31-Oct-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ଅଞ୍ଚଳର ପ୍ରସିଦ୍ଧ ଶୈବପୀଠ ଚରଦା ଠାରେ ଅନୁଷ୍ଟିତ କଲାସୀ ଯାତ୍ରା ପରିପ୍ରେକ୍ଷୀରେ ଆଜିଠାରୁ ୩ଦିନ ଧରି ଅନୁଷ୍ଠିତ ହେବାକୁ ଯାଉଥିବା ମାଁ ଚରଦେଇ ଆଞ୍ଚଳିକ ଲୋକ ମହୋତ୍ସବ ସନ୍ଧ୍ୟା ୮ଘଣ୍ଟାରେ  ଉଦଘାଟିତ ହୋଇଛି।ପ୍ରାରମ୍ଭରେ ଇଷ୍ଟଦେବୀ ମାଁ ଚରଦେଇ ଓ ବାବା କପିଳେଶ୍ୱରଙ୍କ ଠାରେ ଯଥାରୀତି ପୂଜାର୍ଚ୍ଚନା ପରେ କମିଟିର ସମସ୍ତ ସଦସ୍ୟ ଏକ ମଶାଲ ଶୋଭାଯାତ୍ରାରେ ଗ୍ରାମ ପରିକ୍ରମା କରି ମହୋତ୍ସବ ପେଣ୍ଡାଲକୁ ପହଞ୍ଚିବା ପରେ ଆନୁଷ୍ଠାନିକ ଭାବେ ଉଦ୍ଘାଟନ ହୋଇଥିଲା ।କମିଟି ସଭାପତି ଅଶୋକ ପୃଷ୍ଟିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ ସୁବର୍ଣ୍ଣପୁର ଜିଲ୍ଲାପାଳ ଡ଼ ନୃପରାଜ ସାହୁ ମୁଖ୍ୟ ଅତିଥି,ଜିଲ୍ଲା ଆରକ୍ଷୀ ଅଧିକ୍ଷକ ନାରାୟଣ ନାୟକ,ଡିଆଇପିଆରଓ ଅର୍ଜୁନ ମାଝୀ,ଜିଲ୍ଲା ସଂସ୍କୃତି ଅଧିକାରୀ ଯମୁନା ପ୍ରଧାନ,ବିନିକା ନଗରପାଲ ସୁବାସ ଭୋଇ,ଏନଏସି ଇଓ ମାନସ ଭୋଇ,ସରପଞ୍ଚ ବୃନ୍ଦାବତୀ ନାୟକ,ସୌଦାମିନୀ ସାହୁ,ଜିଲ୍ଲା ପରିଷଦ ସଦସ୍ୟ ପ୍ରମିଳା କଳତା ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇଥିଲେ ।ଅତିଥି ମାନେ ଏ ଅଞ୍ଚଳର କଳା,ସଂସ୍କୃତି,ପରମ୍ପରା ଅନନ୍ୟ ବୋଲି କହିଥିଲେ। ଏହି ଅବସରରେ ପାରାୟଣ ଗାୟିକା ସୁଶ୍ରୀ ବନ୍ଧିତା ନାୟକଙ୍କୁ ଚର୍ଦେଇ ସମ୍ମାନରେ ସମ୍ମାନିତ କରାଯାଇଥିଲା।ପରେ ଉଦଘୋଷକ ଶିକ୍ଷକ ହିମାଂଶୁ ଭୂଷଣ ପଣ୍ଡା ଓ ବଲାଙ୍ଗିର ଉଦଘୋଷିକା ସସ୍ମିତା ପରମଗୁରୁଙ୍କ ସଂଯୋଜନାରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।ପେଣ୍ଡାଲରେ କଣ୍ଠଶିଳ୍ପୀ ବିବେକାନନ୍ଦ ପଣ୍ଡା,କସ୍ତୁରୀ ରନବିଡାଙ୍କ ସୁମଧୁର ସଙ୍ଗୀତ ପରିବେଷଣ,ପବିତ୍ର ମାହାଣା ଓ ତାଙ୍କ ସାଥି ଏବଂ ଭୀମଭୋଇ କଳା ପରିଷଦ ବୀରମହାରାଜପୁର ତରଫରୁ ଲୋକଗୀତ ପରିବେଷଣ ଦର୍ଶକଙ୍କୁ ମୁଗ୍ଧ କରିଥିଲା ବିଶେଷ ଆକର୍ଷଣ ଥିଲା ପଦ୍ମିନୀ ଦୋରା ଙ୍କ ସଙ୍ଗୀତ ।ସେହିପରି ବାଞ୍ଜିପାଲି,ଫୁଲମୁଠି,ଚରଦା, ଭ୍ରମରପାଲି,ଶଙ୍କରା ଉଚ୍ଚ ପ୍ରାଥମିକ ବିଦ୍ୟାଳୟ ଓ ସେଲେଡି ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର ଛାତ୍ରଛାତ୍ରୀଙ୍କ ଶିଶୁ ଉତ୍ସବ ଆକର୍ଷିତ କରିଥିଲା ।ଶେଷରେ ଯୋଗଦେଇଥିବା ବିଭିନ୍ନ ସାଂସ୍କୃତିକ ଅନୁଷ୍ଠାନର କଳାକାର ମାନଙ୍କୁ ମାନପତ୍ର ପ୍ରଦାନ କରାଯାଇଥିଲା।