ ଯେ,କୃଷିଉପଯୋଗୀ ତଥା ରକ୍ଷଣ ଦାୟିତ୍ୱ ପୂଜୟ ଦେବତା ନେଇ ଥାନ୍ତି।ରୋଗ ପୋକ ସହିତ ଲୋକଙ୍କ କଳାନଜର କୁ ଦେବତା ମାନେ ସୁରକ୍ଷା ଦେବା ଲୋକଙ୍କ ବିଶ୍ୱାସ ରହିଛି।ଅନ୍ୟପଟେ ଏହି ଦିନ ସୂର୍ଯ୍ୟ ଉଇବା ପୂର୍ବରୁ ଦୀପଜାଳି ଦେବତା ମାନଙ୍କୁ ଆହ୍ୱାନ କରାଯାଏ।ବିଶ୍ୱାସ ଯେ,ଏହି ଦୀପଶିଖା ରେ  କରଲା ଗଛ ର ଲାଠି କୁ ତତେଇ ଷେକ ଦେଲେ -ବାତ, ପିତ ଭଳି ରୋଗ ଦୁର ହୋଇଥାଏ।ସେଭଳି ଗ୍ରାମର  ଲହରା ସମ୍ପ୍ରଦାୟ ଲୋକ ଘର ଘର ବୁଲି ଲୋକ ଙ୍କ ଦ୍ୱାର ମୁହଁରେ ବେତଖୁଣ୍ଟି ମାରିଥାନ୍ତି।ବିଶ୍ୱାସ ଯେ ଏହି ବେତ ଖୁଣ୍ଟି ମାରିବା ଦ୍ୱାରା ଶନିଦେବଙ୍କ କୋପ ଦୃଷ୍ଟି ନ ପଡିବା ଓ କୌଣସି ବାହାରିଆ ଭୁତ ପ୍ରେତ ଘରକୁ ପ୍ରବେଶ କରି ପାରେ ନାହିଁ।ସେଭଳି ଗାଁ ନରିଆ ଶାଳେ ପତ୍ର ଘର ବାହାରେ ଖୁଂଛି ଥାଆନ୍ତି।ତାର ବିଶେଷତ୍ୱ ହେଉଛି ମହାମାରୀ ଭଳି ରୋଗ,ରୋଗପୋକ  ଘର ଭିତରକୁ ନ ପଶିବା ଓ ଲକ୍ଷ୍ମୀ ଦେବୀ ଙ୍କ ସଦା କୃପା ରହିବା ବିଶ୍ୱାସ ରହିଛି।ଏହି ଦିନ ବିଭିନ୍ନ ସମ୍ପ୍ରଦାୟ ଲୋକ ତଥା ଗରିବ ଲୋକ ମାନେ ଘର ଘର ବୁଲି ଭିକ ମାଗିଥାନ୍ତି।ଲୋକେ ଆଦର ସହ ଚାଉଳ,ଟଙ୍କା,ଧାନ ଆଦି ଖୁସିରେ ଦେଇଥାନ୍ତି।ତେବେ ଏହି ପର୍ବକୁ ଭିଭିନ୍ନ ଗ୍ରାମ ଲୋକ ବିଭିନ୍ନ ଦିନ ପାଳନ କରିଥାନ୍ତି।ଆଜି ଏହି ପର୍ବ କୁ କଳାହାଣ୍ଡି ଜିଲ୍ଲା ଭିଭିନ୍ନ ଅଞ୍ଚଳ ରେ ପାଳନ ହେଉଛି।