25-Oct-2025

ବଲାଙ୍ଗୀର(ପ୍ରେରଣା ଖବର): ବଲାଙ୍ଗିର ଜିଲ୍ଲା ଦେଓଗାଁ ବ୍ଲକ ମୁକୁନ୍ଦପୁର ପଞ୍ଚାୟତ ପର୍ଯ୍ୟଟନସ୍ଥଳୀରେ ଚାଲିଥିବା ୧୧ତମ ଭୀମପାହାଡ ମହୋତ୍ସବ  ଶୁକ୍ରବାର ଥିଲା ତୃତୀୟ ସଂନ୍ଧ୍ୟା । ଏହି ସଂନ୍ଧ୍ୟାରେ  ମହୋତ୍ସବ କମିଟୀ ଅଧ୍ୟକ୍ଷ ଲକ୍ଷ୍ମଣ କୁମାର ମେହେରଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ମୁଖ୍ୟଅତିଥି ଭାବେ ବଲାଙ୍ଗିର ପୈାରାଧ୍ୟକ୍ଷା ଲିକା ସାହୁ , ମୁଖ୍ୟବକ୍ତା ଭାବେ ବରିଷ୍ଠ ସଂସ୍କୃତି ଗବେଷକ ଗୁରୁଶ୍ରୀ ଡ. ଘାସିରାମ ମିଶ୍ର ଓ ସମ୍ମାନୀତ ଅତିଥି ଭାବେ କଣ୍ଟାମାଳର ପୂର୍ବତନ ବିଧାୟକ ମହିଧର ରଣା, ସ୍ଥାନୀୟ ପୂର୍ବତନ ବ୍ଲକ ଅଧ୍ୟକ୍ଷା ରୀନା ମେହେର ପ୍ରମୁଖ  ଯୋଗଦେଇଥିଲେ । ଅଞ୍ଚଳର ସାମଗ୍ରୀକ ବିକାଶରେ  କଳା, ସାହିତ୍ୟ ଓ ସଂସ୍କୃତି ର ଅବଦାନ ଅନେକ ବୋଲି ଅତିଥିମାନେ ମତବ୍ୟକ୍ତ କରିଥିଲେ ।  ଏ ଅବସରରେ ବୈାଦ୍ଧ ଜିଲ୍ଲା ଟପର୍ଣ୍ଣାର ମୃଦଙ୍ଗ ବାଦକ ପ୍ରହଲ୍ଲାଦ ରଣା ଓଗୈାରଗୋଠ ରାମଜୀ ପଡାର ଶ୍ରୀରାମ କଳାପରିଷଦକୁ  ଭୀମପାହାଡ ସମ୍ମାନରେ ସମ୍ମାନୀତ କରାଯାଇଥିଲା । ପରେ ମଧୁସୂଦନ ନାଏକଙ୍କ ସଂଯୋଜନାରେ ଅନୁଷ୍ଠିତ ସାଂସ୍କୃତିକ କାର୍ଯ୍ୟକ୍ରମରେ ଟିଟିଲାଗଡର ଦୀପକ ଜାଲ ଓ ସାଥିଙ୍କ ଦ୍ୱାରା ଢାପ ନୃତ୍ୟ, ବଲାଙ୍ଗିରର ସଂଜ୍ୟୋତ କଳାକେନ୍ଦ୍ର ଓ ଢୋଳମହୁରୀ କଳାପରିଷଦର କଳାକାର ମାନେ ପାରମ୍ପାରିକ ଲୋକନୃତ୍ୟ ପରିବେଷଣ କରିଥିଲେ ।  ବରିଷ୍ଠ କଳାକାର ରବିନ୍ଦ୍ର କୁମାର ସାହୁ ଓ ସାଥିଙ୍କ ଦ୍ୱାରା କଂସ ଦରବାର ମଞ୍ଚସ୍ଥ ହୋଇଥିଲା । ଗିରି ଗୋବର୍ଦ୍ଧନ ପୂଜା କମିଟୀ ଆନୁକୁଲ୍ୟରେ

ଚାଲିଥିବା ପୂଜା ଉପଲକ୍ଷେ ୨୪ ପ୍ରହରୀ ନାମଯଜ୍ଞ ଓ ମୀନା ବଜାର କାର୍ଯ୍ୟକ୍ରମ ଚାଲିଛି । କମିଟୀର ଉପଦେଷ୍ଟା ଶୈଳେନ୍ଦ୍ର କୁମାର ସାହୁ ସ୍ୱାଗତ ଭାଷଣ ଦେଇଥିବା ବେଳେ ସ୍ଥାନୀୟ ସମିତି ସଭ୍ୟ ଅଭିମନ୍ୟୁ ମାଝୀ ଧନ୍ୟବାଦ ଅର୍ପଣ କରିଥିଲେ ।  ଭୀମପାହାଡ ମହୋତ୍ସବ କମିଟୀ ସଭାପତି ପ୍ରମୋଦ କୁମାର ବହିଦାର,  ଗୋବର୍ଦ୍ଧନ ସାହୁ, ନନ୍ଦିକିଶୋର ନାଏକ, ପୂର୍ବତନ ସରପଞ୍ଚ ବାଳକ ପଧାନ, ରୁପାଧର ପୁଟା, ଦୟାସାଗର ନାଏକ, ପିତାମ୍ବର ପ୍ରଧାନ, ସାର୍ଥିକ ଭୋଇ, ରାଜେଶ ନାଏକ ପ୍ରମୁଖ ମହୋତ୍ସବ ପରିଚାଳନାରେ ସହଯୋଗ କରୁଛନ୍ତି । ଏହି କାର୍ଯ୍ୟକ୍ରମରେ ବଲାଙ୍ଗୀର ଜିଲ୍ଲା ସମେତ ସୁବର୍ଣ୍ଣପୁର,ବୌଦ୍ଧ ଓ କଳାହାଣ୍ଡି ଜିଲ୍ଲାରେ ହଜାର ହଜାର ଲୋକ ସମ୍ମିଳିତ ହେଉଛନ୍ତି ।