31-Oct-2025

(ରାମନାଥ ପଣ୍ଡା)
ଆଜି ସନ୍ଧ୍ୟା ୫ଟା ୩୦ ସମୟରେ ନୂଆପଡ଼ା ଜିଲ୍ଲା ବୋଡ଼େନ ବ୍ଲକ ଜୟବାହାଲ ଗ୍ରାମର ହିତେଶ କୁମାର ସଲମା ପି: କନ୍ଦର୍ପ ସଲମା ରୋଷେଇ ଘରେ ନୂଆ ଗ୍ୟାସ ସିଲିଣ୍ଡର ସଂଯୋଗ କରିବା ପାଇଁ ସିଲିଣ୍ଡରର ଠିପି ଖୋଲିବା ମାତ୍ରେ ଘର ସାରା ଗ୍ୟାସ ହୋଇଗଲା ଓ ପାଖରେ ଚୂଲିରେ ନିଆଁ ଜଳୁଥିବା କାରଣରୁ ରୋଷେଇ ଘର ହୁ ହୁ ହୋଇ ଜଳିଯାଉଥିଲା ତଥା ଛାତ ରେ ମଧ୍ୟ ନିଆଁ ଲାଗି ଯାଇଥିଲା । ଶ୍ରୀଯୁକ୍ତ ସଲମା,ତାଙ୍କ ସ୍ତ୍ରୀ,୩ ବର୍ଷର ଜଣେ ପୁଅ ଓ ୮ ବର୍ଷର ଜଣେ ଝିଅ ଗ୍ୟାସ ନିର୍ଗତ ହୋଇ ଜଳିବା ସମୟରେ ଜୀବନ ବଞ୍ଚାଇ ଘରୁ ବାହାରକୁ ଚାଲି ଆସିଥିଲେ 
।ଜୀବନ ପ୍ରତି ବିପଦ ଟଳି ଯାଇଥିଲା ହେଲେ ରୋଷେଇ ଘରେ ତାଙ୍କର ବ୍ୟବହାର୍ଯ୍ୟ ଜିନିଷ କିଛି ପୋଡ଼ି ନଷ୍ଟ ହୋଇଯାଇଛି। ଅଗ୍ନିସମ ବିଭାଗକୁ ଖବର ଦେଲେ ଏବଂ ଏହି ବିଭାଗ ପହଞ୍ଚିବା ପୂର୍ବରୁ ଗ୍ରାମର କିଛି ଲୋକ ନିଜ କୌଶଳ ବଳରେ ନିଆଁକୁ ଆୟାତ୍ତକୁ ଆଣିଥିଲେ କିନ୍ତୁ ବାଲିରେ ପୋତି ଦେଇଥିବା ସିଲିଣ୍ଡରରୁ ଗ୍ୟାସ ବାହାରୁ ଥାଏ ।ଅଗ୍ନିଶମ ବିଭାଗ କର୍ମଚାରୀ ଆସି ବାଲିକୁ କାଢି ସିଲିଣ୍ଡରଟିକୁ ବାହାର କରିଥିଲେ ଓ ନିରାପଦ ସ୍ଥାନକୁ ନେଇ ସିଲିଣ୍ଡରକୁ ଠିକ୍ କରିଥିଲେ ।