08-Dec-2025

 ପାଟଣାଗଡ଼(ପ୍ରେରଣା ଖବର): ବଂକିବାହାଲ ଆକାଶ ଜେନିଙ୍ଗ କପା ମିଲ ନାଁରେ ଆସିଛି ଗୁରୁତର ଅଭିଯୋଗ, ମଣ୍ଡି ପୂର୍ବରୁ ବଂକିବାହାଲ ଆକାଶ ଜେନିଙ୍ଗ କପା ମିଲରେ ହଜାର ହଜାର କୁଇଣ୍ଟାଲ କପା ଭର୍ତ୍ତି, ଚାଷୀଙ୍କ ନାଁରେ ଫଲ୍ସ ଏଣ୍ଟ୍ରି କରି କୋଟିକୋଟି ଟଙ୍କା ହଡ଼ପ କରିବା ନେଇ ଯୋଜନାର ସାଙ୍ଘାତିକ ଅଭିଯୋଗ ହୋଇଛି l ପାଟଣାଗଡ ଉପଜିଲ୍ଲାପାଳ ସୁନୀଲ କୁମାର ମେହେର ତଦନ୍ତ ନେଇ ଦୃଢ଼ କାର୍ଯ୍ୟନୁଷ୍ଠାନର ପ୍ରତିଶୃତି ଦେଇଛନ୍ତି l ବଲାଙ୍ଗୀର ଜିଲ୍ଲା ପାଟଣାଗଡ ଉପଖଣ୍ଡ ଯୋଗିମୁଣ୍ଡା RMC ରେ ବୁଧବାର ଦିନ ବଲାଙ୍ଗୀର ସାଂସଦ ଓ ପ୍ରଶାସନ ପକ୍ଷରୁ କପା ମଣ୍ଡିର ଉଦ୍ଘାଟନ ହୋଇଛି l ହେଲେ ଶୁଭାରମ୍ଭ ପୂର୍ବରୁ ବଂକିବାହାଲ ଆକାଶ ଜେନିଙ୍ଗ କପା ମିଲରେ ହଜାର ହଜାର କୁଇଣ୍ଟାଲ କପା ଗଛିତ ଥିବା ଜଣାପଡିଛି l ମଣ୍ଡି ପୂର୍ବରୁ ଏତେ କପା ଆସିଲା କେଉଁଠୁ ଏ ନେଇ ଉଠିଛି ସାଙ୍ଘାତିକ ପ୍ରଶ୍ନ, ଚାଷୀଙ୍କୁ ଶୋଷଣ କରି ଏହି ମିଲ କର୍ମଚାରୀ ଚାଷୀଙ୍କ ଠାରୁ କୁଇଣ୍ଟାଲ ପିଛା ୬୦୦୦ ରୁ ୬୫୦୦ ଟଙ୍କା ରେ କପା କିଣି  CCI ଠାରେ ଏଣ୍ଟ୍ରି କରାଇ କୋଟି କୋଟି ଟଙ୍କା ହଡ଼ପ କରିବା ଯୋଜନା କରୁଥିବା ନେଇ ସାଙ୍ଘାତିକ ଅଭିଯୋଗ ହେଉଛି l ମିଳିଥିବା ସୂଚନା ଅନୁଯାଇ ଏହି ମିଲ ମାଲିକ ସ୍ଥାନୀୟ ରାଜନେତାର ଚାତ୍ରଛାୟା ରେ ରହି ବିନ୍ଦାସ ଚାଷୀଙ୍କୁ ଶୋଷଣ କରୁଥିବା ଗୁରୁତର ଅଭିଯୋଗ

ହେଉଛି l ଚାଷୀଙ୍କ ଠାରୁ ବେଆଇନ ଭାବେ କମ ମୂଲ୍ୟରେ କପା କିଣି ରାଜ୍ୟସ୍ଥାନ, ଗୁଜରାଟ ଓ ହରିଆନା କୁ ପଠାଉଥିବା ଜଣାପଡିଛି l ତେଣୁ ପ୍ରଶାସନ ଏହାକୁ ଗୁରୁତର ସହ ନେଇ କିଭଳି ଚାଷୀ ହନ୍ତସନ୍ତ ନହୋଇ ଉଚିତ ମୂଲ୍ୟରେ କପା ବିକ୍ରି କରିପାରିବେ ସେନେଇ ଦୃଷ୍ଟି ଦେଇ ଏଭଳି ଅସାଧୁ ମିଲର୍ସ ଙ୍କ ଉପରେ କଡ଼ା କାର୍ଯ୍ୟାନୁଷ୍ଠାନ ପାଇଁ ଚାଷୀ ମାନେ ଦୃଢ଼ ଦାବୀ କରିଛନ୍ତି l ତେଣୁ ପାଟଣାଗଡ ଉପଜିଲ୍ଲାପାଳ ଏନେଇ ଏହି ମିଲ ଉପରେ ତଦନ୍ତ କରି ଉଚିତ କାର୍ଯାନୁଷ୍ଠାନ ପାଇଁ ଦାବୀ କରିଛନ୍ତି ଅଞ୍ଚଳବାସୀ ଓ ଚାଷୀନେତା l