10-Dec-2025

(ମନୋରଞ୍ଜନ ତ୍ରିପାଠୀ)
ଆସନ୍ତା ୧୬ ତାରିଖ ରୁ ସୁବର୍ଣ୍ଣପୁର  ରାମେଶ୍ବର ଷ୍ଟାଡିୟମ୍ ଠାରେ ଆରମ୍ଭ ହେବା କୁ ଥିବା ଗୃହରକ୍ଷୀ ଶାରୀରିକ ପରୀକ୍ଷା ପାଇଁ ଜିଲ୍ଲା ପୋଲିସ ପକ୍ଷରୁ ସମସ୍ତ ପ୍ରସ୍ତୁତି ସରିଛି l ଏଥିପାଇଁ ସର୍ବ ମୋଟ  ୪୭୯୮ଜଣ  ଆବେଦନ କାରୀ ଙ୍କ  ମଧ୍ଯ ରୁ ୩୨୪୮ଜଣ ପରୀକ୍ଷାର୍ଥୀ ପରୀକ୍ଷା ରେ ଯୋଗ ଦେଇ ପରୀକ୍ଷା ଦେଇ ଥିଲେ l ତନ୍ମଧ୍ୟରୁ ୧୬୫୪ଜଣ ପ୍ରାର୍ଥୀ ଲିଖିତ ପରୀକ୍ଷାରେ କୃତକାର୍ଯ୍ଯ ହୋଇ ୧୬ ତାରିଖ ରେ ଆରଂଭ ହେବାକୁ ଥିବା ଶାରିରୀକ ପରୀକ୍ଷା ପାଇଁ ବିବେଚିତ ହୋଇଥିବା ବିଷୟ ଆଜି ଜିଲ୍ଲା ପୋଲିସ ଅଫିସ ସଭା ଗୃହ ଠାରେ ଏକ ସାମ୍ବାଦିକ ସମ୍ମିଳନୀରେ ସୁବର୍ଣ୍ଣପୁର ଏସପି ଶ୍ରୀ ନାରାୟଣ ନାଏକ  ସୂଚନା ଦେଇଛନ୍ତି l ସମସ୍ତ ପରୀକ୍ଷାର୍ଥୀ ଙ୍କୁ ୧୬ ତାରିଖ ରୁ ୨୦ ତାରିଖ ଯାଏ  ମେଡିକାଲ୍ ଓ ଫିଜିକାଲ୍ ଟେଷ୍ଟ କରା ଯିବାକୁ ସ୍ଥିର ହୋଈ ଥିବା ବେଳେ ମହିଳା ପରିକ୍ଷାର୍ଥୀ ଙ୍କ ପାଇଁ ସମସ୍ତ ଥାନା ଅଞ୍ଚଳ ରେ ୧୯ ତାରିଖ ରେ  ସ୍ଵତନ୍ତ୍ର ଭାବେ ପରୀକ୍ଷା ପାଇଁ ବ୍ୟବସ୍ଥା କରା ଯିବ ବୋଲି ଶ୍ରୀ ନାଏକ ସୂଚନା ଦେଇ ଥିଲେ l ଏବଂ ଏ ଶାରିରୀକ ପରୀକ୍ଷା ପରେ ଜିଲ୍ଲା ରେ ମୋଟ ୯୨ ଗୋଟି ଗୃହ ରକ୍ଷୀ ପଦବୀ ପୂରଣ ପାଇଁ ଖୁବ ଶୀଘ୍ର ନିଯୁକ୍ତି ବ୍ୟବସ୍ଥା କରାଯିବ ବୋଲି କହିଥିଲେ l ମେରିଟ ପରିକ୍ଷାର୍ଥୀ ମାନେ କୌଣସି ପ୍ରକାର ପ୍ରଲୋଭନ ର ଶିକାର ନ ହୋଇ ଶେଷ ପର୍ଯ୍ୟାୟ ର ଶାରୀରିକ ପରୀକ୍ଷା ରେ କୃତ କାର୍ଯ୍ଯ ହେବାକୁ ପ୍ରୟାସ କରିବାକୁ  ଓ ପୁରା ସ୍ବଚ୍ଛତା ର ସହିତ ଏ ପରୀକ୍ଷା ର ଫଳାଫଳ ପ୍ରକାଶ କରିବା କୁ ବିଭାଗ କୁ ନିର୍ଦ୍ଦେଶ ଦେଇଥିବା ବିଷୟ  ଆଜି ମିଡ଼ିଆ ମାଧ୍ୟମ ରେ ଏହାର ପ୍ରଚାର ପ୍ରସାର ପାଈଁ ଏସପି ଶ୍ରୀ ନାଏକ ଅନୁରୋଧ କରିଛନ୍ତି l ଆସନ୍ତା ୧୬ ତାରିଖ ସକାଳ ୬ ଟା ରେ ଦୁଙ୍ଗୁରୀପାଲି, ଉଲୁଣ୍ଡା, ସୁବଳୟା ଓ ରାମପୁର ଥାନା ଅଞ୍ଚଳ ର ପରିକ୍ଷାର୍ଥୀ ସୋନପୁର ରାମେଶ୍ବର ଷ୍ଟାଡିୟମ୍ ଠାରେ ପରୀକ୍ଷା ରେ ଯୋଗ ଦେବାକୁ ଥିବା ବେଳେ ୧୭ ତାରିଖ ରେ ସୋନପୁର, ତରଭା ଓ ବିନିକା ଥାନା ଅଞ୍ଚଳ ର ପରିକ୍ଷାର୍ଥୀ ପରୀକ୍ଷା ଦେବେ l ୧୮ ତାରିଖ ସକାଳ ୬ ଟା ରେ ବୀର ମହାରାଜ ପୁର ଓ ଲଛି ପୁର ଥାନା ଅଞ୍ଚଳ ର ପରିକ୍ଷାର୍ଥୀ ପରୀକ୍ଷା ଦେବାକୁ ଥିବା ବେଳେ ଆସନ୍ତା ୧୯ ତାରିଖ ରେ ଜିଲ୍ଲା ର ସମସ୍ତ ଥାନା ର ମହିଳା ପ୍ରାର୍ଥୀନୀ ପରୀକ୍ଷା ରେ ଭାଗ ନେବାର ସୂଚନା ମିଳିଛି l ଶେଷରେ ୨୦ ତାରିଖ ଦିନ ସକାଳ ୬ ଟାରେ ଜିଲ୍ଲା ର ସମସ୍ତ ଥାନା ର ଦକ୍ଷତା ବିଭାଗ ପରୀକ୍ଷା (ଟ୍ରେଡ ଟେଷ୍ଟ) ଅନୁଷ୍ଟିତ ହେବ ଓ ସବୁ ଦିନ ର ସବୁ ପରୀକ୍ଷା ସି ସି ଟି ଭି ସର୍ଭେଲାନ୍ସ ରେ ହେବ ବୋଲି ଏସପି ଶ୍ରୀ ନାରାୟଣ ନାଏକ ମିଡ଼ିଆ ଙ୍କୁ ଆଜି ସୂଚନା ଦେଇ ଛନ୍ତି l