04-Nov-2025

ସିନାପାଲି  ( ଚିନ୍ତାମଣି ନେତାମ ) ନୂଆପଡା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତ ଗୋର୍ଲା ଗ୍ରାମ ପଞ୍ଚାୟତ ଅନ୍ତର୍ଗତ ପତିଆଲପଡା ଗ୍ରାମରେ  ତୃତୀୟ ତମ ଶ୍ରୀ ଶ୍ରୀ କାର୍ତ୍ତିକ ପୂର୍ଣ୍ଣିମା ମହୋସବର କଳସ ଯାତ୍ରା ମହାସମାରୋହରେ ଅନୁଷ୍ଠିତ ହୋଇଯାଇଛି। ଏହି କଳସ ଯାତ୍ରାରେ ଗ୍ରାମର ଶତାଧିକ ମହିଳା ମାନେ ଭାଗ ନେଇ ସ୍ଥାନୀୟ ଉଦନ୍ତୀ ନଦୀରୁ କଳସରେ ପାଣି ଭରି ପୂର୍ଣ୍ଣ କଳସଟି କୁ ନେଇ ଗ୍ରାମର ମଙ୍ଗଳ ପାଇଁ ଗାଁ ପରିକ୍ରମା କରି ପୁଜା ମଣ୍ଡପରେ କଳସ ସ୍ଥାପନ କରିଥିଲେ। ଘଣ୍ଟ ଦଳର  ତାଳେ ତାଳେ  ନାଚ,ଗୀତ ଓ ହରିବୋଲ ହୁଳହୁଳି ଶବ୍ଦରେ ପତିଆଲପଡା ଗ୍ରାମ ଆନନ୍ଦ ଉଲ୍ଲାସରେ  କମ୍ପି ଉଠିଥିଲା। ଶାସ୍ତ୍ର ଅନୁଯାୟରେ ବାରମାସ ମଧ୍ୟରୁ କାର୍ତ୍ତିକ ମାସ ହେଉଛି ଶ୍ରେଷ୍ଠ ମାସ ଏହି ମାସରେ ଶ୍ରୀ ଶ୍ରୀ କାର୍ତ୍ତିକେୟ  ମହାପ୍ରଭୁ ଙ୍କୁ ରିତି ନିତି  ସହ ଭକ୍ତି ଭାବରେ ପୂଜାର୍ଚ୍ଚନା କରି କାର୍ତ୍ତିକ ପୂର୍ଣ୍ଣିମା ପାଳନ କଲେ ପାପ କ୍ଷୟ, ଦୁଃଖ, କଷ୍ଟ ଦୂର ହୁଏ ଏବଂ ଶୁଖ, ଶାନ୍ତି ଓ ସମୃଦ୍ଧି ପୂଣ୍ୟ ଅର୍ଜ୍ଜନ ହୁଏ ବୋଲି କାର୍ତ୍ତିକ ପୂର୍ଣ୍ଣିମା ପାଳନ ଭକ୍ତ ବ୍ରତି ମା,ମାନଙ୍କ ବିଶ୍ଵାସ ରହିଥିବା ମତ ପ୍ରକାଶ କରିଛନ୍ତି।ଉକ୍ତ ପୂଜା   ଚାରିଦିନ ପର୍ଯ୍ୟନ୍ତ ଚାଲିରହିବ। ଏହି ପୂଜା ର କର୍ତ୍ତା ଭାବରେ ଶ୍ରୀଯୁକ୍ତ ଟିକେଲାଲ ମାଝି ଓ ତାଙ୍କ ଧର୍ମପତ୍ନୀ ଶ୍ରୀମତୀ ଧନମତୀ ମାଝି ଦାୟୀତ୍ବ ତୁଳାଇଥିବା ବେଳେ ମୁଖ୍ୟ ପୂଜକ ଶୁଶାନ୍ତ ପାଢ଼ୀ ଓ  ସହଯୋଗୀ  ମନୋରଞ୍ଜନ  ନେଗୀ  ପୂଜାଟିକୁ ଆଗେଇ ନେଇଛନ୍ତି। ପ୍ରତ୍ୟେକ ରାତ୍ରରେ ମନୋରଞ୍ଜନ  କାର୍ଯ୍ୟକ୍ରମ ରହିଛି ବୋଲି  କମିଟି ପକ୍ଷରୁ ସୁଚନା ମିଳିଛି। ଦୂର ଦୁରାନ୍ତ ଓ ଆଖ ପାଖ ଅଞ୍ଚଳରୁ ଲୋକମାନେ ଆସି ପ୍ରଭୁ ଶ୍ରୀ ଶ୍ରୀ କାର୍ତ୍ତିକେୟଙ୍କ ଦର୍ଶନ କରି ରାତ୍ର ମନୋରଞ୍ଜନ  କାର୍ଯ୍ୟକ୍ରମର ଉପଭୋଗ କରିଥାନ୍ତି। ପୂଜା କମିଟି ସଭାପତି ଶ୍ରୀଯୁକ୍ତ ତୁପଲେଶ୍ଵର ମାଝି,ସମ୍ପାଦକ ବନରାମ ମାଝି,କୋଷାଧକ୍ଷ ରିଖିରାମ ମାଝି,ସଦସ୍ୟ ବିଶିକେଶନ ମାଝି,ଶ୍ୟାମଚନ୍ଦ୍ର ମାଝି, ଭ୍ରତ କାଣ୍ଡ,ତିରନ କାଣ୍ଡ, ଚନ୍ଦ୍ର ମାଝି,ଦିନେଶ ମେହେର, ଜୟମନ କାଣ୍ଡ, ସୁରଜ ମାଝି, ଅଭିରାମ ମାଝି, ପଦ୍ମନ ମାଝି, ସୋମନାଥ ମାଝି, ସଞ୍ଜୟ ଓ ସମସ୍ତ ଗ୍ରାମବାସୀ ବୃନ୍ଦ ଙ୍କ ସହଯୋଗ ରହିଛି।