08-Dec-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ ପାଇକବାହାଲ ସ୍ଥିତ ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର ଠାରେ ଶ୍ରୀ ଅରବିନ୍ଦ ନବଚେତନା ପାଠଚକ୍ର, ନାରାୟଣପୁର ର ୧୬ଶ ତମ ବାର୍ଷିକ ଉତ୍ସବ ପାଳିତ ହୋଇଯାଇଛି । ଏହି ଅବସରରେ ମୁଖ୍ୟ ଅତିଥି ଭାବରେ ଜିଲ୍ଲାପାଳ ଡ. ନୃପରାଜ ସାହୁ ଯୋଗ ଦେଇ ପ୍ରଥମେ ଶ୍ରୀ ମା ଓ ଶ୍ରୀ ଅରବିନ୍ଦ ଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ ସହ ଧୂପ ଦ୍ଵୀପ ପ୍ରଜ୍ବଳନ କରିଥିଲେ । ଡ଼. ସାହୁ ତାଙ୍କ ବକ୍ତବ୍ୟରେ ଧ୍ୟାନ,ଯୋଗ, ସାଧନ ମାଧ୍ୟମରେ ଓ ଶ୍ରୀ ଅରବିନ୍ଦଙ୍କ ଦର୍ଶନ କୁ ପାଥେୟ କରି ଚାଲିଲେ ପରିବର୍ତ୍ତନ ନିଶ୍ଚିତ ବୋଲି କହି "ଏଇ ଜୀବନ କୁ, ଏଇ ଦେହ କୁ, ଏଇ ପୃଥିବୀ କୁ ପାଥେୟ କରି ଆମେ ସ୍ବର୍ଗ ରାଜ୍ଯ ପ୍ରତିଷ୍ଠା କରି ପାରିବା" ବୋଲି କହିଥିଲେ l ଓ ବିପର୍ଯ୍ୟସ୍ତ ଅବସ୍ଥା ରେ ଥିବା କାଲିଫର୍ଣ୍ଣିଆ ଦେଶ ଦିନେ ଧ୍ୟାନ ଓ ଯୋଗ ସାଧନ ମାଧ୍ୟମ ରେ ପୂର୍ବବସ୍ଥା ଫେରି ପାଇଥିଲା ବୋଲି ଜିଲ୍ଲାପାଳ  କହିଥିଲେ l ସମ୍ମାନିତ ଅତିଥି ଭାବରେ ପ୍ରଫେସର ଅରୁଣ ତ୍ରିପାଠୀ, ବ୍ରଜ ମୋହନ ବେହେରା, ମନୋଜ ଭାଇ, ଧର୍ମଗଡ ରୁ ଆସିଥିବା ମାଳବିକା ଅପା, ମଦନ ମୋହନ ଦାନୀ ଯୋଗ ଦେଇଥିଲେ । ଏହି ଅବସରରେ ଶ୍ରୀ ଅରବିନ୍ଦ ପାଠଚକ୍ର ଓ ସାଧନା ବିଷୟରେ ଆଲୋଚନା ହୋଇଥିଲା । ସ୍କୁଲ ର ପ୍ରିନ୍ସିପାଲ୍ ଇତିମୟୀ ସାହୁ ପ୍ରତ୍ୟକ୍ଷ ତତ୍ତ୍ଵାବଧାନରେ ସମସ୍ତ କାର୍ଯ୍ୟ ଅନୁଷ୍ଠିତ ହୋଇଥଲା ବେଳେ ସୋନପୁରର କାର୍ଯ୍ୟକର୍ତ୍ତା ଇନ୍ଦ୍ରମଣି ଦାଶ, ହରି ନାରାୟଣ ତ୍ରିପାଠୀ, ଲକ୍ଷ୍ମୀ ନାରାୟଣ ମହାନ୍ତି, ଲକ୍ଷ୍ମଣ ଦାଶ ପ୍ରମୁଖ ଯୋଗ ଦେଇଥିଲେ । ସ୍କୁଲର କୁନି କୁନି ଛୁଆ ମାନେ, ଶିକ୍ଷକ, ସ୍ଥାନୀୟ ଜନସାଧାରଣ ତଥା ପରିଚାଳନା କମିଟିର ସମସ୍ତ ସଦସ୍ୟ ଉପସ୍ଥିତ ଥିଲେ ।