22-Feb-2021

ମୁମ୍ବାଇ  : ଗତକାଲି ବିଗ୍ ବସ୍ ଶୋ ର ହୋଷ୍ଟ ସଲମାନ ଖାନ୍ ୧୪ତମ ସିଜିନର ବିଜେତାଙ୍କ ନାମ ଘୋଷଣା କରିଛନ୍ତି । ବିଗ୍ ବସ୍ ୧୪ର ବିଜେତା ରୁବିନା ଦିଲୈକ୍ ହୋଇଛନ୍ତି । ସଲମାନ ରୁବିନା ଦିଲୈକ୍ ଙ୍କ ନାମ ଘୋଷଣା କରିବା ମାତ୍ରେ ସୋସିଆଲ୍ ମିଡିଆରେ ଫ୍ୟାନ୍ସମାନେ ତାଙ୍କୁ ଶୁଭେଚ୍ଛା ଜଣାଇବା ସହ ଖୁବ୍ ପ୍ରଶଂସା କରୁଛନ୍ତି । ଅନ୍ୟ ରନରଅପ୍ ଙ୍କ ଫ୍ୟାନ୍ସମାନେ ଟିକେ ନିରାଶ ଦେଖାଯାଉଥିଲେ ବି , ସେମାନେ ରୁବିନାଙ୍କୁ ମଧ୍ୟ ଶୁଭେଚ୍ଛା ଜଣାଇଛନ୍ତି ।

ବିଗ୍ ବସ୍ ର ଏ ପର୍ଯ୍ୟନ୍ତ ୧୪ଟି ସିଜିନ୍ ଟେଲିକାଷ୍ଟ ହୋଇସାରିଛି । ଏହି ସବୁ ସିଜିନ୍ ରେ କିଛି ଏମିତି ନାମ ଅଛି, ଯାହାଙ୍କ ବିନା ବିଗ୍ ବସ୍ ଯାତ୍ରା ଅସମ୍ପୂର୍ଣ୍ଣ ବୋଲି କୁହାଯାଉଛି । ଏହି ପ୍ରତିଯୋଗୀମାନଙ୍କ ଲିଷ୍ଟରେ ସିଦ୍ଧାର୍ଥ ଶୁକ୍ଲା, ହିନା ଖାନ ଏବଂ ବିକାଶ ଗୁପ୍ତା ରହିଛନ୍ତି । ତେବେ ଚାଲନ୍ତୁ ଜାଣିବା, ରୁବିନାଙ୍କ ପ୍ରତି ଏହି ତିନି ଜଣ ସେଲିବ୍ରେଟିଙ୍କର କ’ଣ ରହିଥିଲା ପ୍ରତିକ୍ରିୟା ।

ସିଦ୍ଧାର୍ଥ ଶୁକ୍ଲା :
ବିଗ୍ ବସ୍ ର ୧୩ ସିଜନରେ ସିଦ୍ଧାର୍ଥ ଶୁକ୍ଲାଙ୍କୁ ଦେଖିବାକୁ ମିଳିଥିଲା । ଏହି ଶୋ ପାଇଁ ସିଦ୍ଧାର୍ଥ ଖୁବ୍ ଚର୍ଚ୍ଚାରେ ରହିଥିଲେ । ଶେଷରେ ସେ ମଧ୍ୟ ଏହି ଶୋ ଜିତିଥିଲେ । ଏଥି ସହିତ ସିଦ୍ଧାର୍ଥ ଶାହନାଜ ଗିଲଙ୍କ ସହ ତାଙ୍କ ରିଲେସନ୍ କୁ ନେଇ ବେଶ ଚର୍ଚ୍ଚାରେ ରହିଥିଲେ । ସିଦ୍ଧାର୍ଥ ରୁବିନାଙ୍କ ବିଜୟ ଉପରେ ଟୁଇଟ୍ କରି ଲେଖିଛନ୍ତି, ବିଜୟ ପାଇଁ ଅଭିନନ୍ଦନ ରୁବିନା, ଆପଣ ଶୋ’ରେ ବହୁତ ଭଲ ପ୍ରଦର୍ଶନ କରିଛନ୍ତି ।‘

ବିକାଶ ଗୁପ୍ତା :
ବିକାଶ ଗୁପ୍ତା ବିଗ୍ ବସ୍ ର ଏକରୁ ଅଧିକ ସିଜିନ୍ ରେ ନଜର ଆସିଥିଲେ । ବିକାଶ ଗୁପ୍ତା ଟ୍ୱିଟ୍ କରି ଲେଖିଛନ୍ତି, ‘ଆଉ ଏକ ସିଜିନ୍ କୁ ସଫଳତାର ସହ ସମାପ୍ତ କରିଥିବାରୁ ବିଗ୍ ବସ୍ ଟିମ୍ କୁ ଶୁଭକାମନା । ଶେଷରେ ୨୦ ସପ୍ତାହ ପରେ ଆମ ପାଖରେ ଏହି ସିଜିନ୍ ର ବିଜେତା ଅଛନ୍ତି ।‘ ଶୁଭେଚ୍ଛା ରୁବିନା ଦିଲାକ୍। ‘

ହିନା ଖାନ :
ହିନା ଖାନ ଫୁଲ୍ ଏନ୍ ଏନର୍ଜୀ ସହ ରୁବିନାଙ୍କୁ ବିଜୟ ପାଇଁ ଅଭିନନ୍ଦନ ଜଣାଇଛନ୍ତି । ହିନା ଖାନ ଟ୍ୱିଟ୍ କରି କହିଛନ୍ତି, ‘ରୁବି … ରୁବି .. ରୁବିନା …, ତୁମ ପାଇଁ ଗର୍ବ ଅନୁଭବ କରୁଛି ଟିମ୍ ହିନା । ଅନେକ ଭଲପାଇବା ଏବଂ ଶୁଭେଚ୍ଛା । ‘
ଗତକାଲି ବିଳମ୍ବିତ ରାତିରେ ଶୋ’ର ବିଜେତା ଙ୍କ ନାମ ପ୍ରକାଶ ପାଇଥିଲା । ରୁବିନା ଏହି ଗ୍ରାଣ୍ଡ ଫାଇନାଲରେ ରାଖୀ ସାୱନ୍ତ, ନିକ୍କି ତାମ୍ବୋଲି, ରାହୁଲ ବୈଦ୍ୟ ଏବଂ ଅଲି ଗୋନି ଙ୍କ ସହ ଟକ୍କର ଦେଇଥିଲେ । ଏହି ଷ୍ଟାରମାନଙ୍କ ବ୍ୟତୀତ ସୋସିଆଲ ମିଡିଆରେ ଆହୁରି ଅନେକ ସେଲିବ୍ରେଟି ଟ୍ୱିଟ୍ କରି ରୁବିନାଙ୍କୁ ଶୁଭେତ୍ସା ଜଣାଇଛନ୍ତି ।