07-Dec-2025

କଣ୍ଟାମାଳ(ଜୟ କୁମାର ମହାରଣା): ଜୀବନ ଜଞ୍ଜାଳରେ ଜିତି ଆଗକୁ ବଢିବାକୁ ହେଲେ ଏହି ଖେଳ ଆମକୁ ଧୈର୍ଯ୍ୟ ଓ ସାହସ ଶିଖାଇଥାଏ, ଯଦ୍ୱାରା ଆମେ ଜୀବନ ଚଲାପଥରେ ଧୈର୍ଯ୍ୟହରା ନହୋଇ ଆଗକୁ ବଢିବାର ପ୍ରେରଣା ପାଇଥାଉ ବୋଲି କଣ୍ଟାମାଳ କଲେଜ ଖେଳପଡିଆ ଠାରେ ଆୟୋଜିତ ବିଧାନସଭା ସ୍ତରୀୟ ସାଂସଦ ଖେଳ ମହୋତ୍ସବର ଉଦଯାପନୀ ଦିବସରେ ମୁଖ୍ୟଅତିଥି ଭାବେ ଯୋଗଦେଇ କନ୍ଧମାଳ ଲୋକସଭା ସାଂସଦ ସୁକାନ୍ତ କୁମାର ପାଣିଗ୍ରାହୀ ନିଜ

ବକ୍ତବ୍ୟରେ କହିଥିଲେ l  ସେ ଆହୁରିମଧ୍ୟ କହିଥିଲେ ଯେ ଆଦିବାସୀ ଅଧ୍ୟୁଷିତ ଏହି ଅଂଚଳର କୃଷି ଓ ମତ୍ସ୍ୟ ଚାଷର ବିକାଶ ପାଇଁ ଖଡ଼ଙ୍ଗ ବ୍ୟାରେଜ ସମ୍ପର୍କରେ ଭାରତର ଯଶସ୍ବୀ ପ୍ରଧାନମନ୍ତ୍ରୀ ଶ୍ରୀଯୁକ୍ତ ନରେନ୍ଦ୍ର ମୋଦିଙ୍କ ଦୃଷ୍ଟି ଆକର୍ଷଣ କରିବା ସହ ସଂସଦରେ ପ୍ରସ୍ତାବ ରଖିଛନ୍ତି  l  ସେହିପରି ଉଦଯାପନୀ କ୍ରୀଡା ସଭାରେ ସମ୍ମାନିତ ଅତିଥି ଭାବରେ ବୌଦ୍ଧ ଜିଲ୍ଲାପାଳ ବିଭୁତି ଭୂଷଣ ନାୟକ, ଏପିଡି ବୌଦ୍ଧ ଚାର୍ଲସ ନାଏକ, ବିଡ଼ିଓ କଣ୍ଟାମାଳ ସାମୀ ଜୟଶ୍ରୀ ରେଡି, ସାମ୍ବାଦିକ ଦିବ୍ୟଶଙ୍କର ରାଉତ, କନ୍ଧମାଳ ସାଂସଦଙ୍କ କଣ୍ଟାମାଳ ବ୍ଲକ ପ୍ରତିନିଧି ଦୀପକ ବାରିକ,ଟିଏସି ମେମ୍ବର ନବୀନ ମହାପାତ୍ର ଯୋଗ ଦେଇଥିଲେ | ବିଭିନ୍ନ କ୍ରୀଡା ପ୍ରତିଯୋଗୀତାରେ ଅଂଶ ଗ୍ରହଣ କରି କୃତକାର୍ଯ୍ୟ ହୋଇଥିବା ଖେଳାଳୀ ଓ ଦଳ ମାନଙ୍କୁ ମୁଖ୍ୟଅତିଥି ଓ ଅତିଥିମାନେ ପୁରସ୍କୃତ କରିଥିଲେ l କଣ୍ଟାମାଳ ବ୍ଲକ ସାଂସଦ ପ୍ରତିନିଧି ଦୀପକ ବାରିକ ଅତିଥି ପରିଚୟ ଓ ସ୍ୱାଗତ ଭାଷଣ  ଓ ବିଡ଼ିଓ ସାମୀ ଜୟଶ୍ରୀ ରେଡି ଧନ୍ୟବାଦ ଅର୍ପଣ କରିଥିଲେ l ଏହି ଅବସରରେ ଅଂଚଳର କ୍ରୀଡା ପ୍ରତିଭାଧାରୀ ମାନଙ୍କ ବିକାଶ ନିମନ୍ତେ ଏହି ଖେଳ ପଡ଼ିଅର ଉନ୍ନତ୍ତିକରଣ ପାଇଁ ଦୁଇ କୋଟି ଟଙ୍କା ଓ ପଲସାଗୋରା ଠାରେ ପ୍ରସ୍ତାବିତ ଖେଳ ଷ୍ଟାଡିଅମ ପାଇଁ ୫କୋଟି ଟଙ୍କା ଯୋଗାଇଦେବା ପାଇଁ ମଞ୍ଚରେ ଘୋଷଣା କରିଥିଲେ  l   ଉତ୍ସବରେ ଆଦିବାସୀ ନୃତ୍ୟ ପରିବେଷଣ କରୁଥିବା କୁନିକୁନି କଳାକାର ଙ୍କ ସହ ସାଂସଦଙ୍କ ନୃତ୍ୟ ସମଗ୍ର ପରିବେଶକୁ ବେସ ଉତ୍ସବ ମୁଖର ଓ ଆକର୍ଷଣୀୟ କରିଥିଲା  l  କାର୍ଯ୍ୟକ୍ରମକୁ ଖେଳଶିକ୍ଷକ ଆଦିନାଥ ଦାଶ ପରଚାଳନା କରିଥିବା ବେଳେ ବିଭିନ୍ନ

ବିଦ୍ୟାଳର ଖେଳ ଶିକ୍ଷକମାନେ ସହଯୋଗ କରିଥିଲେ l ସାଂସଦ ପ୍ରତିନିଧି ଦୀପକ ବାରିକ ଓ ବ୍ଲକ ପ୍ରଶାସନ ର ମିଳିତ ସହଯୋଗରେ ଆୟୋଜିତ ଏହି ଖେଳ ମହୋତ୍ସବରେ ଗ୍ରାମ ପଂଚାୟତ ଉନ୍ନୟନ ଅଧିକାରୀ ଜ୍ଞାନ ରଞ୍ଜନ ପ୍ରଧାନ, ପିଇଓ ଜୟଦେବ ପ୍ରଧାନ, ଜ୍ଞାନ ରଞ୍ଜନ ମିଶ୍ର, ଭୁଲେଶ୍ୱର ନାଗ, ସମେତ ବ୍ଲକ ର ସମସ୍ତ କର୍ମଚାରୀ କାର୍ଯ୍ୟ କ୍ରମକୁ ସହଯୋଗ କରିଥିଲେ  l