04-Nov-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ବ୍ଲକ ଅନ୍ତର୍ଗତ ଫୁଲମୁଠି ଗ୍ରାମରେ ଚାଲିଥିବା ସପ୍ତାହ ପାରାୟଣ ପରିପ୍ରେକ୍ଷୀରେ ଆଜି କୃଷ୍ଣଙ୍କ ସହିତ ରୁକ୍ମିଣୀଙ୍କ ବିବାହ ଉତ୍ସବ ପାଳନ ନେଇ ସାରା ଗ୍ରାମ ଉତ୍ସବ ମୁଖର ହୋଇଉଠିଥିଲା। କିମ୍ବଦନ୍ତୀ ଅନୁସାରେ ଦ୍ଵାପର ଯୁଗରେ ବିଧର୍ବ ରାଜାଙ୍କ ଝିଅ ରୁକ୍କିଣୀର ବିବାହ ଶିଶୁପାଳଙ୍କ ସହିତ ଥିଲା କିନ୍ତୁ ଦେବୀ ରୁକ୍ମିଣୀ ପ୍ରଭୁ ଶ୍ରୀକୃଷ୍ଣଙ୍କୁ ଭଲ ପାଉଥିଲେ ।ଶିଶୁପାଳ ବିବାହ ପାଇଁ ଆଗତୁରା ବିଧର୍ଵ ରାଜାଙ୍କ ନିକଟକୁ ଆସିଥିଲା ଠିକ୍ ଏହି ସମୟରେ ଦେବୀ ରୁକ୍ମିଣୀ ପୂଜାର୍ଚ୍ଚନା ଛଳନାରେ ଦେବୀ ଜଗଦମ୍ବା ମନ୍ଦିରକୁ ପୂଜା ସାମଗ୍ରୀ ଧରି ଯାଇ ପ୍ରଭୁକୃଷ୍ଣ ଶୀଘ୍ର ପହଞ୍ଚିବା ନେଇ ପ୍ରାର୍ଥନା କରିଥିଲେ ।ପୂଜା ସରିବା ପରେ ମନ୍ଦିରରୁ ବାହାରିବା ମାତ୍ରେ ପ୍ରଭୁ ଶ୍ରୀକୃଷ୍ଣ ରଥରେ ସେହି ସ୍ଥାନକୁ ପହଞ୍ଚିଥିଲେ । ଦେବୀ ରୁକ୍ମିଣୀ ଖୁସିରେ ଆତ୍ମହରା ହୋଇ ପ୍ରଭୁଙ୍କ ପାଖକୁ ଯାଇ ରଥାରୁଢ ହୋଇ ଏଠାରୁ ଚାଲିଯିବାକୁ ପରାମର୍ଶ ଦେବାପରେ ପ୍ରଭୁ ଶ୍ରୀକୃଷ୍ଣ ଶୁଭ ଶଙ୍ଖ ଧ୍ୱନି ଦେଇ ଦ୍ଵାପର ଅଭିମୁଖେ ଯାତ୍ରା କରିଥିଲେ । ଦେବୀ ରୁକ୍ମିଣୀ ହରଣ ପ୍ରସଙ୍ଗ ଵିଧର୍ବ ରାଜ୍ୟରେ ପ୍ରଚାର ହେବାପରେ ରୁକ୍ମିଣୀଙ୍କ ଭାଇ କୃଷ୍ଣଙ୍କ ଅଟକାଇବାକୁ ଯାଇ ତାଙ୍କ ସହିତ ଯୁଦ୍ଧ କରି ଜୀବନଦାନ ପାଇଥିଲେ । ତେବେ ଏଠାରେ ଅନୁଷ୍ଟିତ ସପ୍ତାହ ପାରାୟଣ ପରିପ୍ରେଖୀରେ କୃଷ୍ଣ ରୁକ୍ମିଣୀଙ୍କ ବିବାହ ମହାଆଡମ୍ବରପୂର୍ଣ୍ଣ ରୀତିରେ ଅନୁଷ୍ଟିତ ହୋଇଥିଲା । ଗ୍ରାମର ପ୍ରତ୍ୟେକ ଘରୁ ଶ୍ରଦ୍ଧାଳୁ ପୁରୁଷ ଓ ମହିଳା ଭକ୍ତମାନେ ବାହାରି ଢୋଲ ନିଶାଣର ତାଲେ ଚାଲେ ପ୍ରଭୁ ଶ୍ରୀକୃଷ୍ଣଙ୍କୁ ଧରି ଶୋଭାଯାତ୍ରାରେ ଗ୍ରାମ ପରିକ୍ରମା କରିଥିଲେ ।ଏହି ଅବସରରେ ଗ୍ରାମବାସୀ ଘର ସମ୍ଭୁଖରେ ଶୁଭ କଳସ ବସାଇ ପ୍ରଭୁଙ୍କୁ ସ୍ଵାଗତ କରାଯାଇଥିଲା । ଶ୍ରଦ୍ଧାଳୁ ଭକ୍ତ ହଲଦୀରେ ସଜ୍ଜିତ ହୋଇଥିଲେ।ବାଟରେ ରୁକ୍କୁଣୀଙ୍କ ମାମୁଁ ମାଇଁଙ୍କ ଘର ପକ୍ଷରୁ ପ୍ରଭୁ ଶ୍ରୀକୃଷ୍ଣଙ୍କୁ ବାଟ ବରଣ କରାଯାଇ ବିବାହ ସ୍ଥଳକୁ ନିଆଯାଇଥିଲା ସେଠାରେ ରୀତିନୀତି ଅନୁଯାୟୀ ଘଣ୍ଟ ଶଙ୍ଖ ହୁଳହୁଳି ଧ୍ବନିରେ ପୂଜକଙ୍କ ମନ୍ତ୍ର ଉଚ୍ଚାରଣରେ ବିବାହ କାର୍ଯ୍ୟ ସମ୍ପନ୍ନ ହୋଇଥିଲା ଏକ ଆଧ୍ୟାତ୍ମିକ ପରିବେଶ ମଧ୍ୟରେ ହଜାର ହଜାର ଶ୍ରଦ୍ଧାଳୁ ଭକ୍ତ ଏହି କାର୍ଯ୍ୟକ୍ରମକୁ ମନଭରି ଉପଭୋଗ କରିଥିଲେ ।ପରେ ସପ୍ତାହ ପାରାୟଣ କମିଟି ସଦସ୍ୟ ଓ ଗ୍ରାମବାସୀଙ୍କ ତରଫରୁ ଆସିଥିବା ସମସ୍ତ ଭକ୍ତଙ୍କୁ ପ୍ରସାଦ ସେବନରେ ଆପ୍ୟାୟିତ କରାଯାଇଥିଲା ଅନୁଷ୍ଟିତ ଏହି ସପ୍ତାହ ପାରାୟଣରେ ବ୍ୟାସ ଭାବେ ଅଭିଷେକ ମିଶ୍ର,ପୂଜକ ଯୁଧିଷ୍ଟିର ଦାଶ,କର୍ତ୍ତା ଭାବେ ନାରାୟଣ ବିଶି ଓ ତାଙ୍କ ଧର୍ମପତ୍ନୀ ମିଥିଲ୍ଲା ବିଶି ଦାୟିତ୍ଵ ନିର୍ବାହ କରିଥିବା ବେଳେ କୃଷ୍ଣ ଭୂମିକାରେ ଶିଶୁ କଳାକାର ଆୟୁଷ୍ମାନ ହୋତା,ରୁକ୍ମିଣୀ ଅର୍ଚ୍ଚିତା ସାହୁଙ୍କ ଅଭିନୟ ବେଶ୍ ଚିତ୍ତାକର୍ଷକ ହୋଇଥିଲା ସେହିପରି ପ୍ରଭୁ ଶ୍ରୀକୃଷ୍ଣଙ୍କ ମାତା ପିତା ଭାବେ ମିଥିଲ୍ଲା ବିଶି ଓ ନାରାୟଣ ବିଶି,ରୁକ୍ମିଣୀଙ୍କ ମାତା ପିତା ଭାବେ ସୁଣ ହୋତା ଓ ଦୟାନିଧି ହୋତା ଦାୟିତ୍ଵ ତୁଲାଇଥିଲେ ।