28-Oct-2025

କଣ୍ଟାମାଳ(ଜୟକୁମାର ମହାରଣା): ସରକାରଙ୍କ ଯୁବ ବ୍ୟାପାର ଓ କ୍ରୀଡ଼ା ମନ୍ତ୍ରଣାଳୟ ଅଧୀନସ୍ଥ ମେରା ଯୁବା ଭାରତ ଓ କଣ୍ଟାମାଳ ସମଲେଶ୍ଵରୀ ସ୍ପୋର୍ଟିଂ କ୍ଲବ୍ ମିଲିତି ଆନୁକୁଲ୍ୟରେ ଘଣ୍ଟାପଡ଼ା ଖେଳପଡିଆ ଠାରେ କ୍ଲାଷ୍ଟର ସ୍ତରୀୟ ଖେଳ କୁଦ ପ୍ରତିଯୋଗିତା ଅନୁଷ୍ଠିତ ହୋଇଛି l ଉକ୍ତ କାର୍ଯ୍ୟ କ୍ରମ ରେ ଫୁଟବଲ୍, କବାଡି, ଦୌଡ଼, ଧୀର ସାଇକେଲ ଚାଳନା ଆଦି ବିଭିନ୍ନ ପ୍ରକାର କ୍ରୀଡ଼ା ପ୍ରତିଯୋଗିତା ହୋଇଯାଇଛି l ମେରା ଯୁବା ଭାରତର ଅସନ୍ ମହାକୁଡଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବରେ ସମଲେଶ୍ଵରୀ ଉଚ୍ଚମାଧ୍ୟମିକ ବିଦ୍ୟାଳୟ ର ପ୍ରଧାନ ଶିକ୍ଷକ ପୀତବାସ ପଣ୍ଡା ଓ ସମ୍ମାନୀତ ଅତିଥି ଭାବରେ ଆଞ୍ଚଳିକ ଡିଗ୍ରୀ କଲେଜ ର

ଅଧ୍ୟାପକ ରବୀନ୍ଦ୍ର ନାଥ ରଣା ଓ ଘଣ୍ଟାପଡ଼ା ଅଞ୍ଚଳର ବରିଷ୍ଠ ଖେଳାଳି ରୁସବ ମାଝୀ ପ୍ରମୁଖ ଯୋଗଦେଇ କୃତୀ ଯୁବକ ମାନଙ୍କୁ ଟ୍ରଫି ଓ ମାନପତ୍ର ପ୍ରଦାନ କରୁଥିଲେ l କ୍ରୀଡ଼ା ପ୍ରତିଯୋଗିତାକୁ କ୍ରୀଡା ଶିକ୍ଷକ ସଞ୍ଜୀବ ସାହୁ, ମନ୍ଦାଗିନି ବଗର୍ତ୍ତି, ଖାଯୁର୍ ମହମ୍ମଦ, ସୁଶାନ୍ତ ବାଘ ପ୍ରମୁଖ ପରିଚାଳନା କରୁଥିଲେ l କ୍ଲବ୍ ରଉପଦେଷ୍ଟା ଗିରିଧାରୀ ରଣା, ପ୍ରଭାସ କହଁର ପ୍ରମୁଖ ସହଯୋଗ କରୁଥିଲେ l