31-Oct-2025

ବରପାଲି (ସୁଦାମ ଦୀପ)
ବରପାଲି  ବ୍ଲକ ସ୍ତରୀୟ ସୁରଭି କାର୍ଯ୍ୟକ୍ରମ -୨୦୨୫ ଗଙ୍ଗାଧର  ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ଆୟୋଜିତ ହୋଇଯାଇଛି। ଆୟୋଜିତ ଶିଶୁ ମହୋତ୍ସବ ସୁରଭି କାର୍ଯ୍ୟକ୍ରମରେ ବିଇଓ ମୁକୁନ୍ଦ ମହରାଙ୍କ ସଭାପତିତ୍ୱରେ ଉଦଘାଟନୀ କାର୍ଯ୍ୟକ୍ରମ ପରିଚାଳିତ ହୋଇଥିଲା। ନିମନ୍ତ୍ରିତ ଅତିଥି ଭାବରେ  ବିଡ଼ିଓ ସୁମନ୍ତ କୁମ୍ଭାର, ତହସିଲଦାର ରୁକ୍ମଣ ମେହେର, ଜଗବନ୍ଧୁ ଦାଶ ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟ ଅଧ୍ୟକ୍ଷ ପ୍ରଦୀପ ମେହେର, ଏବିଇଓ ତଥା ବିଆରସିସି ଦୁର୍ଯ୍ୟୋଧନ ସିଂ, ଏବିଇଓ  ରତ୍ନ କୁମାର ଭୋଇ, ବାଳକ ଉଚ୍ଚ ବିଦ୍ୟାଳୟ ପ୍ରଧାନଶିକ୍ଷକ  ସନୋଜ ସେଠୀ , ଗଙ୍ଗାଧର ଏନ.ଏ.ସି ଉଚ୍ଚ ବିଦ୍ୟାଳୟ ପ୍ରଧାନଶିକ୍ଷକ ମନୋଜ କୁମାର ବାରିକ , ସରକାରୀ ବାଳିକା ଉଚ୍ଚ ବିଦ୍ୟାଳୟ ପ୍ରଧାନଶିକ୍ଷକ ନାରାୟଣ ଭୁଏ ପ୍ରମୁଖ ମଞ୍ଚାସିନ ହୋଇଥିଲେ l ସେହିପରି ଉଦ୍‌ଯାପନୀ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ବ୍ଲକ୍ ଅଧ୍ଯକ୍ଷା  ରିନା ଥଇତ, ସମ୍ମାନୀତ ଅତିଥି ଭାବରେ ଜିଲ୍ଲା ପରିଷଦ ସଦସ୍ଯ ଗୋବିନ୍ଦ ସାହୁ , ଏନ.ଏ.ସି. ଅଧ୍ୟକ୍ଷ ଦୀନେଶ ଗହୀର , ମୂଖ୍ଯବକ୍ତା ଭାବେ ସତଲମା ଉଚ୍ଚ ମାଧ୍ୟମିକ ବିଦ୍ୟାଳୟ  ଓଡ଼ିଆ ଅଧ୍ୟାପକ ଲୋକବନ୍ଧୁ ପ୍ରଧାନ ପ୍ରମୁଖ ଯୋଗଦାନ କରିଥିଲେ । ଏହି ଅବସରରେ ବିଚାରକ ଭାବରେ କାର୍ଯ୍ଯଭାର ତୁଳାଇଥିବା ଜନକ ସେଠ୍ ,ବରୁଣ କୁମ୍ଭକାର  , ମୁଗ୍ଧା ଦାଶ ଓ  ଶୁଭମ୍ ବାରିକ ପ୍ରମୁଖଙ୍କୁ ସମ୍ବର୍ଦ୍ଧିତ କରାଯାଇଥିଲା । ସମସ୍ତ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ , ବିଇଓ ଅଫିସ ର ଉଭୟ ଏବିଇଓ ଏବଂ ବିଇଓ ଙ୍କୁ ଉତ୍ତମ ପ୍ରଦର୍ଶନ ପାଇଁ ମୁଖ୍ୟ ଅତିଥି ସମ୍ବର୍ଦ୍ଧିତ କରିଥିଲେ । ଅତିଥି ମାନେ ସେମାନଙ୍କ ବକ୍ତବ୍ୟ ମାଧ୍ୟମରେ କାର୍ଯ୍ୟକ୍ରମର ଆଭିମୁଖ୍ୟ ସହ ପିଲାମାନେ ଏହି କାର୍ଯ୍ୟକ୍ରମ ଦ୍ଵାରା ସେମାନଙ୍କ ଅନ୍ତର୍ନିହିତ ଗୁଣ ର ବିକାଶ ହୋଇପାରିବ ବୋଲି କହିଥିଲେ l ଏହି ଅବସରରେ ସଙ୍ଗୀତ, ଦଳଗତନୃତ୍ୟ, କୁଇଜ, ବକୃତା, ଚିତ୍ରାଙ୍କନ, ଚିତ୍ରକଳା, ସୃଜନଶୀଳ ଲିଖନ, ପ୍ରବନ୍ଧ ଲିଖନ ଆଦି ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଅତିଥି ମାନେ କୃତୀ ପ୍ରତିଯୋଗୀ ଙ୍କୁ ପୁରସ୍କୃତ କରିଥିଲେ l ବିଭିନ୍ନ ବିଦ୍ୟାଳୟ ର ଶିକ୍ଷକଗଣ, ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଶ୍ରୀନିବାସ ପଧାନ , ବିନୟ କୁମାର ଭୋଇ , ଉତ୍ତମ ଦେହୁରୀ , ଦୀପକ ପଧାନ , ଫକୀର ମେହେର , ବାଳକୃଷ୍ଣ ମେହେର , କୃଷ୍ଣଚନ୍ଦ୍ର ମେହେର , ଲଳିତ ମେହେର , ନିମାଇଁ ଚରଣ ଦାଶ , ଅଶୋକ ସାହୁ ସମେତ ବ୍ଲକ ଶିକ୍ଷା କାର୍ଯ୍ୟାଳୟର ସମସ୍ତ  ପ୍ରମୁଖ ପରିଚାଳନା ରେ ସହଯୋଗ କରିଥିଲେ। ବ୍ଲକ ର ବିଭିନ୍ନ ସ୍କୁଲ ର ଶିକ୍ଷକ ଓ ଶିକ୍ଷୟିତ୍ରୀ ମାନେ ଉପସ୍ଥିତ ରହିଥିଲେ । କାର୍ଯ୍ୟକ୍ରମ ରେ ଶିକ୍ଷକ  ସୁଧର୍ମା ପଟେଲ , ବି.ଆର୍.ଟି ମୁକୁନ୍ଦ ମେହେର, ସି.ଆର୍.ସି.ସି.  କ୍ଷେତ୍ର ମେହେର ଓ  ମିଥୁନ ସାହୁ ମଞ୍ଚ ସଂଯୋଜନା କରିଥିବା ବେଳେ ସି.ଆର୍.ସି.ସି. ଅନିଲ କୁମାର ଦାଶ ଓ ରବିନାରାୟଣ ମହାପାତ୍ର ମଞ୍ଚ ସଞ୍ଚାଳନ କରିଥିଲେ ଏବଂ ପରିଶେଷରେ ଏବିଇଓ  ରତ୍ନ କୁମାର ଭୋଇ ଧନ୍ୟବାଦ ଜ୍ଞାପନ କରିଥିଲେ।