07-Aug-2021

ରେଢ଼ାଖୋଲ(ଅନିଲ କୁମାର ପୃଷ୍ଟି) ସମ୍ବଲପୁର ଜିଲ୍ଲା ରେଢାଖୋଲ  ସହର ଠାରେ ଶନିବାର ଅପରାହ୍ନ ୧ ଟାରେ ସମ୍ବଲପୁର କଟକ ୫୫ ନଂ ଜାତୀୟ ରାଜପଥର ରେଢ଼ାଖୋଲ ଡାକ୍ତରଖାନା ଛକର ଅମୃତ ଗଙ୍ଗା ନିକଟ ରାସ୍ତା କଡ଼ରେ ଜଣେ ବ୍ୟକ୍ତି ଅଚେତ ଅବସ୍ଥାରେ ପଡ଼ିଥିବା ଦେଖି ରେଢ଼ାଖୋଲର ଯୁବ ସାମ୍ବାଦିକ ଅନିଲ ପୃଷ୍ଟିଙ୍କ ହସ୍ତକ୍ଷେପରେ ଉଦ୍ଧାର କରି ସ୍ଥାନୀୟ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରି ଚିକିତ୍ସା କରେଇଛନ୍ତି । ସୂଚନାଯୋଗ୍ୟ ଯେ ରେଢ଼ାଖୋଲ ଡାକ୍ତରଖାନା ଛକ ନିକଟ ରାଜପଥ କଡ଼ରେ ଅଚେତ ଅବସ୍ଥାରେ ଜଣେ ଯୁବକ ବହୁ ସମୟ ଧରି ପଡିରହିଥିଲେ ଆଜି ଶନିବାର ବଜାର ଥିବାରୁ ରାସ୍ତାରେ ଯାତାୟାତ କରୁଥିବା ଲୋକମାନେ ମଧ୍ୟ ଅଚେତ ଯୁବକଙ୍କୁ ଦେଖି ନ ଦେଖିଲା ପରି ଏଡେଇ ଯାଉଥିଲେ। ଏ ବିଷୟରେ ସୂଚନା ପାଇ ରେଢ଼ାଖୋଲ ଅଞ୍ଚଳର ଯୁବ ସାମ୍ବାଦିକ ଅନିଲ କୁମାର ପୃଷ୍ଟି ଘଟଣା ସ୍ଥଳରେ ପହଞ୍ଚି ଦେଖିଲେ ଯେ ଅଚେତ ଅବସ୍ଥାରେ ପଡ଼ିଥିବା ବ୍ୟକ୍ତିଙ୍କ ମୁହଁରୁ ଫେଣ ବାହରୁଛି ।ଏହା ଦେଖି ସହି ନପାରି ଆମ୍ବୁଲାନ୍ସକୁ ଯୋଗାଯୋଗ କରିଥିଲେ ହେଲେ ଯୋଗାଯୋଗ ହୋଇ ପାରିନଥିଲା ।ସେତେବେଳକୁ ରୋଗାକ୍ରାନ୍ତ ଅଚେତ ବ୍ୟକ୍ତି ଅତ୍ୟଧିକ ଗୁରୁତର ହେବାରୁ ଯୁବ ସାମ୍ବାଦିକ ଜଣକ ନିଜେ ଧାଇଁ ଧାଇଁ ଉପଖଣ୍ଡ ଚିକିତ୍ସାଳୟକୁ ଯାଇ ଏକ ଷ୍ଟ୍ରେଚରକୁ ଟାଣି ଆଣିଥିଲେ ।  ଏପରିକି କିଛି ପୋଲିସ କର୍ମଚାରୀଙ୍କ ସହାୟତାରେ ଅଚେତ ହୋଇ ପଡ଼ିଥିବା ବ୍ୟକ୍ତିଙ୍କୁ ଷ୍ଟ୍ରେଚର ଉପରେ ଶୁଆଇ ବୋହି ନେଇ ଚିକିତ୍ସା କରାଇଥିଲେ । ଚିକିତ୍ସା କରିବା ପରେ ରୋଗୀଙ୍କ ଚେତା ଫେରିପାଇଥିଲା।  ଏବେ ଅଚେତ ରୋଗୀ ସେ ସୁସ୍ଥ ଅଛନ୍ତି । ହେଲେ ରୋଗୀ ଜଣଙ୍କ ରେଢାଖୋଲ ବ୍ଲକ ବଂଶାଜାଲ ପଞ୍ଚାୟତ ଅନ୍ତର୍ଗତ   ବାରବାଙ୍କ ଗ୍ରାମର ବଂଶୀଧର ସାମଲ ବୋଲି ଜଣା ପଡ଼ିଛି।ଏହି ଖବର ରେଢ଼ାଖୋଲ ଅଞ୍ଚଳରେ ଜାଣିବା ପରେ ସାଧାରଣ ଲୋକଙ୍କ ମଧ୍ୟରେ ଖୁସିର ଲହରୀ ଖେଳିବା ସହ ତାଙ୍କୁ ଭୃୟଂସୁ ପ୍ରଶଂସା କରିବା ସହିତ ଶୁଭେଚ୍ଛାର ବାର୍ତ୍ତା ଛୁଟୁଛି । ଏପରିକି ଯୁବ ସାମ୍ବାଦିକ ଅନିଲ ପୃଷ୍ଟି ମହାମାରୀ କରୋନାର ଲକ ଡାଉନ୍ ବେଲେ କରୋନା ଆକ୍ରାନ୍ତ ରୋଗୀଙ୍କ ପାଇଁ ଅକ୍ସିଜେନ ଯୋଗାଇବାରେ ପ୍ରମୁଖ ଭୂମିକା ଗ୍ରହଣ କରିଆସୁଛନ୍ତି , ସେପରିକି ଅନେକ ବ୍ୟକ୍ତିଙ୍କୁ ମୃତ୍ୟୁ ମୁଖରୁ ବଞ୍ଚାଇଛନ୍ତି । ଏପରିକି  ଅନେକ ରୋଗୀଙ୍କୁ ରକ୍ତଦାନ  କରିବା ଓ ରକ୍ତ ଦାନ କରାଇ ଦେବାରେ ପ୍ରମୁଖ ଭୂମିକା ଗ୍ରହଣ କରି ଆସୁଛନ୍ତି