09-Dec-2025

ବୋଡ଼େନ (ରାମନାଥ ପଣ୍ଡା)
 ନୂଆପଡ଼ା ଜିଲ୍ଲା ବୋଡ଼େନ ବ୍ଲକର ଧରଣୀ ମାଲ ଉଚ୍ଚ ବିଦ୍ୟାଳୟ ଠାରେ ବ୍ଲକ ସ୍ତରୀୟ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି । ଗୋଷ୍ଠୀ ଶିକ୍ଷା ଅଧିକାରୀ ରୁଦ୍ରେଶ୍ୱର ମେହେରଙ୍କ ଦ୍ବାରା ଶୁଭ ଉଦଘାଟନ ହୋଇଥିବା ବେଳେ ବି ଇ  ଓ ଙ୍କ ସଭାପତିତ୍ବରେ ଉଦଘାଟନୀ ସଭାରେ କରଙ୍ଗାମାଲ ସରପଂଚ ରାମ ଲାଲ ପଣ୍ଡା ମୁଖ୍ୟ ଅତିଥି,ଖରୀଆର ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ବୋଲ ଧର ନାଗ ମୁଖ୍ୟ ବକ୍ତା,ସମ୍ମାନିତ ଅତିଥି ରୂପେ ଖର୍ସେଲ ସରପଂଚ ବିରେନ୍ଦ୍ର ଖମାରୀ,ପ୍ରଧାନ ଶିକ୍ଷକ ଲିଙ୍ଗରାଜ କଟା,ବ୍ଲକ ବିଜ୍ଞାନ ଫୋରମ୍ ସମ୍ପାଦକ ବିଜୟ କୃଷ୍ଣ ପ୍ରଧାନ,ସି ଆର୍ ସି ସି ମଧୁସୂଦନ ମାଝୀ ମଞ୍ଚାସୀନ ଥିଲେ ।ଆଜିର ବାଲ ବୈଜ୍ଞାନିକ ପ୍ରଦର୍ଶନୀରେ ସମୁଦାୟ ୭ ପ୍ରକାର ପ୍ରକଳ୍ପ ପାଇଁ ମୋଟ ୯୩ ଜଣ ବାଲ ବୈଜ୍ଞାନିକ ନିଜ ନିଜ ପ୍ରକଳ୍ପ ପ୍ରଦର୍ଶନ କରିଥିଲେ ।ପ୍ରତ୍ୟେକ ପ୍ରକାର ପ୍ରକଳ୍ପ ମଧ୍ୟରୁ ପ୍ରଥମ ସ୍ଥାନ ପ୍ରାପ୍ତ ପ୍ରକଳ୍ପ ଗୁଡ଼ିକୁ ଜିଲ୍ଲା ସ୍ତରକୁ ଉନ୍ନୀତ କରାଯାଇଛି ।ଉଦଯାପନୀ ସଭାରେ ମୁଖ୍ୟ ଅତିଥି ରୂପେ ପୂର୍ବତନ ବି ଇ ଓ ଜଗଦୀଶ ଖମାରୀ,ମୁଖ୍ୟ ବକ୍ତା ରୂପେ ଡି ଏସ ଏସ ଗିରିଧାରୀ ସା,ସମ୍ମାନିତ ଅତିଥି ଭାବରେ ବି ଇ ଓ ରିଦ୍ରେଶ୍ୱର୍ ମେହେର,ଓଷ୍ଟା ଜିଲ୍ଲା ସମ୍ପାଦକ ରବୀନ୍ଦ୍ର ନାଥ ଯୋଶୀ,ପ୍ରଧାନ ଶିକ୍ଷକ ଲିଙ୍ଗରାଜ କଟା,ପୂର୍ବତନ ମହୁଲ ପଡା ପ୍ରଧାନ ଶିକ୍ଷକ ମହେଶ ତିୱାରୀ , ବିଜ୍ଞାନ ଶିକ୍ଷକ ରାଧେଶ୍ୟାମ ସାହା ପ୍ରମୁଖ ମଞ୍ଚାଷିନ ଥିଲେ ।ଜିଲ୍ଲାକୁ ଉନ୍ନୀତ ସମସ୍ତ ପ୍ରକଳ୍ପ ମାନଙ୍କୁ ମଧ୍ୟରୁ ୭ ଜଣ ପ୍ରତିଯୋଗୀଙ୍କୁ ଓ ଏନର୍ଜି କ୍ଲବରୁ ୧୦ ଜଣ ପ୍ରତିଯୋଗୀଙ୍କୁ ସମ୍ମାନିତ କରାଯାଇଥିଲା । ରାଜ ଏ ଟି ହାଇ ସ୍କୁଲ ଶିକ୍ଷକ ଗୌରାଙ୍ଗ ଚରଣ ସାହୁ ସୁନ୍ଦର ଶବ୍ଦ ସଂଯୋଜନାରେ ମଞ୍ଚ ପରିଚାଳନା କରିଥିଲେ ।