07-Dec-2025

ବଲାଙ୍ଗୀର(ପ୍ରେରଣା ଖବର):ଆସନ୍ତା ଡିସେମ୍ବର ୨୯ ତାରିଖରୁ ୨୦୨୬ ଜାନୁୟାରୀ ୦୩ ତାରିଖ ପର୍ଯ୍ୟନ୍ତ ପ୍ରତିବର୍ଷ ଭଳି ବଲାଙ୍ଗୀର ଜିଲ୍ଲା ପୁଇଁତଳା ବ୍ଳକ ଭାଲେର ଗ୍ରାମରେ ଅନୁଷ୍ଠିତ ହେବାକୁ ଥିବା ୧୦୬ତମ ଧନୁଯାତ୍ରା ମହୋତ୍ସବ ପାଇଁ କଂସ ବରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଚଳିତବର୍ଷ ମଧ୍ୟ ଲୋକଙ୍କ ସହଯୋଗ ଓ ସମର୍ଥନରେ ଭାଲେର ଧନୁଯାତ୍ରା ସମ୍ପୂର୍ଣ୍ଣ ଉତ୍ସାହ,ଉଦ୍ଦୀପନା ସହିତ ଅନୁଷ୍ଠିତ ହେବାକୁ ଯାଉଛି l ଧନୁଯାତ୍ରାର ମୁଖ୍ୟ ଆକର୍ଷଣ କଂସ  ଭୂମିକାରେ ମଂଚ ଦୁଲୁକାଇବେ ବରଗଡ଼ ଜିଲ୍ଲାର ଅଭିଜ୍ଞ କଳାକାର ଜଗଦାନନ୍ଦ l କଂସ ଭୂମିକାରେ ଅବତୀର୍ଣ୍ଣ ହେଉଛନ୍ତି ସୁଦୂର ବରଗଡ ଜିଲ୍ଲା ଅନ୍ତର୍ଗତ ଦେଓଗାଁ ଗ୍ରାମର ଜଗଦାନନ୍ଦ ମିଶ୍ର l ଭାଲେର ଗ୍ରାମରେ ଏକ ବର୍ଣ୍ଣାଢ୍ୟ ପରିବେଶ ମଧ୍ୟରେ ଅନୁଷ୍ଠିତ ଆଜିର କଂସ ବରଣ କାର୍ଯ୍ୟକ୍ରମରେ ଭାଲେର 

ଧନୁଯାତ୍ରା ମହୋତ୍ସବର ସଭାପତି ରାଜକିଶୋର ନାଏକ, ସାଧାରଣ ସମ୍ପାଦକ ସୁମନ୍ତ ନାଏକ, ଉପସଭାପତି ଭାଗିରଥି ସେଠ, ସହସମ୍ପାଦକ ମନ ରାଉତ, କୋଷାଧ୍ୟକ୍ଷ ସୁବଳ ନାଏକ, ପୂର୍ବତନ ସଭାପତି  ଦୀନବନ୍ଧୁ ନାଏକ ତଥା କମିଟି ସଦସ୍ୟ ଭାଗିରଥି ଦାସ,  ଗୋକୁଳାନନ୍ଦ ନାଏକ, ଦିଗସେନ ପଟେଲ, ପ୍ରେମାନନ୍ଦ ଥପା, ମେହେମୁଦ୍ଦିନ ଖାନ ଓ  ଧୋବା ଧରୁଆ ପ୍ରମୂଖ ଉପସ୍ଥିତ ରହି କାର୍ଯ୍ୟକ୍ରମ ଆୟୋଜନରେ ସହଯୋଗ କରିଥିଲେ l