31-Oct-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)ଜିଲ୍ଳା ସ୍ତରୀୟ କ୍ରୀଡାରେ ସିନ୍ଦୁରପୁର ନୋଡାଲ ଉଚ୍ଚ ବିଦ୍ୟାଳୟ ର ଛାତ୍ର କ୍ରିଷ୍ଣା ନାଏକ ଇଚ୍ଛାପୁର ଠାରେ ଅନୁଷ୍ଠିତ ହେଉଥିବା ଉଚ୍ଚ ଡିଆଁ ବେଳେ ହାତ ଭାଙ୍ଗି ଯାଇଥିଲା । ନିଜ ୧୫ବର୍ଷିଆ ପୁଅର ଚିକିତ୍ସା ପାଇଁ ସୋନପୁର ମୁଖ୍ୟ ଚିକିତ୍ସାଳୟ କୁ ଆଣିବା ପାଇଁ ବିନିକା ବ୍ଲକ ଅନ୍ତର୍ଗତ ସିନ୍ଦୁରପୁର ଗ୍ରାମର ମହିଳା ପଦ୍ମିନୀ ନିଜ ପୁଅକୁ  ସୋନପୁର ମୁଖ୍ୟ ଡାକ୍ତରଖାନା କୁ ଆଣିବାକୁ ପ୍ରଥମେ ୧୦୮ ଆମ୍ବୁଲାନ୍ସ ଲୋଡିଥିଲେ କିନ୍ତୁ ଏଥିରେ ସେ ଅସଫଳ ହେବାରୁ ଘରୋଇ ଗାଡି ଭଡା ଦେବା ପାଇଁ ତାଙ୍କ ପାଖରେ ଅର୍ଥର ଅଭାବ ଥିବା ଯୋଗୁଁ ତାଙ୍କର ଏକମାତ୍ର ଜୀବନ ଜିବିକା ର ମାଧ୍ୟମ ଥିବା ରାସନ କାର୍ଡ କୁ ଗାଁ ର ଜଣେ ଶିକ୍ଷକଙ୍କ ପାଖରେ ବନ୍ଧା ପକାଇ ସେ  ପାଞ୍ଚ ହଜାର ଟଙ୍କା ଆଣିଥିଲେ l ହେଲେ ମୁଖ୍ୟ ଚିକିତ୍ସାଳୟରେ ତାଙ୍କ ପୁଅର ହାତ ର ମେଜର ଅପରେସନ ଚିକିତ୍ସା ସୁବିଧା ନ ଥିବାରୁ ତାଙ୍କୁ ଡ଼୍ୟୁଟିରେ ଉପସ୍ଥିତ ଡାକ୍ତର ବୁର୍ଲା ମେଡିକାଲ୍ ଯିବାପାଇଁ କହିବାରୁ  ସେ ଅନନ୍ୟୋପାୟ ହୋଇ ବିକଳରେ ରୋଦନ କରିବାରୁ କିଛି ଗଣମାଧ୍ୟମର ପ୍ରତିନିଧିଙ୍କ ଠାରୁ ଏ ଖବର ପାଇଥିଲେ ସୁବର୍ଣ୍ଣପୁର ଜିଲ୍ଲାପାଳ ଡ଼.ନୃପରାଜ ସାହୁ । ତୁରନ୍ତ ସେ ମୁଖ୍ୟ ଚିକିତ୍ସାଳୟରେ ପହଞ୍ଚି ସ୍ଥିତି ଅନୁଧ୍ୟାନ କରିବା ସହ ସମସ୍ତ ଖର୍ଚ୍ଚ ପ୍ରଶାସନ ବୁଝିବ ବୋଲି ଛାତ୍ର ର ମାଁ  କୁ ଜିଲ୍ଲାପାଳ ଆଶ୍ଵାସନା ଦେଇଥିଲେ । ଖବରପାଇ ସହରର ଶୋଭା କେୟାର ହସ୍ପିଟାଲ ର   କୋ-ପ୍ରୋପାଇଟର ସୁବାସ ଚନ୍ଦ୍ର ପଣ୍ଡା  ଘଟଣା ସ୍ଥଳରେ ପହଞ୍ଚି ପିଲାଟିର ସମସ୍ତ ଚିକିତ୍ସା ଭାର ତଥା ଅସ୍ତ୍ରୋପଚାର ତାଙ୍କ ହସ୍ପିଟାଲ ରେ ସେ ସଂପୂର୍ଣ୍ଣ ମାଗଣାରେ କରାଇବାକୁ କହିବାରୁ ସମସ୍ତେ ଆଶ୍ବସ୍ଥ ପ୍ରକାଶ କରି ଥିଲେ।  ସେ ସମୟରେ ଆମ୍ବୁଲାନ୍ସ ଯୋଗେ ତାଙ୍କ ହସ୍ପିଟାଲରେ ଭର୍ତ୍ତିକରି ପିଲାଟିର ଅସ୍ତ୍ରୋପଚାର କରାଇଥିଲେ। ଆଜି ସକାଳେ ଜିଲ୍ଲାପାଳ ଶୋଭାକେୟାର ହସ୍ପିଟାଲ  କୁ ପରିଦର୍ଶନ କରି ସଂପୃକ୍ତ ବାଳକ ର ସ୍ବାସ୍ଥ୍ୟବସ୍ଥା ବୁଝିଥିଲେ ଓ ରୋଗୀ ର ବାପା ମାଆ ଙ୍କୁ ଶାନ୍ତ୍ବନା  ପ୍ରଦାନ କରିଥିଲେ l ଉପସ୍ଥିତ ଅତିରିକ୍ତ ଜିଲ୍ଲା ଶିକ୍ଷାଧିକାରୀ ଙ୍କୁ ଗତ କାଲି ର ଏ ଘଟଣା ସମ୍ବନ୍ଧ ରେ ବୁଝି ଶିକ୍ଷା ବିଭାଗ ର ମାବନିକତା ଅଭାବ ଏକ ଲଜ୍ଜାଜନକ ବିଷୟ ବୋଲି ବିରକ୍ତି ପ୍ରକାଶ କରିଥିଲେ l ଓ ଜିଲ୍ଲା କ୍ରୀଡ଼ା ଶିକ୍ଷା ନିରୀକ୍ଷକ ଜ୍ୟୋତିକାନ୍ତ ଭୋଇ ଙ୍କୁ ନିଲମ୍ବନ ପାଇଁ ସ୍ପର୍ଟ ରୁ ଶିକ୍ଷାଧିକାରୀ ଙ୍କୁ ନିର୍ଦ୍ଦେଶ କରିଥିଲେ ଜିଲ୍ଲାପାଳ l ରେଡକ୍ରସ ରୁ ୫ ହଜାର ଟଙ୍କା ସହାୟତା ପାଈଁ ବିଭାଗୀୟ ଅଧିକାରୀ ଙ୍କୁ କହିଥିଲେ  ପରେ ପିଲା ର ଏ ଆଶୁ ଚିକିତ୍ସା  ଓ ଶୋଭା କେୟାର ହସ୍ପିଟାଲ ର ବଦାନ୍ୟତା ପାଇଁ ଜିଲ୍ଲାପାଳ ଙ୍କ ସମେତ ସହରର ବିଭିନ୍ନ ଅନୁଷ୍ଠାନ ଓ ବୁଦ୍ଧିଜୀବୀ ପ୍ରଶଂସା କରିଛନ୍ତି।