31-Oct-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ସ୍ଥିତ ବରିଷ୍ଠ ନାଗରିକ ସଂଗଠନ କାର୍ଯ୍ୟାଳୟ ଠାରେ ସର୍ଦ୍ଦାର ବଲ୍ଲଭଭାଇ ପଟେଲଙ୍କ ୧୫୦ ତମ ଜନ୍ମ ଦିବସ କୁ ରାଷ୍ଟ୍ରୀୟ ଏକତା ଦିବସ ଭାବରେ ପାଳନ କରାଯାଇଛି । ୧୮୭୫ ମସିହା ଅକ୍ଟୋବର ୩୧ ତାରିଖ ରେ ଜନ୍ମଗ୍ରହଣ କରିଥିବା  ରାଷ୍ଟ୍ରବାଦୀ ନେତା ସର୍ଦ୍ଦାର ପଟେଲ ଭାରତୀୟ ସ୍ବାଧୀନତା ସଂଗ୍ରାମରେ ନିଜକୁ ସମର୍ପିତ କରି ଭାରତର ଏକତା, ଅଖଣ୍ଡତା ଓ କୃଷକ ସଶକ୍ତିକରଣର ପ୍ରତୀକ ରୂପେ ସର୍ଦ୍ଦାର ଭାବରେ ମାନ୍ୟତାପ୍ରାପ୍ତ ହୋଇଥିଲେ । ତାଙ୍କର ଜନ୍ମଦିନକୁ ପାଳନ ପାଇଁ ବରିଷ୍ଠ ନାଗରିକ ସଂଗଠନ କାର୍ଯ୍ୟାଳୟ ର ସଭାପତି ଡକ୍ଟର ପ୍ରଫୁଲ୍ଲ କୁମାର ରଥଙ୍କ ଅଧ୍ୟକ୍ଷତାରେ ଏକ ସଭା କରା ଯାଇଥିଲା, ଏଥିରେ ଶିକ୍ଷାବିତ୍ କୃଷ୍ଣଚନ୍ଦ୍ର ପାଢ଼ୀ ମୁଖ୍ୟ ଅତିଥି, ସୌମିତ୍ରୀ ମେହେର ସମ୍ମାନିତ ଅତିଥି ଭାବେ ମଞ୍ଚାସୀନ ଥିଲେ ।ସ‍ଂପାଦକ ସନ୍ତୋଷ ଷଡ଼ଙ୍ଗୀ ସ୍ବାଗତ କରିଥିବାବେଳେ  ସଦସ୍ୟ ଜ୍ଞାନେନ୍ଦ୍ର ତ୍ରିପାଠୀ ଓ ମଞ୍ଚାସୀନ ସମସ୍ତ ଅତିଥି ସ୍ବର୍ଗତ ପଟେଲଙ୍କ ଜୀବନୀ ଉପରେ ଆଲୋକପାତ କରିଥିଲେ।ଡକ୍ଟର ଦ୍ବିତୀକୃଷ୍ଣ ପଣ୍ଡା ସଭା ସଂଯୋଜନା କରିଥିବା ବେଳେ ସତ୍ୟ ନାରାୟଣ ନାୟକ ଧନ୍ୟବାଦ ଅର୍ପଣ କରିଥିଲେ। ରାଷ୍ଟ୍ରୀୟ ଏକତା ଦିବସ ପାଳନ ଅବସରରେ ଅନୁଷ୍ଠାନର ସଦସ୍ୟ ଅକ୍ରୂର ଦନ୍ତା, ଗୋପୀନାଥ ମହାକୁର, ନାରାୟଣ ପ୍ରସାଦ ନାୟକ, ନିମାଇଁ ଚରଣ ପଣ୍ଡା, ଶ୍ୟାମସୁନ୍ଦର ସେଠୀ, ଧର୍ମ ଦତ୍ତ ପାଢ଼ୀ , ବଳରାମ କାଣ୍ଡ, ବାସୁଦେବ ପଣ୍ଡା, ଜିତେନ୍ଦ୍ରିୟ ପଧାନ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମରେ ସହଯୋଗ କରିଥିଲେ।