10-Dec-2025

ବରଗଡ(ପ୍ରେରଣା ଖବର): ବରଗଡରୁ ଓଡ଼ିଶା ରାଜ୍ୟ ରାଜଧାନୀ ରେ ଭୁବନେଶ୍ବରକୁ ଏକ ସକାଳ ଟ୍ରେନ ଶୁଭାରମ୍ଭ କରିବା ପାଇଁ ଆଜି ଲୋକସଭାରେ ଧାରା ୩୭୭ ଅଧିନିୟ ଅନୁଯାୟୀ ବରଗଡ ସାଂସଦ ଶ୍ରୀ ପ୍ରଦୀପ ପୁରୋହିତ କେନ୍ଦ୍ର ରେଳମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଛନ୍ତି । ବରଗଡ ରୁ ନୁଆଁପଡା ଏକ ନୁତନ ରେଳ ୱେ ଲାଇନ ନିର୍ମାଣ ପାଇଁ କେନ୍ଦ୍ର ସରକାର ଏକ ସ୍ବତନ୍ତ୍ର ଯୋଜନା ଅନୁଯାୟୀ ୨ ହଜାର ୬ ଶହ ୨୨ କୋଟି ମଞ୍ଜୁର କରିଥିବାରୁ ଦେଶର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଓ ରେଳ ୱେ ବିଭାଗ ମନ୍ତ୍ରୀ ଶ୍ରୀ ଅଶ୍ବିନୀ ବୈଷ୍ଣବ ଧନ୍ୟବାଦ ଅର୍ପଣ କରିବା ସହ ଏହି ନୁତନ ରେଳ ୱେ ଲାଇନ କୁ ସମୟ ସୀମା ମଧ୍ଯରେ ପୂର୍ଣ୍ଣାଙ୍ଗ କରିବା ପାଇଁ ରେଳମନ୍ତ୍ରୀଙ୍କୁ ଅନୁରୋଧ କରିଛନ୍ତି । ଲୋକସଭାରେ ଶ୍ରୀ ପୁରୋହିତ ଉଲ୍ଲେଖ କରିଛନ୍ତି ଯେ ବରଗଡ ରୁ ଭୁବନେଶ୍ବର ସକାଳ ଟ୍ରେନ ଶୁଭାରମ୍ଭ ହେଲେ ବିଷେଶ ଭାବେ ଶ୍ରମିକ,ଶିକ୍ଷାର୍ଥୀ, ସରକାରୀ କର୍ମଚାରୀ ମାନେ ଲାଭବାନ୍ ହେବା ସହ ବ୍ଯବସାୟୀ ବାଣିଜ୍ଯ ରେ ମଧ୍ଯ ବୃଦ୍ଧି ହେବ  ।